¹ Manasés tiña doce anos cando comezou a reinar, e reinou en Xerusalém cincuenta e cinco anos; a súa nai chamábase Hepsiba. ² E fixo o que era malo aos ollos de Iahveh, conforme as abominacións das nacións que Iahveh botara fóra de diante dos fillos de Israel. ³ Reedificou os lugares altos que o seu pai Ezequías derrubara, e ergueu altares a Baal e fixo unha Ashera, como fixera Acab, rei de Israel, e adorou a todo o exército dos ceos, e serviunos. ⁴ El tamén edificou altares na casa de Iahveh, da que Iahveh dixera: "En Xerusalém poñerei o meu nome." ⁵ E edificou altares para todo o exército dos ceos nos dous patios da casa de Iahveh. ⁶ E fixo pasar o seu fillo polo lume, e adicábase á adiviñación e a maxia, e estableceu adiviños e nigromantes para falar cos espíritos dos mortos, multiplicando así o que era malo aos ollos de Iahveh para provocalo a ira. ⁷ E colocou a imaxe de Asera que el fixera, na casa da que Iahveh dixera a David e ao seu fillo Salomón: "Nesta casa e en Xerusalém, a que escollín de entre todas as tribos de Israel, porei o meu nome para sempre. ⁸ E non volverei máis a permitir que o pé de Israel se mova da terra que dei aos seus pais, sempre que fagan todo o que lles ordenei, conforme a toda a lei que o meu servo Moisés lles mandou. ⁹ Pero eles non escoitaron, senón que Manasés enganounos para que fixesen máis mal que as outras nacións que Iahveh destruíra diante dos fillos de Israel. ¹⁰ Entón Iahveh falou por medio dos seus servos aos profetas, dicindo: ¹¹ "Porque Manasés, rei de Xudá, fixo estas abominacións, e fixo peor que todo o que fixeron os amorreos que foron antes del; e tamén fixo pecar a Xudá cos seus ídolos, ¹² por tanto, así di Iahveh, Deus de Israel: "Velaquí, Eu vou traer tal mal sobre Xerusalém e sobre Xudá, que a calquera que o escoite abouxaranlle os dous oídos. ¹³ Estendín sobre Xerusalém o cordel de Samaria e a chumbada da casa de Acab, e limpiarei a Xerusalém como se frega un prato, que despois de fregado, ponse cara abaixo. ¹⁴ E abandonarei o resto da miña herdanza, e entregareinos nas mans dos seus inimigos; e serán presa e botín para todos os seus inimigos; ¹⁵ porque fixeron o malo aos meus ollos, e provocáronme a ira dende o día que os seus pais saíron de Exipto ata este día. ¹⁶ Ademais disto, Manasés derramou gran cantidade de sangue inocente, ata encher Xerusalém de un lado ao outro, ademais do seu pecado co que fixo pecar a Xudá, ao facer o malo aos ollos de Iahveh. ¹⁷ O resto dos feitos de Manasés e todo o que fixo, e o pecado que cometeu, non está escrito no libro das Crónicas dos reis de Xudá? ¹⁸ E Manasés durmiu cos seus pais, e foi sepultado no xardín da súa casa, no xardín de Uzá; e o seu fillo Amón reinou no seu lugar. ¹⁹ Amón tiña vinte e dous anos cando comezou a reinar, e reinou dous anos en Xerusalém. A súa nai chamábase Mesulemet, filla de Haruz de Iotba. ²⁰ E fixo o que era malo aos ollos de Iahveh, como fixera o seu pai Manasés. ²¹ E andou en todo o camiño no que seu pai andara, e serviu os ídolos *(domésticos) que seu pai servira, e adorounos; ²² e deixou a Iahveh, o Deus dos seus pais, e non andou no camiño do Iahveh. ²³ E os servos de Amón conspiraron contra el, e mataron o rei na súa propia casa. ²⁴ Pero o pobo do país matou a todos os que conspiraran contra o rei Amón; e o pobo do país fixo rei a Iosías, o seu fillo, no seu lugar. ²⁵ E o resto dos feitos de Amón, non están todos eles escritos no libro das Crónicas dos reis de Xudá? ²⁶ E foi sepultado no seu sepulcro no xardín de Uzá, e Iosías o seu fillo reinou no seu lugar.