Jerusalén-na.
2 Zorobabel, Salatiel wa oyat Jesúa pri, Josadac wa, cajuimig-li oyat cajuicawrg-li itbepdig jaot Bijŕi Dios Jerusalén-na nat jaipnitjet jayerog Bijŕi Dios jicajai-rgprn-ot jet. 3 Ooshrmda tatnai, icuyu niti peijaá jŕnshirigyau rtshrt, setar Boznai oyat jajŕot cayug-li oyatcamog-li:¿bŕr jabŕm itŕm iicuyu jaimín-rgjee naa mo oyat jajuiduluigjee nat jaiwayuot?.
4 Jŕt oje capŕimo ¿Bŕinit catm-ot nat mot jamín-rt naa mo?. 5 Ooshrm jabíg Bijŕi Dios ótjaaliwi jali nat quepaot ebupí-rt Judío-ot oyat cabalolat cashanpŕisholi-rtdi. Otdi jajeteyet jatbŕnog-lig itŕm moyerog jŕinagprn iyíg icuyuat oyat itŕm ebu-icuyu jaúcashiprt-rbgya caoín calat. 6 Oola jayerog jŕinagprn naa tatnai, setar Boznai oyat jajŕot jainotdig-ot Darío-at iyíg icuyu. 7 Otdi jabŕnot itŕm jŕinagprn ebuipínryu iyíg icuyuat Dario-atdi jajŕicananobr: Mapinda wrijinmobig-ŕiriyu.
8 Jayauliŕg japishijawag-lig iyíg icuyuat bit-u biringo-li Judá-ja jaotteja iyíg Bijŕi Dios. Jatmín-rg iyinog jaotjet oyat pŕi pun-ot ishere-rgprn-otjet itcali-ŕg-otdi cawaiotta. Oo naa mobep jatmín-rg juiduligjet oyat jajutanog ijeijet yalapbotshrt. 9 Quepaot ebupín-rtda itbi-ŕm-ot:¿Bŕr jabŕm itŕm iicuyu jatmín-rgjee naa mo oyat pri jawaiot?. 10 Bit-ulat capŕi-ŕm catam-ot capishimawagjee pri catam catojani mot bŕtjalig-u cacuyut. 11 Olat cayerog wau-ŕgli oyat camog-li: Bit-utda ibepet duat Dios wryu-ŕyat oyat pri niti-ŕyat oyat oola ibishiimín-rg naa mo itcugmí-rgcatdi bŕn wig-otjet obat jajuijaluli-ŕgli. 12 Ojeriwi, bilop-otjin canŕmbat Dios jet wryu-ŕi, óoli cabŕm Nabucodonosor dap-uye, Babilonia jŕiwairig. 13 Oicomdiwi, itŕm wig tee Ciro-at icuibatdi Babilonia-a, Ciro-at jajaipindi itŕm iicuyu jatshiimín-rgjee jaot Bijŕi Dios. 14 Ciro iyíg icuyu jaujapŕt-rgli oro oyat ebushag-ot palatacón-ot jaot bijŕi Dios pinit Nabucodonosor-lat-iŕjugrn-otdi cajuiberiprteat Jerusalén-nat catjaŕnogjee cajuberiprn Babilonia-ja. 15 óo jamog-li: catmauwau-rg nat ebushg-ot. Maunog oyat catmauli-ŕgya cajuiberipŕgya cajuiberipŕnteja Jerusalén-na. Jaot Bijŕi Dios jatshíimín-rgya jam-u. 16 Ooshrmdi naa Sesbasar yug-li oyat jatmín-rgli jajee jajŕiteyuot Dios otta Jerusalén-na; oyat jatmín-rcat ooshrm jajushanpatjeidulit. 17 Dumatdapeg, jajijajái-r iyig icuyo, jatjeojee moteja cajŕinaot cawauye Babiloniaja jatŕm-u iicuyu Ciro iyíg icuyu pin jalig-u jam-u jatmín-rgjee naa mo Dios pin Jerusalén-na. Ooshrmda iyíg icuyuat jatbŕyujee brjalig-u jamog birat.