¹ Veu a min a palabra de Iahveh, dicindo: ² Ti, fillo de home, non has xulgar, non quererás ti mesmo xulgar á cidade sanguinaria? Entón denuncia todas as súas abominacións! ³ Dille, pois: así di Iahveh o Señor: Ó cidade que marcha cara o seu final derramando sangue no seu interior, e que se contaminou fabricando ídolos! ⁴ Polo sangue que derramaches pecaches, e contaminácheste cos ídolos que fixeches; así que achegaches a túa hora, e vén o día do remate da túa existencia. Por iso poñote coma escarnio entre as nacións e burla para tódolos pobos. ⁵ Os que están preto de ti e os que están lonxe burlaranse de ti, famosa pola túa impureza, e chea de confusión. ⁶ Olla, os príncipes de Israel, cada un segundo o seu poder, derraman sangue en ti a porfía. ⁷ En ti trataron con desprezo o pai e a nai; no medio de ti trataron con violencia ao estranxeiro; en ti asoballaron o orfo e a viúva. ⁸ Rexeitaches os meus santuarios e profanaches os meus días de repouso. ⁹ En ti hai homes que calumnian para verter sangue; e sobre os montes comen e no medio de ti fan perversidades. ¹⁰ No medio de ti descobren a nudez do pai, e en ti fan violencia á muller que está nos días da menstruación. ¹¹ Cada un fixo abominación coa muller do seu próximo, e cada un contaminou con perversidades a súa nora, e cada un violou a súa irmá, filla de seu pai. ¹² No teu medio admítese o suborno para verter sangue: Fixécheste usureiro para emprestar a outros e enriquecécheste con diñeiro mal ganado, defraudas con violencia ao teu próximo, e a min esquecíchesme, di Iahveh o Señor. ¹³ E velaquí, Eu bato as miñas mans por mor da túa avaricia, e por mor do sangue que verteches no medio de ti. ¹⁴ Estará firme o teu corazón e serán fortes as túas mans no día en que Eu actue contra ti? Eu, Iahveh, prometino e fareino. ¹⁵ Heite dispersar entre os pobos e entre as nacións; e farei que desapareza de ti a túa inmundicia. ¹⁶ Por ti mesma serás degradada a vista das nacións; e saberás que eu son Iahveh. ¹⁷ v 17 Veu a min a palabra de Iahveh, dicindo: ¹⁸ Fillo de home, a casa de Israel converteuse en escoria para min; todos eles son bronce, estanque, ferro, estaño e chumbo no medio do forno: prata falseada! ¹⁹ Por tanto, así di Iahveh o Señor: "Por canto todos vós vos convertestes en escoria, por iso, velaí, Eu reunireivos no medio de Xerusalém. ²⁰ Como alguén xunta a prata e o bronce, o ferro e o chumbo, e o estaño no medio do forno, e sopran lume nel para fundilos, así vos xuntarei na miña ira e na miña indignación, e soprarei e fundireivos. ²¹ Eu reunireivos e soprarei sobre vós no lume da miña ira, e seredes fundidos no medio del. ²² Como se funde a prata no medio do forno, así seredes fundidos no medio del; e saberedes que Eu, Iahveh, derramei a miña ira sobre vós. ²³ Veu a min a palabra de Iahveh, dicindo: ²⁴ Fillo de home, dille a ela: ti non es unha terra limpa, nin asperxida coa choiva no día da ira. ²⁵ Hai unha conspiración dos seus profetas no medio dela, coma un león ruxindo que arrebata a presa. Devoraron as almas, quitaron as riquezas e as cousas preciosas, multiplicaron ás súas viuvas dentro dela. ²⁶ Os seus sacerdotes violaron a miña lei e contaminaron os meus santuarios, sin facer distinción entre o santo e o profano, e tampouco distinguiron entre o inmundo e o limpo; afasatando os seus ollos dos meus días de repouso, e deste xeito cheguei a ser profanado no medio deles. ²⁷ Os seus príncipes no medio dela son coma lobos que arrebatan a presa, vertendo sangue e destruíndo almas para obteren ganancias deshonestas. ²⁸ E os seus profetas cubríronse de lama solta, profetizándolles vaidades e adiviñándolles mentiras, dicindo: así dixo Iahveh o Señor! Cando Iahveh non falara. ²⁹ E o pobo da terra oprimiu e roubou, fixo violencia ao pobre e ao necesitado, facéndolle extorsión ao estranxeiro. ³⁰ E busquei entre eles un home que fixera un valo e que se puxera na brecha díante de min en favor da terra, para que Eu non a destruíra, pero non o atopei. ³¹ Polo tanto derramei sobre eles a miña ira, e co ardor da miña ira consuminos. Fixen que os seu camiños caeran sobre a súa propia cabeza, di Iahveh o Señor.