¹ Moises e os anciáns de Israel deron orde ao pobo , dicindo: gardade todos os mandamentos que eu vos ordeno hoxe. ² O día en que pasedes o Xordán para a terra que Iahveh, o teu Deus, che dá, erixirás para ti pedras grandes, halas calear ³ e escribirás en cada unha delas todas as palabras desta lei, cando teñades cruzado para entrar na terra que Iahveh, o teu Deus che dá, unha terra na que flúe leite e mel, tal e como Iahveh, o Deus dos teus pais, che prometeu. ⁴ Cando pasedes o Xordán, erixirás estas pedras no monte Ebal tal e como che mando hoxe e halas calear. ⁵ Ademais, edificarás alí un altar a Iahveh, o teu Deus, un altar de pedras e non usarás ferramentas de ferro sobre elas. ⁶ Construirás o altar a Iahveh, o teu Deus, con pedras enteiras e sobre el ofrecerás holocaustos a Iahveh, o teu Deus, ⁷ e sacrificarás ofrendas de paz e comerás alí e alegraraste alí diante de Iahveh, o teu Deus. ⁸ Escribirás claramente nas pedras todas as palabras desta lei. ⁹ Entón Moisés e os sacerdotes levitas falaron a todo Israel, dicindo: garda silencio e escoita, Oh Israel. Hoxe chegastes a ser o pobo de Iahveh, o teu Deus. ¹⁰ Polo tanto, obedecerás a Iahveh, o teu Deus, e cumprirás os seus mandamentos e os seu estatutos que che mando hoxe. ¹¹ Tamén Moisés mandou nese día ao pobo, dicindo: ¹² Estes son os que van a estar sobre o monte Xericim para bendicir o pobo: Simeón, Leví, Xudá, Isacar, Xosé e Benxamín. ¹³ E estes son os que estarán sobre o monte Ebal para maldicir: Rubén, Gad, Aser, Zabulón, Dan e Neftalí. ¹⁴ Entón os levitas responderán e dirán en voz alta a todos os homes de Israel: ¹⁵ Maldito todo aquel que faga ídolo ou imaxe de fundición, abominación a Iahveh, obras de mans dun artesán, e a poña en lugar escondido. E todo o pobo responderá e dirá "Amén". ¹⁶ Maldito todo aquel que menosprece ao seu pai ou a súa nai. E todo o pobo responderá "Amén". ¹⁷ Malito o que cambie o marco do seu veciño. E todo o pobo responderá "Amén". ¹⁸ Maldito o que faga desviarse do seu camiño a un cego. E todo o pobo responderá "Amén". ¹⁹ Maldito o que torza o dereito do estranxeiro, do orfo e da viúva. E todo o pobo responderá "Amén". ²⁰ Maldito o que se deite coa muller do seu pai, porque deixou ao descuberto a vestidura do seu pai. E todo o pobo dirá "Amén". ²¹ Maldito o que se deite con calquera animal. E todo o pobo dirá "Amén". ²² Maldito o que se deite coa súa irmá, a filla do seu pai ou da súa nai. E todo o pobo dirá "Amén". ²³ Maldito o que se deite coa súa sogra. E todo o pobo dirá "Amén". ²⁴ Maldito o que mate ao seu veciño en segredo. E todo o pobo dirá "Amén". ²⁵ Maldito o que acepte un suborno para quitarlle a vida a un inocente. E todo o pobo dirá "Amén". ²⁶ Maldito o que non confirme as palabras desta lei, poñéndoas por obra. E todo o pobo dirá "Amén".