¹ A balanza falsa é abominación para Iahveh, pero o peso xusto é o seu deleite. ² Cando vén a soberbia, vén tamén a deshonra; mais cos humildes está a sabedoría. ³ A integridade dos rectos guiaraos, pero a maldade dos perversos destruiraos. ⁴ As riquezas non serven para nada no día da ira, pero a xustiza libra da morte. ⁵ A xustiza do xusto endereitará o seu camiño, pero o malvado caerá pola súa propia impiedade. ⁶ A xustiza dos rectos libraraos, pero os traidores na súa cobiza serán enredados. ⁷ Cando morre o malvado, a súa esperanza remata, e a expectación dos malvados perecerá. ⁸ O xusto é librado da tribulación, e o malvado toma o seu lugar. ⁹ O hipócrita destrúe o seu próximo coa boca, pero os honrados líbranse porque o saben. ¹⁰ Cando o ben dos xustos acontece, a cidade alégrase, e cando fracasan os malvados, hai berros de ledicia. ¹¹ Pola bendición dos rectos, a cidade prospera, pero pola boca dos malvados, arruínase. ¹² O que menospreza o seu próximo non ten entendemento, pero a persoa prudente cala. ¹³ O que anda en murmuracións revela segredos, pero o de espírito leal oculta as cousas. ¹⁴ Onde non hai bo consello, o pobo cae, pero na abundacia de conselleiros está a victoria. ¹⁵ Certamente sufrirá o que sae fiador por un estraño, pero o que aborrece as fianzas vive seguro. ¹⁶ A muller agraciada alcanza a honra, así coma os poderosos alcanzan as riquezas. ¹⁷ A persoa misericordiosa fai ben á súa alma, pero o cruel dánase a si mesmo. ¹⁸ O malvado gaña un soldo enganoso, pero o que sementa xustiza recibe verdadeira recompensa. ¹⁹ O que persevera na xustiza chegará á vida, e o que vai tras do mal, persegue á súa propia morte. ²⁰ Os de corazón pervertido son abominación para Iahveh, pero os de camiño íntegro son o seu deleite. ²¹ De certo o malvado non quedará sen castigo, pero a descendencia dos xustos será librada. ²² Coma un anel de ouro no fociño dun porco é a muller fermosa que non ten discreción. ²³ O desexo dos xustos é só o ben, mais a expectativa dos malvados é a ira. ²⁴ Hai quen reparte e máis se lle engade, e hai quen retén o que é xusto, só para vir a ter menos. ²⁵ A alma xenerosa será saciada, e o que sacia a outros tamén será saciado. ²⁶ O pobo maldicirá ao que retén o gran, pero haberá bendición sobre a cabeza do que o vende. ²⁷ O que procura con dilixencia o ben, procura o favor de Deus, pero o que busca o mal, halle chegar a el. ²⁸ O que confía nas súas riquezas, caerá, pero os xustos reverdecerán coma as follas. ²⁹ O que turba a súa casa, herdará o vento, e o necio será servo do sabio de corazón. ³⁰ O froito do xusto é árbore de vida, e o que gaña almas é sabio. ³¹ Se o xusto é recompensado na terra, canto máis o malvado e o pecador!