AnnyLuMoreno-pui_ezr_text

CAPITULO 6

¹ Ooshrmdi iyíg icuyu Darío jatcuiri jatjeolig moteja cajŕinaot cawauliprn Babiloniaja. ² Moyanshuwaiya iiwaiprnat Acmetaja jajewalee itŕm icŕpprn papera itdug-li; óoli naa cajŕina: ³ Jajuiwryutee itŕm wig iyíg icuyo Ciro, óat jaipindi itŕm ebuicuyo jashrm jaot Bijŕi Dios Jerusalén-na: Jatmín-rgjeerishii jaot oje itŕm ebuiri-ŕliprnni ijei ibŕliprnjan. Catcategjee jaŕteyuot. Jashŕnyuya sesenta codos jashŕnshishogya oyat jaúshiyiyo sesenta codos-ya pri. ⁴ Cajŕishi-pŕiya cajŕshinog-lig pulot itcashere-ŕgprn-ot jujút. Oyat camí iyíg

icuyo-otteatya jatshi-óo.

⁵ Oprnat, jaúyauprt-ŕt oro oyat ebushag-ot palatá-con-ot japínit jaotdi cajuberiprnat Jerusalén-nat cajuiberipŕna Babiloniaja. catyaubŕnog cajuiberipŕn Jerusalén-na oyat omda catyaulí-r jaottee Bijŕi Dios. ⁶ Dumat tatni, setar Boznai, oyat jajŕot jainotdig-ot jŕtyau irig-ot jŕnshirgyau Ŕtshrt, ondacatyauwau iyawa. ⁷ íira wojájaya-ŕglig mobep óo naa jaot Dios. Ishóg cajŕiyat oyat quepaot mopín-rt Judío-ot jatshimín-rgya naa jaot Dios jeg-om jalig-u. ⁸ Amda yacuyo yamat ishimín-rg nat quepaolat mopín-rt Judío-olat jatmín-rgjee jaot Dios: campín-rt Judío-olat jatmín-rgjee jaot Dios: camíot itjabŕg-ot ijeinog jainotdig-ot iyíg icuyuat jŕnyayau Rtshrt onyayau catcashiyŕ-r camícabrgjee bat mot

jatsholi-ŕ-r camícabrgjee nat mot jatsholi-ŕgshrtya cabep.

⁹ It-ijeoot, vaca ishŕmnog-ot, carnero-ot itea-íirg-otta iyŕgprn-otjet Bijŕi Dios wryu-ŕyat, trigo-ot, sayu, mŕipog-ot iwairig-ot cat-iwogjee, o iyewag twŕg pulot shrt it-óg, oje itcuirouri Sacerdoteolat Jerusalén-na, jayaubŕg nat wryushitojani íra jaiyatemdi-ŕglig. ¹⁰ Jayaumín-rg naa olat ja-ŕyugjee ijei cajíteat itbŕg Dioat wryu ŕyat oyat Biŕi yau-ŕm ajaá, iyíg icuyu oyat atŕiot jaápŕi. ¹¹ Amda yacuiyu brjalig-u jaubata iríg naa iacuyu, jashitŕmya pun itshióg jaotshrt oyat oojetya jatecashibát-owu epín.Ooshrmya jaot ojera jashiriya itŕm juibete juibetg-otni jamulug-ot Ooshrm naa. ¹² Oyawi Dios iríg jam-yu jashinam-ma bŕnijalig-u iyíg icuyu oyat pri epín-ot ja-ŕgshanbŕi naa jaot Dios Jerusalén-na. Am, Darío, amda icuiyu naa: ojera jatmín-rglígya bicacoujet. ¹³ Ooshrmdi tatnai, setar boznai, oyat pri jajŕot jatmín-rgli wrijin iyíg icuyuat Darío-at cacuirig. ¹⁴ Ojeriwi quepaot ebupín-rt Judío-ot jatmín-rgki oje jatjeolouni Hageo oyat pri Zacarias-at cajui-ŕglig-li jaijapŕnbogbatdi jayerog Biŕi. Jatmín-rgli oje jamolouniri itcuyo Israel jŕi Dioat oyat Ciro pŕi, Darío oyat pri Artajerjes, iyínog-ot icuyut Persia-ja. ¹⁵ Jaot jajuidulig-li japŕiloli jrbŕt itcuirig Adar-lat, seis wig jatogbatdi itcuirig iyíg icuyo Darío-at. ¹⁶ Israelita couot, Sacerdoteot, Levitaot oyat pri itcawau-rgpŕn-ot jatmín-rgli jaliyu naa jaot Dios jíjaijet. ¹⁷ Cien-catgli toro-ot itcabŕg-otdi, cien

carnero-ot, oyat cuatrocientos cordero-ot catog-li itcali-ŕgotdi jaotyawana Dios. Doce catog-li mot cabratŕiot otdi itcapribŕg-ot ofrenda-ni iep itmín-rgshrm wrijin Israel-ta, jatŕmjoonog cajaitojani Israel jŕinog-ot.

¹⁸ Olat capŕidi-rgli Sacerdoteot oyat Levitaot itbepjee cabebot itbebrgjee Dio-at Jerusalén-na, oje jajŕinalouni Moisés papera tee. ¹⁹ Ojeriwi dut irigprn-otdi cayanshrt iyaujet jatpŕi

mín-rgli cajíjairprn catorce jaligbat wryu jrbrt dugshitojani.

²⁰ Sacerdoteot oyat pri levitaot Wrijindi caicajeicon caleiolat oyat catca-ŕirgli itcaŕirg-otdi cajíjayuyawaná cashrmdi wrijin dut inonogprndi cayanshrt, caleiotdipŕiwi. ²¹ Israelitaot jawotdi jrlúgta pei cajíjayutee otdi dut ipŕtrn-ot inogprn-otdi cayanshrt oyat jatdi-rgli iep epin-olat imín-rg niti jaá. Oyat jatjeoli Biŕi, Israel jŕi Dios. ²² Otdi jamín-rt jijaijet Paot jŕiwryu jŕishanwawit Siete wryu itogjet, ooshrmdi Biŕyat mojiíjayu ryúg oyat jatpriri-ŕgli jají iyíg icuyu Asiria-atwín cawairiyu cabejee jalabot jabepjaa jaot, Dios-ot Israelatwín.