¹ Se hai litixo entre dous homes e van ao tribunal e o xuíz xúlgaos, os xustos serán absoltos e condenarán aos culpables. ² Se o culpable merece ser azoutado, o xuíz fará que se bote no chan e será flaxelado na súa presenza co número de azoutes de acordo co seu crime. ³ Pode darlle corenta azoutes, pero non máis, non sexa que lle dea moitos máis que estes e o teu irmán quede humillado ante os teus ollos. ⁴ Non porás buceira ao boi mentres trille. ⁵ Cando dous irmáns viven xuntos e un deles morre e non ten fillo, a muller do finado ***non será apartada para un home estraño***non ha casar fóra cun home estraño. O cuñado achegarase a ela e tomaráa por muller (e cumprirá con ela o seu deber de cuñado). ⁶ O primoxénito que ela dea a luz, levará o nome do irmán defunto, para que o seu nome non desapareza de Israel. ⁷ Mais se o home non quere tomar a súa cuñada, entón a muller irá ata a porta dos anciáns e dirá: o meu cuñado négase a establecer un nome para o seu irmán en Israel. Non quere cumprir conmigo a súa obriga de cuñado. ⁸ Entón os anciáns da cidade chamarán por el e falaranlle. E se el insiste e di: non quero tomala, ⁹ entón a súa cuñada achegarase a el diante dos anciáns, quitaralle a sandalia do pé e cuspiralle á cara e ela dirá: así se lle fai a un home que non quere edificar a casa do seu irmán. ¹⁰ E diráselle en Israel: "a casa da sandalia quitada" ¹¹ Se dous homes pelexan, un é mais o seu irmán, e a muller dun deles achégase para librar ao seu home do que está batendo nel, e ela metendo a man, cólleo polos xenitais, ¹² entón cortaraslle a man; o teu ollo non terá compaixón. ¹³ Non terás na túa bolsa pesos diferentes, un grande e un pequena. ¹⁴ Non terás na túa casa medidas diferentes, unha grande e unha pequena. ¹⁵ Terás peso completo e xusto, terás medida completa e xusta, para que se multipliquen os días que Iahveh che da na terra. ¹⁶ Porque todo o que fai estas cousas, todo o que comete inxustiza, é abonimación para Iahveh o teu Deus. ¹⁷ Lembra o que che fixo Amalec no camiño cando saístes de Exipto, ¹⁸ como che saíu ao encontro e como te atacou por detrás cando ti estabas canso e fatigado, e non tivo temor ningún de Deus. ¹⁹ Así acontecerá cando Iahveh o teu Deus che dea descanso de todos os teus inimigos ao teu derredor, na terra que Iahveh o teu Deus che dá para que tomes posesión dela, borrarás a memoria de Amalec de debaixo dos ceos. Non o esquezas.