¹ E sucedeu que cando todo o pobo rematou de pasar o Xordán, Iahveh díxolle a Xosué : ² Escollede doce homes do pobo, un de cada tribo, ³ e mandádelles isto: "Collede doce pedras de aquí, do medio do Xordán, do lugar onde están firmes os pés dos sacerdotes, e carrexádeas e colócadeas no lugar onde habedes de pasar a noite". ⁴ Chamou, pois Xosué aos doce homes que escollera de entre os fillos de Israel, un de cada tribo; ⁵ e díxolles: Pasade diante da arca de Iahveh o voso Deus ao medio do Xordán, e lerguede cada un de vós unha pedra sobre o seu ombro, segundo o número das tribos dos fillos de Israel ⁶ Sexa isto un sinal entre vós, e máis tarde cando os vosos fillos pregunten :"Que significan estas pedras para vós?" ⁷ dirédeslles: É que as augas do Xordán estiveron cortadas diante da arca do pacto de Iahveh, ao pasar o Xordán, as augas quedaron cortadas". Así que estas pedras servirán como lembranza para os fillos de Israel para sempre. ⁸ E fixérono así os fillos de Israel, tal como Xosué ordenou, e colleron doce pedras do medio do Xordán, como Iahveh dixo a Xosué, segundo o número das tribos dos fillos de Israel; e leváronas con eles ao aloxamento e alí depositáronas. ⁹ Entón Xosué levantou doce pedras no medio do Xordán, no lugar onde se pousaran os pés dos sacerdotes que levaban a arca do pacto, e alí permanecen ata hoxe ¹⁰ Porque os sacerdotes que levaban a arca estiveron parados no medio do Xordán ata que se cumprise todo o que Iahveh mandara a Xosué que dixese ao pobo, segundo todo o que Moisés mandara a Xosué. E o pobo deuse présa e atravesou ¹¹ e sucedeu que cando todo o pobo rematara de pasar, a arca de Iahveh e os sacerdotes pasaron diante do pobo. ¹² E os fillos de Rubén, os fillos de Gad e a media tribo de Manasés pasaron en orde de batalla diante dos fillos de Israel, tal como Moisés lles dixera; ¹³ uns corenta mil homes, equipados para a guerra, pasaron diante de Iahveh cara ás chairas de Xericó´, preparados para a batalla. ¹⁴ Aquel día Iahveh engrandeceu a Xosué aos ollos de todo Israel; e respectárono tal como respectaran a Moisés todos os días da súa vida. ¹⁵ Entón Iahveh dixo a Xosué : ¹⁶ "Manda aos sacerdotes que levan a arca do testemuño, que suban do Xordán." ¹⁷ E Xosué mandou aos sacerdotes : Subide do Xordán. ¹⁸ E sucedeu que cando os sacerdotes que levaban a arca do pacto de Iahveh subiron do medio do Xordán, e as plantas dos pés dos sacerdotes saíron a terra seca, as augas do Xordán volveron ao seu lsitio e correron sobre todas as súa beiras como antes. ¹⁹ O pobo subiu do Xordán o día dez do mes primeiro e acamparon en Gilgal á beira oriental de Xericó. ²⁰ E Xosué erguiu en Gilgal aquelas doce pedras que sacaran do Xordán, . ²¹ E dixo aos fillos de Israel : "Cando o día de mañá, os vosos fillos pregunten aos seus pais: "Que significan estas pedras?" ²² entón instruiredes aos vosos fillos dicindo: "Israel cruzou este Xordán por terra seca" ²³ Porque Iahveh o voso Deus secou as augas do Xordán diante de vós ata que pasastes, tal como Iahveh, o voso Deus, fixera ao mar Vermello, o que secou diante de nós ata que atravesamos ²⁴ para que todos os pobos da terra coñezan que a man de Iahveh é poderosa, para que temades a Iahveh o voso Deus para sempre.