¹ Polelo, pakuti tuzingiliziwe ni bingi ikulu lya bakaboni, zanga tubike pambali ubung;wamu bonsi sona, tutakapepule ukupanga imbibi. ² Zanga tuteghelezyenge kwa Yesu, umwati nu mufukapo wa lwitiko. pakuti ubuhobosu bo bukabikiwa pa nthanzi zyache akalwisizya mphinjika, pambali sona nukwikala pansi kunyobe ya ndyelo ya chitengo cha Chala. ³ Po mumwinong'one, uyu yo akalwisizya ukususya uku kwa ba mbibi mwene ukuti mutabe bakupyoka nukutaya umoyo. ⁴ mutakanizizye pamo ukuiwisya ukupota imbibi mupaka pa kabele ka daba; ⁵ sona mwaluvya ukughoma ko akabamanyisya ngati bana. '' Mwana wane, utakinong'one mwa kupepula inkalo ya Mwene , pamo ukuba wa kulita nanthi ukusenya. ⁶ Pakuti u Chala akubapa inkalo bobamughanite sona akufunda umwana wensi yo akumupokelela,'' ⁷ Lwisizya ukutamiwa ngati nkhala, U Chala akubomba numwe mo nkhubombela na bana. pangaba umwana yumo yo u Wise atakumupa inkalo? ⁸ Loli nanthi ute ni nkhalo, yo abanthu bonsi bali nayo po tewe mwana loli we musungiwa. ⁹ Pakubukilila, tukaba na batata bo bakatupa inkalo uswe , sona tukaba chindika. kalinga ko tungibika kwa Tata uwa mizimu nukuba bumi! ¹⁰ Abatata bitu bakatupa inkalo pakabalilo akanandi ngati ukuyana namo ba kinong'onela. loli U Chala akatupa inkalo bwanduzi bwitu ukuti tugabane mubuswepu bwache. ¹¹ Ukusita nkalo pakabalilo kala kukaletanga ubuhobosu ¹² Po kola inyobe umwa kukazya mu vimphenvu izyakutoghomboka. ¹³ Po gholosya inzila zya vinama vinu, iya kwendamo ni vinama vinu ukuti vyovilemalite vitakapyoke loli vipoziwe. ¹⁴ Yezya ukusunga umutende na banthu bonsi sona nubuswepu nanthi ivi navimo nayumo uwa kumulolela u Mwene, ¹⁵ Mube mwe bakucheba umwakuti nayumo atakasobelwe ichisa cha Chala, sona '' numugululuzi uwa kubaba ghoghukule ukuti ghupange inthamyio, umwakuti abinji batakabe bakukalala nazyo ¹⁶ Patakabe nayumo yo muhule pamo yo atakusalifya, ngati we Esabo, yo akaghuzya ubwa songo ni chakulya. ¹⁷ Pakuti mukumanya ukuti panthanzi pache, po akanyonywa ukupyana ichisayo, akakaniwa, chifukwa akaghiwa ukuti ate numwabi uwa kupinduka, nanga buli akinong'ona mupaka namasozi, ¹⁸ Pakuti mutizite kuchipili ichakuti chingakoliwa, ichipili chakwaka umoto, ichisi, ubusisya, nukuputa kwa mphepo. ¹⁹ Pakuti mutizite kwi lonje lwakukuta, pamo kwizwi lyakukuta, pamo kwizwi lya mazyu ghakunena lyo aba kwivwa bakalenga ukuti patakabe uyunji uwa kunena nabo. ²⁰ Pakuti atakafwilila chochikulamulila, '' napo chinyamana champhalamansya ni chipili , chingumiwa na mabwe.'' ²¹ pakuti ivyakuboneka vikaba vya koghofya po U Mozesi akati indi nu bogha sona nkhutetema ,'' ²² Mumalo mwache, wiza ku chipili cha ziyoni sona na kukaya akakulu akabumi aka Chala, na ku yelusalemu wa kumwanya, ko kuli abamdumi baku mwanya teni saghuzande bali pa lusekelo. ²³ Mwizite kwibumba lya bukatote lyo lisimbiwe na kumwanya. mwiza kwa Chala umulongi wa bonsi, sona na kumizimu ya bagholosu bobapangiwe ba kufikapo. ²⁴ Wiza kwa Yesu yo mwimilili wa lilaghano ipya, sona nu daba wa kunyansa ya akanena akiza ukulusya udaba wa Abelo. ²⁵ Linga ukuti utakamunkhane na yo akunena. Nanthi ba takatoloka po bakamukana yo akaba sokanga pa chisu, nukuchepa tukwiza ukutoloka kwayo akukutusoka ukufuma ku mwanya. ²⁶ Pakabalilo kamo, ichongo chache chikoghofya ichisu.Loli ulu atulaghizya nukunena, mukabalilo ka kwiza nthakwiza ukuneng'enia ichisu chapasi chene awe, lili ni chakumwanya.'' ²⁷ Amazyu ghano, ''akabalilo kamo,'' chikung'anamula ukufumia kwa vinthu vila vyo vinganeng'enia, kokuti, ku vinthu vyovipeliwe, mwakuti ku vinthu vyo vitanganeng'eniwa vikwiza ukusyala. ²⁸ Polelo, nukupokela ichinamwene cho chitanganeng'ena, Zatusalifye sona namukabele ka kwiputa U Chala nu muchinzi nubogha. ²⁹ Pakuti U Chala witu gho moto wa uwakupyuta.