¹ Pakuti tumenye ukuti nanthi inyumba yitu yo tukwikalamo yikomanikite, tuli ni chakuzengeka ukufuma kwa Chala. Te nyumba yakuzengiwa ni nyobe zya banthu, nyumba ya kusita kumala, kumwanya. ² Pakuti mu chisakasa ichi tukulilila, ukulongolezya ubwikazi bwitu ubwa kumwanya. ³ Tukulondelezya chifukwa nanthi twavwalikiwa tutazukwaghika ukuti tuli nkule. ⁴ Pakuti naloli waghe tuli mu chisakasa ichi, tukulila, pakuti tukupyoka. Tutakulonda ukuba basita kuvwala. Mumalo mwache, tukulonda ukuvwalikiwa umwakuti chimiliwe nu bumi. ⁵ Yumo yo akutuyanizya ichinthu chimo we Chala, yo akatupa uswe u Muzimu wa chisimikizyo wa cho chikwiza. ⁶ Polelo akabalilo konsi mwisubile. Muchebe ukuti po tuli pa nyumba ku mubili tuli kubutali nu Mwene. ⁷ Pakuti tukwenda mu lwitiko, po tutakulinga. ⁸ Loli swe ba kwisubila. Tubengeko kubutali nu mubili sona pakaya tubenge nu Mwene. ⁹ Po tukubika ukuba bumalilo bwitu, kali tuli pakaya pamo tufumitepo, tumuhobosye. ¹⁰ Paukuti swebonsi tubaghile ukubonekela pa chitengo cha kulongela icha Kilisitu, mwakuti wensi apokele cho chikuyana ni mbombo zyo zibombiwe nu mubili, pamo ziza pamo zibibi. ¹¹ Polelo, pakumanya ukoghofya kwa Mwene, tukupepeka abanthu. Po cho tuli uswe chikuboneka pabwelu nu chala sona nkhusubila ukuti chili pabwelu nakumabyebye ghinu. ¹² Tutakuyezya ukupepeka uwe sona ukuti utulinge ngati swe bakubaghila. Mumalo mwache, tukubapa ichifukwa cha kubusila uswe, po lumo mungaba ni lyamuko lya bakubusa na kabonekele loli ukuleka vyo vili mu moyo. ¹³ Pakuti nanthi inyinong'ono zifumitemo mu mwitu, we Chala; sona nanthi tuli ni nyinong'ono izyenecho, vili mu mwinu. ¹⁴ Pakuti ulughano lwa Kilisitu lukutuchinchizya uswe chifukwa chakuti tusimikizizye izi: Pakuti umunthu weka akafwila bonsi, sona ukuti polelo bonsi bafwile. ¹⁵ Akafwila bonsi, mwakuti bonsi bo baliko batakabengeko pa bene loli chifukwa chache yo mu mwache akabafwila sona akazyuka ¹⁶ Pa chifukwa ichi, ukufuma ilelo na kunthanzi tutakumumanya nayumo ukuyanana ku mubili, napo buli tukamumanya u Kilisitu ukuyana ku mubili. Loli ulu tutakumanya sona. ¹⁷ Polelo nanthi yo ali mwa Kilisitu, chipeliwa ichipya. Ivyakale vyonsi vibukite, linga, vizite ivipya. ¹⁸ Ivinthu vyonsi ivi vifumite kwa Chala. Yo akatusayania uswe nawe ukwizila mwa Kilisitu sona atupile uswe ububombeli bwa kusayana. ¹⁹ Kokuti,mwa Kilisitu u Chala akusayania ichisu nayuyo, ukusita ukubelenga zyo bakumubombela. A kubika mu mwitu amazwi ghakusayania. ²⁰ Po uswe tusaliwe ukuba bimilili ba Kilisitu , ngati mo u Chala akalilizikanga mu mwitu. Tukulambilizya numwe, chifukwa cha Kilisitu: '' musayane kwa Chala!'' ²¹ Akamupanga yo atakamanya imbibi nayimo ukuba ni mbibi chifukwa chitu, umwakuti twize tube swe bagholosu ba Chala mumwache.