¹ Wanna amoototo ai, aacduwwawäto wedu awä, Jehová a'deddu cönäätai Elías wwä. cönä'döaacä:"Äjääne. Acab wwä äänejoota, Eduuwa nono de'wä conoojo wöiñanö'ja'de; quee cönä'döaacä". ² Elías cöntämä yaawä Acab wwä töwäänejoodö wetä. Samaria ña ämi jooje cönä'jaacä yaawä. ³ Yääje mma yaawä Acab cöna'deejai tösootoi edhaajätoncomo Abdías, Abdia jooje Jehová tönnotä cönä'jaacä. ⁴ Jezabel wwä Jehová wa'deu wödö eeammajä'namo töjaajodaawäiñe, Abdias ijaatoodea soto(100) cöneetone'täicho aacä(2) yaadö aca, yää yaadö Waadäi aacä(2) yaadö aca, (50)dhanwaacomo, yaduduucomo ejoodöancädä, yoocödööcomo mmaja. ⁵ yaawä Acab cönä'döaacä Abdias wwä: "Tameedä tuna weichö wa'cä cäcööcoomo cawaayu wocöödöcoomo änuujichantäcä, yuduucomo woi mmaja cadääneichomo'je'da ami awä ä'jajo'noto." ⁶ Tameedä yeichö wa'cä töwaadäiñe täämadööcomo tai tuna ujiiyancädä cönta'to yaawa. ⁷ Ääma tai töötädaawä Elías cöneejodöi. Edanta'jäcä, Abias tä'mudhe cönä'döi, yöjeecaichɔḷö Eue nono tajoojoone. Cönä döaacä: "'¿yeedhajä Elías cä amäädä?" euee cönä'dödacä. ⁸ Töwö cöneccujä'acä:"Ñäädä mmaane'. Adheedhajä wwä ecammata:" Elías sadä nä'döi; qucc caichä'de chäwwä. ⁹ Töwö cönä 'döaacä:¿Ääshono conemjönö önnö'jödö jo'tädööje yeemadöwetä Acab wwä cu'anä?. ¹⁰ Awaanadiiyö Wanaanadi nudääto joi edääje wä'döa: tameedä jata weichö wa'cä ädhuujiye caajichaanai tösootoi tödöiñaiñe'da aweichö necammaato. chaajichanaichomo töneecamma weneeneto adhcedan tä'da töwei'jocoomo. ¹¹ Eduuwa amäädä mä'döa: "Acaajichaanai wwä edääje eeammatä:Elías sadä nä'döi quee". ¹² Etaacä'ma. Sadänno ööta'jädöa, Espiritu Santo anciñaja adhaadäjäi ña. sadä mmaja Acabjodä. Wennaca', a'queaweiya'jäcä; yeemajai ña töwö; Wanaadi tönnontä weijädö weichaame öwö, mude'caäcäje weichö jomoto'jöödä. ¹³ ¿Äwwä täcamma'da ca nai ijaatoodea soto (100)Wanaadi wa'deuwödö eeammannamo ewaanaca'jocoomo öwwä, ijimmä töjaajodaawäiñe Jezabel wwä Aacä sotooto de'wä amoojadä (50), yuduucomo ene'ancädä, yoocädööcomo tuna mmaja?. ¹⁴ ¿Eduuwa Mädääje mä'döaanä öwwä, "Acaajichaanai wwä eeammata: Elías sadä nä'döi: quee, chäwwä yeemadö wetä mmädä"? quee cönä'döaacä Abdias Elías wwä. ¹⁵ Elías cönä'döaacä chäwwä:"Amoode Edhaajätoncomo wanaadi, ñäädä chämjataawä waadö, nudä yeichö joi edää wä'döa: Edäanooto awä dea chäwwä wääneja'de; quee cönä'döaacä Elias Abdias wwä. ¹⁶ Acab wwadäädä Abdías cöntämä yaawä aha'deddu eeammadö wetä. Elías ejoodödö wetä Acab cöneeja'caí yaawä. ¹⁷ Elías eneea'jäcä. Acab cönä'döaacä chäwwä: "¿Amäädä ca ñäädä Israel cone'manei"? quee. ¹⁸ Elías cöneeujä'acä: "Israel elcne'manejönö öwö. Amäädääne, tameedä oomo wäjímmä'tädö mmaja. Wanaadi Waanontädö töne'nomja määnetääne Baalcomo wwäiñe tödöödö wetä. ¹⁹ Tameedä Israelita a'deejajoocäto. Carmelo jödö de'wä ijuumacääto. Ñanno 450 Baal jäcä ecammannamo a'deejajoo cäätoode, ñanno 400 Asera jäcä ecammannamo mmaja ñanno Jezabel meesai de'wäncomo wää washinchädö; quce cönä'döaacä Elías Acab wwä. ²⁰ Yääje mma yaawä tameedä Israelita Acab cöni'juumaicho, Baal wwä tödönnamo mmaja carmelo jödö de'wä. ²¹ Chäwaadäädäiñe Elías cönä'döi yaawä. Cönä'döaaeä: "¿Äächännawä'cätooje aacä ätö'tajäätödöö'como mödööato? Wanaasije yeicya'jäcä Wanaadi shootoije eichäcä. Baal Wanaadije yeiya'jäcä töwö shootoije daja maato; quee cönä'döaacä. Aneecajäätö'da soto cöneiya'to yaawä. " ²² Elías cönä'döa'dea: jääcäjeene wa öwö, Wanaadi wa'deuwödö ecammaneije. Baal wwä tödönnamo mmaane 450 dhanwaacomo.". ²³ Ñaa wwä änu'täcä aacä jaaca coomo. tönwanno nei'ña'to tooni. Nacä'jätöi'ña'to yaawa, wa'to de'cäi tödööancädä, täm jann'dammaja. ²⁴ Awwanadiyö coomo'como wwäiñe adha'deatäcä. Öwö mmaane Wanaadiiyö wwä ya'deuwa'de. ñäädä wa'to u'nei, Wanaadi neeneje que'taato'de yaawä; quee cönä'döaacä Elías"chäänönge na"; Euee cönä'döa'to tameedä soto. ²⁵ Yaawä Elías cöna'döaa'cä Baal wwä tödönnamo wwäine: "Wanna maato änwanno. Anemmencadööcomo woije jaaca aneichaäcä'de yaawä. Wa'to mmaane manemjannätäi'che". ²⁶ Inchuduucomo jaaca tönwanno cönaamiña'caicho yaawä. Numa Baal wwä cöna'deuwa'to anunnaque tödööene. Cönä'döa'to: "Amäädä Baal ñaane'catäädö woije tödööcä; quee, cönä'döa'to, Sacrificio dötoojo awoodhecääcä töweewataashimancädäiñe." ²⁷ Yaawä anunnaque yeichö etaana'tödöö como Elías cönaajäntäi. cönä döaacä: "töcä'deene äcä''töntäcä, Wanaadijaato töwö. Tö tajä' näje naichöjääcä, wetaadawa'cajoonäje jeiñe mma. Aäma tawä wötäänäje eijai ña. wönö'näje yeiya'jäcä emjacaajai maato ". ²⁸ Yaawä töcä'de cöncä'tömjä'a'to, töweichocoomo nönge cömö'cäque töwoocajä'ancädäiñe, taquííyöcoomo töjaadööje. ²⁹ Anooñadäädä jäduuje cöncä' tömjä'a' to cho'mmöödawääno sacrificio tödöötojo cu'nädö aca tödööene, ecujäätö'jödöö'je'da mmadä. A'deu ääta'da cöneiyacä, dha'dedducoomo etaanei'je'da mmaja. ³⁰ Yääje mmayaawä Elías soto cöna'de'jaicho. Cönä'döaacä:"Öwwadäädä ä täcä: quee. tönwanno ije'taca cöne'juumaicho tameedäädä. Jehová wwäno sacrificio dötoojo töwö cönconeecajäätöi, yää täma'jo cönä'ja'dö. ³¹ Amoojadää'to de'wä aacä(12) täju cöni'juumai yaawä, Jacob atöödöcoomo ju'jäcomo Waadai ñäädä chäwwäa'deu Cönääta'dö": Israelje adheetö na'de; quee cönääta'dö. ³² Wanaadi eetö WWänooje täju que sacrificio dötoojo meesa cönnöi yaawä. Dhawoodhecääcä maañuucu wei'jödö'cä wa'ca. ³³ Wa'to chooneca'jeje, jaaca cönaacä'jätö; ye'wä tödöödö wetä. ³⁴ cönä'döaacä:"Aacaichea cancudu tuna änne' täcä eduuwa. Sacrificio de' cäcä accatääcä, wa'to de' cäcä mmaja; quee cönä'döaacä ._ Eduuwaane, aacäicheacancudu tana änne'täcääde; quee cönä'döaacä yaawädeeto tana enejödö mmaja. ³⁵ Sacrificio täccude cönä'jaacä yaawä wa''to mmaja, sacrificio dötoojo mmaja, dhawoodhwcääcä tuna wa'donnatoojo tutu'cannä joone. ³⁶ Yaawä cho'momööda wääno sacrificio dötoojo cu'nädö aca yä'döa'jäcä, sacrificio dötoojo meesa dö'tä Elías cönammöi. cönä'döaacä: "Amäädä Wanaadi, Abraham Wanaadiyö, Isaac Wanaadiyö. Israel Wanaadyö dea Israelita Wanaadiyöö comooje aweichö eneejocä.conno wwäiñe, Öwö adhaanonööje weichö eneejocää'de, tameedä edä wödööaadö awaanontädööje yeichö mmaja; quee cönä'döaacä. ³⁷ Cäccujä'cä, amäädä Wanaadi: ne'catäädö tödööcä, dhowaanäcăiñe yä'dödö wetä, O'jodhaatoje aweichö, äwwadäädä tawwanöcoomo iiñacaadö dhowaanäcäiñe yä'dödö wetä mmaja. ^{38 39 40} Yaawä Elías cönä'döaacä:"Tameedä Baal wwäncomo tödönnamo ajäicho xaawä, císon'cwaca ijöncä'jä'eiñe adäädöcoomoje mma, Elías töjaadäiñe. ⁴¹ Yääje mma yaawä Elías cönä'döaacä Acab wwä:"Ädhäänu'cä eduuwa. Ääwashinchäta. joojato conoojo näätä. ⁴² Ääwashinchä cöntämä Acab yaawä.Elías mmaane carmelo'jöɖö de'cäi cönäncui. Tä'mudhe cönä'döi yaawä töjeedö tä'mudu antawä. ⁴³ Yaawä tanoonö wwä Elías cönä'döaaca: "Dama wwadäädä eneeta". Dama enetöwö cönäncui. Cönä'döaacä: A'quena; quee. Aacä amoojatoodeto'cä wa'cä eneeta; quee cönä'döaacä. Aacä annoojatoode cöntäjäätöi yaawä. ⁴⁴ Yaawä jeene töwö cönä'döaacä:"ca'dutu she'cäto'cä dama jonno nänu'ca, soto amäädö'cä wa'cä. Elías cönä'döaaacä chäwwä: "Acab wwäadha'deuta. Edääje caichä'de chäwwä: "Tadaada choonncaajocä ädhäämu'täiye, conoojo mma adheema'däno;" quee caichä'de chäwwä: quee cönä'döäacä Elías tanoonö wwä. ⁴⁵ Ya'deuwödaawä dea mma, caju cöntööjämöí. Jaojato conojo dha'me jejaichä cönä'döi yaawa. Acab cönäncui Jezreel ña töödö wetä. ⁴⁶ Elías de'wä Wanaadi amäädö cönä'döi yaawa. Töwoomö cöncö'cai Acab owaajo Jezreel.