¹ Ka twandite pakwipala twebene sona? Tutakulonda u kalata nayumo uwakusimikizya kwa uwe pamo ukufuma kwa uwe, ngati banthu bamo, po tuli? ² Umwe mwebene mwa bakalata bithu bakusimikizya, bo basimbiwe mu myoyo yitu, bamanyikizwe sona bakubelengiwa na banthu bonsi. ³ Wilangizya ukuti we kalata wa kufuma kwa Kilistu, chimanyisyo cha mbombo yitu vitakasimbiwa ninkhi loli nu Muzimu wa Chala umumi. Vitakasimbiwa pa mabwe aghapapate, loli pa myoyo iyipapate iya banthu. ⁴ Sona ulu lolo lusubilo lo tuli nalo mwa Chala ukwizila mwa Kilisitu. ⁵ Te swe bakukwana pa twe bene, ukuti tungabomba ichinthu chimo ngati chikufuma kukwitu. Mumalo mwache, ukukwanisya kwitu kukufumila kwa Chala. ⁶ We Chala yo akapanga ukuti uswe tube ba mbombo mu lulaghano ulupya. Ulu te lulaghano lwa mwa kalata loli lwa mu Muzimu. Pakuti ukalata akukoma loli u Muzimu ghukupa ubumi. ⁷ Loli nanthi imbombo zikwiza nu bufwe---bo bkasimbiwa mwa kalata pa mabwe-----bakiza mu buchindamu ngati bana ba Izilayeli batakalingisya amaso ghabo pa cheni cha Mozesi.Ichi chifukwa cha buchindamu bwa cheni chache, ubuchindamu bo bukamalanga. ⁸ Ka buchindamu buli ubukulu bo bukuzukuba mbombo zyo u Muzimu wa bomba? ⁹ Nanthi ububombi bwa kususania buli nu buchindamu, kokuti ububombi ubugholosu bukupululila mu buchindamu. ¹⁰ Naloli, cho chikachindamisya chitakachindamisya iyi, chifukwa cha buchindamu bokupota. ¹¹ Pakuti nanthi cho chikapululila chikaba nu buchindamu, bukulu buli bwa buchindamu bungabapo pa cho chikazikiwe. ¹² Po tuli nu lusubilo ulu, tuli nu bujimvu ubukulu. ¹³ Tute ngati we Mozesi, yo akuvwinkhana umwenda ku maso kwache, ukuti abana ba Izilayeli baleke ukumulingisya pa maso po ubuchindamu bukufuma nu kubuka ¹⁴ Loli inyinong'ono zyabo zikighalilika. mphaka mwi siku lilelo ili, po bakubelenga amalaghano aghakale, ngati umwenda ghulanyene ghulipo.Batakaghufumyapo, chifukwa mwa Kilisitu mwene bakaghufumyapo. ¹⁵ Loli mphaka nilelo, pala u Mozesi abelenga, umwenda ghukuzinga umyoyo yabo. ¹⁶ Loli nanthi umunthu aba mwa Chala, ichimwenda chikufumisiwapo. ¹⁷ Po ulu u Mwene weyo we Muziui. Ko u Muzimu wa Mwene ghuli. ko kuli ukufwasa. ¹⁸ Po ulu bonsi mwa uswe, ni vyeni vya kusita kuvwinkuka, linga ubuchindamu bwa Mwene.Tunyoseziwe mu buchindamu ngati ligalasi nukung'anamukila ku kuyanizya poka bwaka ukufuma mu buchindamu ukuya ku buchindamu ngati mo bukufumila kwa Mwene, yo we Muzimu.