¹ E estes son os que viñeron a David en Siclag, cando aínda se escondía de Saúl, fillo de Cis; eran dos valentes que o axudaron na guerra: ² arqueiros que, ademais usaban as dúas mans para lanzar pedras co tirapedras e frechas co arco. Eles eran parentes de Saúl de Benxamín. ³ O xefe era Ahiezer, e despois Ioas, fillos de Semaa gibeatita; e Ieziel e Pelet, fillos de Azmavet; e Beraca e Ieú anatotita; ⁴ Ismaelías de Gabaón, home valente entre os trinta e xefe dos trinta; e despois el, Xeremías, Xahaziel, Ioanán, Iozabad gederatita, ⁵ Eluzai Ieremot, Bealías, Semarías, Sefatías harufita, ⁶ Elcaná, Ixaías, Azareel, Xoézer, Iasobeám, Coreítas, ⁷ e Xoela e Zebadías, fillos de Ieroham de Guedor. ⁸ Tamén dos de Gad pasaron a David na fortaleza do deserto, homes fortes e valentes, preparados para a guerra, hábiles co escudo e a lanza; as súas caras eran coma caras de leóns e eran rápidos coma as gacelas dos montes. ⁹ Ezer era o principal, Obadías o segundo, Eliab o terceiro, ¹⁰ o cuarto Mismana, o quinto Xeremías, ¹¹ o sexto Atai, o sétimo Eliel, ¹² o oitavo Iohanán, o noveno Elzabad, ¹³ Xeremías o décimo, Macbanai o undécimo. ¹⁴ Estes foron capitáns do exército dos fillos de Gad. O menor tiña ao seu cargo cen homes, e o maior mil. ¹⁵ Estes cruzaron o Xordán no primeiro mes, cando se desbordara por todas as súas beiras, e puxeron en fuga a todos os que vivían no val, tanto ao oriente como ao occidente. ¹⁶ Entón algúns dos fillos de Benxamín e de Xudá viñeron a David ao cuartel. ¹⁷ E David saíu ao seu encontro e faloulles, dicindo: -Se viñestes a min en paz para me axudar, o meu corazón estará convosco; pero se viñestes a me entregar aos meus inimigos sen haber maldade nas miñas mans, que o Deus dos nosos pais o vexa e vos xulgue! ¹⁸ Entón o Espírito descendeu sobre Amasai, xefe dos trinta, e dixo: - Somos teus David, e estamos contigo, fillo de Ixaí! Paz, paz a ti e paz aos teus axudantes pois é Deus quen tamén te axuda! Así que David recibiunos e colocounos entre os capitáns da garda. ¹⁹ Tamén algúns de Manaxés pasaron a David cando este foi cos filisteos á batalla contra Saúl. Pero David non os axudou, pois os príncipes dos filisteos despediuno en consello, dicindo: Vaise pasar ao seu señor Saúl á costela das nosas cabezas! ²⁰ Cando el foi a Siclag, pasáronse a el de Manasés: Adnas, Iozabad, Iedaíel, Micael, Iozabad, Eliu e Ziletai, oficiais de millares que eran de Manaxés. ²¹ Eles axudaron a David contra a banda de saqueadores, porque eran todos homes valentes e foron capitáns no exército. ²² Pois día tras día viñan homes a David para axudalo, ata que se formou un gran exército, coma un exército de Deus. ²³ Este é o número dos exércitos equipados para a guerra que viñeron a David en Hebrón para traspasarlle o reino de Saúl, conforme a palabra de Iahveh: ²⁴ Os fillos de Xudá que levaban escudos e lanzas eran seis mil oitocentos, equipados para a guerra. ²⁵ Dos fillos de Simeón, homes valentes para a guerra, sete mil cen. ²⁶ Dos fillos de Leví catro mil seiscentos. ²⁷ E Ioiada, príncipe da casa de Aarón, e con el tres mil setecentos; ²⁸ e tamén a Sadoc, mozo valente e esforzado, e da casa do seu pai vinte e dous capitáns. ²⁹ E dos fillos de Benxamín, irmáns de Saúl, tres mil, pois ata entón a maioría deles mantíñanse fieis á casa de Saúl. ³⁰ Dos fillos de Efraín, vinte mil oitocentos homes valentes, homes de renome nas súas casas. ³¹ Da metade da tribo de Manasés dezaoito mil, nomeados por nomes para vir facer rei a David. ³² Dos fillos de Isacar, homes sabios en discernir os tempos, para saber o que Israel debía facer, douscentos príncipais, e todos os seus parentes á súa orde. ³³ De Zabulón cincuenta mil que saían para o exército, que se poñían en filas para a batalla con toda clase de armas de guerra, para axudar a David. ³⁴ De Neftalí mil capitáns e con eles trinta e sete mil con escudos e lanzas; ³⁵ Dos de Dan, que se poñían en orde para o combate, vinte oito mil seiscentos. ³⁶ De Aser, preparados para a guerra e para a pelexa: corenta mil. ³⁷ E do outro lado do Xordán, dos rubenitas e gaditas e da metade da tribo de Manasés, cento vinte mil con toda clase de armas de guerra. ³⁸ Todos estes, homes de guerra, listos para a batalla, viñeron con corazón sincero a Hebrón para facer rei a David sobre todo Israel; tamén todo o resto de Israel tiña un mesmo parecer para facer rei a David. ³⁹ E estiveron alí con David por tres días, comendo e bebendo, porque os seus parentes prepararan provisións para eles. ⁴⁰ Tamén os que estaban preto deles, ata Isacar, Zabulón e Neftalí, trouxeron alimentos en asnos, camelos, mulas e bois; tortas de fariña en gran abundancia, tortas de figos e racimos de uvas pasas; viño e aceite; e bois e ovellas, porque había ledicia en Israel.