¹ Po ninong'onite panemwene ukuti nthakulonda ukwiza sona ku kwinu nu bubavu ubwakudumuliwa. ² Nanthi nabapanga ububavu, ka wewenu yo inthi ize anthumvye une loli weyo une nkhamuvulazya? ³ Nkasimba mulubatiko ukuti nanthi nkhwiza ku kwinu nthakize mvulaziwe nabo bakamphangisya une ukuba mu lusekelo. Indi nu bwanaloli numwe mwebonsi ukuti ukusekela kwane kuyanite bwaka nu kusekela kwinu. ⁴ Pakuti nkabasimbila umwe ukufuma munthanmyo izikulu, nu kubaba kwa moyo, na masozi aminji. Mumalo mwache, nkhalonda umwe mumanye ulughano ulukulu lo une indi nalo papinu. ⁵ Nanthi yumo angapangisya ububavu, atapangisya pa une nemwene, loli munzila zimo---ukuleka ukukalipa ukukulu---ku mwebonsi. ⁶ Ichilango ichi pa munthu napa kabukutila chikubayana. ⁷ Po ulu mumalo mwa chilango, mubaghile ukuhobokela nu kumutebezya. Bomba ivi umwakuti atakabe ni chitma ichikulu. ⁸ Po nkhukughomya pa kabukutila ukuti basimikizye ulughano lwako ku kwache. ⁹ Ichi cho chifukwa cho nkhasimbila, ukuti nkhuyezye uwe sona manye ukuti we wa kwivwila mu vyonsi. ¹⁰ Nanthi wamuhobokela yumo, nune nkhumuhobokela. Chonahobokela--sona nanthi nahobokela chimo---chahobokeliwa chifukwa cha uwe pamaso gha Kilisitu. ¹¹ Ichi chili bunonyene ukuti u Satana atakatwende indyali. Pakuti te swe balunkhanu mu nyinong'ono zyache. ¹² Umulyango ghukighuliwa ku kwane nu Mwene bo niza mukaya ka Troas pakufumusya izwi lya Kilisitu kulanyene. ¹³ Nthakapokiwa mu muzimu wane chifukwa nthakamwagha uwamwitu u Tayitasi kula. Po nkhabaleka nukuya ku Makedonia. ¹⁴ Loli amapalo aminji ghaye kwa Chala, yo mwa Kilisitu akabalilo konsi akutulongozya mukupota. Ukwizila mumwitu akusasya umununsi uwiza uwa mahala ghache paliponsi. ¹⁵ Pakuti uswe swe mununsi uwiza mwa Kilisitu kwa Chala, poka nabo bapokiwe sona mu mwabo bo basobelite. ¹⁶ Ku banthu bo basobelite, umununsi wabo yomfwa ku mfwa. ku wensi yo apokiwe, mununsi wa bumi ku bumi. Ka wewenu yo inthi akwanisye ivinthu vino? ¹⁷ Pakuti tute ngati banthu abinji bo bakughuzya amazwi gha Chala ukuti bapindule. Mumalo mwache, ukuyana nu bwabaloli, tukunena mwa Kilisitu, ngati swe bakutumiwa ukufuma kwa Chala, pa maso pa Chala.