cajuiduli-ŕt jaiwáyuot oyat catcpŕijeicon cajŕiteyuot.
13 Dumat japishijawagjee iyig icuyuat naa moyanshuwai jatmín-rglicat oyat jajaíwayuot cajuiduliglig, olat bŕishanbrtya itŕmcugjin itŕg ieji-ot jainotdig-ot caliyuot pŕicugjim catcashitep-epŕgya iyinog-ot icuyut. 14 Jrjetdawi bishŕm jabiwog-li shayu mo iyig ebujŕiwairig diripŕntee, jashanjeibrt birat jabirug-lig itŕmcugjin ja-ŕg-ishanbryu iribrg iyíg icuyuat. Ooshrmdawi naa jabipín-r iyíg icuyu. 15 Jatjeojee jajŕinag-u jaí oyat jatshirugya naa moyanshuwai moyerogshanjuyi iep mín-ŕrm moyan jŕiwairg-olat oyat irig-olat niti péiot jaá. Ibag-la itmín-rg iep ebujŕiwairig-olat oyat pri niti peiot jaá irig-olat. Omdi jali itŕm moyerog-ishanjuiriprn bŕndiyawat.Ooshrmdi naa mobigshayu moyanshuwai jabeg-li. 16 Ooshrmda jabipin-rg iyig icuyu ojalig-u naa moyanshuwai oyat jaiwáyuot catcamín-rg-uli, ooshrmda bŕishiirutya ishirig mamat jŕnshirigyau niti peishrt rtshrt. 17 Ooshrmdi iyíg icuyu jatbrnog itŕm jayerog itnagprn uprtyu Rehum-mat oyat simsai-yat oyat pri jajŕolat Samaria-ja oyat simsai-yat oyat pri jajŕolat samaria-ja oyat wrijin irig-olat jŕn shirigyau rt shrt: Mobig-ŕiriyu bipínda óo. 18 Moyerog jŕinagprn iyabryubŕg-li an jŕiwugprnat oyat jatdebrcat an. 19 Ooshrmdi, amda cacuyu jatjeojee oyat jatdúg-li jŕt wryuot bŕnjin-ot olat moyerogshanjuiri oyat cajuimig-li ebujŕiwairig-ot ubata. 20 Iwairig-ot ebujŕiwairig-ot itcuiri Jerusalén-jáa oyat jalig-li cawairiyu jŕn shirigyau rt jaá. Camicabrg-li ijei-ot jainotdig-ot itcabrg-otdi oyat pri caliyuotjam-u.
21 Dumat, catyaucui catcawau-rgjee nat mot oyat jatmín-rgshrt naa moyanshuwai onyau amat jamica cat-acuirig. 22 Yayaujeirug oje yaligshrt itnamprn-otni jashrm naa ¿Bŕirigshrm jabishiri-ŕ naa mobigcamayo oyat ooshrm jashipatjeirig jainó-ryu nat itcajeoótshrm ŕjetwin-ot?. 23 Obat ebujacuyu iyíg ebujŕiwairicat Artajerjes Rehum-matda jatdebŕg-li, Simsai oyat jajŕolat pri, otdi inog-ot wocaibrni Jerusalén-na oyat catcacuiri jijogjet Judío-ot jatsholi-rgjee mobep. 24 Ojeri mobep jaot Bijŕi Diot Jerusalen-na jatsholi-ŕgli ondiyau jacawa wig itcuirig Daríoat, iyí´g icuyu Persiaja.