¹ Natda ishog-otdi cajŕyat cajŕ-ot calomjin-otjet iyŕgprn-otdi Babilonia-at ajet itcuibatdi itig icuyuat Artajerjes. ² Jajŕinog-ot Finees, Gersón. Jajŕinog-ot Itama, Daniel. Jajŕinog-ot David, Hatús. ³ Otdi jajŕinog-ot Secanías, otdi jajŕinog-ot paros; oyat pri Zacarías, oyat jajet cajŕina ca-ŕicanag-li ciento ciencuenta mot cajŕina ca-ŕno-li capapera-ot úu bŕyatjalig-u cayú. ⁴ Jajŕinog-ot pahat Moab: Elioenai, Zerahías wa ojetdi cajriná soscientos itog-ot mot. ⁵ Jajŕinog-ot Secanías:Ben Jahaziel. Ojetdi cajriná trescientos itog-ot mot. ⁶ Jajŕinog-ot Adín: Ebed, Jonatán wa. Ojetdi cajriná cincuenta itog-ot mot. ⁷ Jajŕinog-ot Elam: Jesaías, Atalías wa. Ojetdi cajriná setenta itog-ot mot. ⁸ Jajŕinog-ot Sefatías: Zebadías, Micael wa. Ojetdi cajriná ochenta itog-ot mot. ⁹ Jajŕinog-ot Joab: Obadías, Jehiel wa. Ojetdi cajriná soscientos dieciocho itog-ot mot. ¹⁰ Jajŕinog-ot selomit, Josifías wa. Ojetdi cajriná ciento sesenta itog-ot mot. ¹¹ Jajŕinog-ot Babai: Zacarías, Bebai wa. Ojetdi cajriná veintiocho itog-ot mot. ¹² Jajŕinog-ot Azgad: Johanán, Hacatán wa. ojetdi cajriná ciento diez itog-ot mot. ¹³ Dut jaŕinog-ot Adonicam cayug-li oyem. Natdi catam-ot: Elifelet, Jeiel, oyat pri Semaías.Cajet iyug-otdi sesenta catog-li mot. ¹⁴ Jajŕinog-ot Bigvai: Utai oyat pŕi zabud. Ojetdi cajriná setenta catog-li mot. ¹⁵ Jamog Esdras:Amda cajuibe-ŕrm ijeosho-ot moyŕliprnye iyŕg Ahava lica, oyat omda moyŕliprnye iyŕg Ahava lica, oyat omda jam-u biri pri wryu irig-jet. cajuyú alúg epin-ot oyat pri sacerdote-ot, jaashancŕt-rt cat-alug-lig jajŕinog-ot leví jam-u. ¹⁶ Ooshrmdi jajeo-acúi Eliezer, Ariel, Semaías, Elnatán, Jarib oyat pri Elnatán oyat Natán, Zacarías, oyat pŕi Mesulan, otdi cajŕijuyag-ot oyat pri Jaiarib oyat pŕi Natán, otdi cajúi-rt. ¹⁷ Ooshrmdi jaabŕno Iddo, ca-ŕi casifia-ja. Amog-li bŕje ashimó Iddo-at oyat pri jajŕ-olat, ibeperat cajuiberipŕnteé ijúg-otdi casifia-ja, naa-la óo, catcaubryug ibepet jaotteja Dios. ¹⁸ Ojeri catcabŕyug-lig jajaye jajeyu jalap Bijŕi Dios itŕm bon jatamdi Serebías, itŕm bon bicacóu. óo jŕinog-li Mahli, Leví wa, Israel wa. óo jug-li dieciocho itog-ot jatŕ-otjet oyat pri japetwat. ¹⁹ Hasabías-li iyúg jajet.otdi pŕi irig-ot Jesaías, ooli bŕi Merari wa, japetwatjet oyat pri jatŕi-ot, veinte catog-li mot wrijin.

²⁰ Otdi itcali-ŕg-otdi itbepjee cajuiberipŕntee, otdi DAvid-at oyat pri jashotdawaot jainatdig-ot jatbŕg-li itberg-jeeri Levita-olat: doscientos veinte itŕmnogjet ot catcaág-li catamjet. ²¹ Oosrmdi amat jajipín itŕm mayeshanwaiyu prnpóm o prnpatpri monolprnye Ahava-ja biuyig-jee jaubata bijŕi Dios, jabijeojee itŕm dŕg ishalalig óo birat, bipinit ishrmmog-ot oyat wrijin itbijeo-ot. ²² Aúyíg ja-ŕmdig iyíg icuyo shotdawaotjet o shotdawaot caballojaá ibóg-ot bijaicajeojee bibalot ubata dŕg-uu, jabipín-rcatdi iyíg icuyo: jalap bijŕi Dios óo jaala jalí dut jajewerat ijei,oo prnat jawairiyu oyat janrmyu otjaala jalí wrijin jŕt jajaitemdi-rt. ²³ Ooshrmda biyeshanwayí oyat jabijeo bijŕi Dios jashŕm naa oyat pri jabi-ŕm. ²⁴ Ooshrmda amat jaóg doce itog-ot mot catee jainotdig-ot Sacerdoteot: Serebías, Hasabías oyat diez catog-li capetwat. ²⁵ Abig-ashagli olat palatá, oro oyat pri ebushag-ot oyat ofrendaot jaotyawana bijŕi Dios iyíg icuyushrt, otpri ebupín-rt oyat jainotdig-ot shotdawaot oyat wrijin Israelat iipínbrg-li ishanpajijet. ²⁶ Ojeri abíg-ashag-lig malap-uu seiscientos cincuenta jamŕmyu palatá, cien jamŕmyuot palatá cón-ot, cien jamŕmyu oro. ²⁷ Veinte tazashuwaiot mirig-ot mil jamŕmyuot oyat caculi bujuot bronce-con-ot jaibŕlot ijeijet, mirig-ot oje oroni. ²⁸ Ooshrmda amog: yam ebuyabeŕg Biŕyat oyat pri nat ebushag-ot. oyat naa palatá oyat oro pri ofrendaotda-ot ityabŕg-ot yajiteat biŕyat, cajŕi Dios yalom-otjin. ²⁹ jaíyajeo oyat jayauwáu onyau yamat jajŕiwŕm-rca caubata jainotdig-ot sacerdoteot, Levitaot, oyat pri cajŕijuyag-ot cajŕ-ot calomjin-ot Israel-ta Jerusalén-na ebuiruliprn-otye jaotteja Dios. ³⁰ Sacerdoteolat oyat pri Levitaot jatwau-ŕg-li palatá oyat pri oro jaŕiwŕnprn-ot oyat pri ebushag-ot catca-ŕnogjee Jerusalén-na, jaotteja bijŕi Dios. ³¹ Biyŕg-li monolipŕn-ye Ahavaja oolouli doce jatolouli wryu jatrmdouli jrbŕt binogjeeli Jerusalén-na. Jalap bijŕi Dios jalig-li bijaá;óoli bijaijewe jalapjet bibalotshrt oyat pri nat jajewetdi bitcaliŕg-lig itŕm moteishauŕyu tee dŕg-uu. ³² Ooshrmdi birug Jerusalén-na oyat omid birí pŕi wryu irigjet. ³³ Ooshrmdi jacaunolouli wryu palatá, oro, oyat ebushag-ot cajŕicawínrg-li bijŕi Dios ottee Meremot dap-uu, Urías wa Sacerdote. Natdi irig-ot jajet Eleazar, finees wa, Jozabad, Jesús wa, oyat Noadías, Binúi Levita wa. ³⁴ Jamrmyu oyat cajriwrnyu jajricanag-li obatdi. ³⁵ Uprlotdi catcawáwali, epin-ot inogprn-ot cayanshrt, ofrendaot iyŕgprn-otdu itcabrg-ot Israel jri Diot: doce catog-li vacatŕiot wrijin Israelat ibŕg-ot, noventa y seis catog-li carneroot, setenta y siete catog-li corderoot oyat doce catog-li mot cabraat oje ofrendani iep itmínrgshrm. Wrijindi ofrenda iyrprn Biŕyat. ³⁶ Ooshrmda olat jatbrg-li ebuicuyuot iyíg icuyuat iyinog jainotdig-olat iyíg icuyupinit oyat pri ishaog-olat epin-otjryat jŕnyau rtshrt oyat olat ijeimín-gli epin-olat oyat pri joat jaá Dios.