अध्याय ७
1
१) जेतार च्यु माणहह आखी वात हंबवाडयु तेतार कफरनहुम मा आव्या ।
2
3
4
5
२) अने एक कानल सुबेदारन सेवक ज्यु तीनाहा खुब आवडतु अतु बिमार ओतु ने मरने मा ओतु । ३) च्यु येशुन बारामा होंबवीन यहुदीयान काही सानला यी विनती कोरने कोरीन तेर पा मुकल्यु के आवीन मारा सेवकह हाजु कोरे ।
४) च्या येशुपा आव्या तीनाह खुब विनती कोरीन कोया ," च्यु योग्य सेके तु तेर कोरीन यो कोरे । ५) काहाके च्यु आमरी जाती पोर मोंग कोरे ,अने च्यु आमरी आराधनान घर बणावलु से ।
6
7
8
६) येशु तिंदरे हाते - हाते गोयु पुण च्यु जेतार घर देखु सेटु नी ओतु ,तेतार सुबेदार आवीन काही साथीह देखु कोईन मुकल्यु , " हे प्रभु दुःख मा उठावे ,काहाके मी एर योग्य नीमले , के तु मार धरमा आवे ।
७) इना वजेसी मी खुदह इन योग्य भी नि समझ्यु , के तारे पाह आवो पुण वचनुज कोयदे के मारु सेवक हाजु ओय जाय
८) मी भी परायान आधीन से,अने सीपाही मार हाथ मा से ,अने एकाहा कोयतुलु " जा" ते च्यु जातलु ,अने दुहराहा कयतलु सा ते आवतलु ,मारा सेवकह कोयतलु यो कर ते तिनाहा कोरतला ।"
9
10
९) यो हंबवीन येशु आश्चर्य ओयु , अने च्यु मुय फिरवीन तीनी गरदीह ज्या तेरे फसव आवता ओता कोयु ,मी तुमुह कोयो के इस्त्राइल मा भी ओतरु विश्वास देख्यु । १०) अने ज्या मुकल्ला सेवक धर गया ,तीना सेवकह हाजलु देख्या ।
11
12
13
14
15
११) थुडाक दिहोन बादमा च्यु नाईन नावन नगरमा ( गावमा) गोयु ,अने तेरा चेला ,अने मोटी गरदी ,तेरे हाते जाती ओती ।
१२) जेतार च्यु गावन फाटक पा पुच्यु,ते देखु माणहे एक मरलाहा लिन जाता अता ,च्यु तेरी आयीन एकुज पुन्यु ओतु ,अने ची रंडायली ओती ,अने गांवन खुब माणहे तेरे हाथे ओता ।
१३) तीनाहा देखीन येशुन किव आवी ,अने च्यु कोयु ,मा रोडे।
१४) तेतार च्यु हाथे आवीन डुलीह आथ लागाडयु , अने लिजाणारा थाम गया , तेतार च्यु कोयु , ये जुवाज्या मी तोहो कोयोह उठ।
१५) तेतार च्यो मरलो उठोन बठ गयो , अने बुलने लाग्यो अने च्यु तिनाहा तेरी आईट आप देण्यु।
16
17
१६) इनासे तीनु आखामा भिक बराय गई , अने च्या परमेश्वरन बडाई कोरीन कोयणे बाज्या , आमरा विचमा एक मोटु भविष्यवक्ता उभु से अने परमेश्वर तेरा माणहोपर कृपान नजर मेकलु से। १७) अने एर बारामा आखा यहुदान अने आस पासन आखा देसोमा पसरी गयी
18
19
20
१८) अने युहन्नाहा तेरा चेला इनी वातन समाचार ( खबर ) आप्या ।
१९) तेतार योहान तेरा चेलामा देखु दुय चेला बुलाडीन प्रभु पा यो फुसने मुकल्यु के आवणे वावु तु से के आमु कानला दुहरान वाट जुवजे ।
२०) च्या तीनापा आवीन कोया ," योहान बाप्तिस्मा आपणेवावु यो फुसणे मुकल्यु के काय आवणे वावु तु से के दिहरान वाट जुवजे ?
21
22
23
२१) तीनी टेमे च्यु खुब मिमार अने पिडामा अने दृष्ट आत्मामा निकावलु अने खुब आंधवा देखता ओयला । २२) अने च्यु तीनुह कोयु जोकाय तुमु देखला अने हंबवला से योहान जायन कोयु , के आंधवा देखतला ,अने लेगडा चालतला कुडाव सुदध ओयतला बहरा हंबवतला,मरला जिवता ओयतला ,अने कंगालह सुसमाचार हंबरवाणे मा आवतला ।( यशायाह ३५:५-६, यशायाह ६१:१)
२३) धन्य से ज्या मार वजे देखा ठुकरा नी खाय ।
24
25
26
२४) जेतार योहानन मुकल्ला माणहे जात रोया ,तेतार येशु योहानन बारामा कोयु ," तुमु जंगल मा काय देखणे गोयला ? काय हवा हलव तलो हुटयो ? २५) ते तुमु काय देखने गोयला ? काय नरम कपडा पेरला माणुहह देखु ज्यु हाजला लुगड़ा पेरतलु अने सुख विलासमा रोयतलु च्या राज भवन रोयतला । २६) ते तुमु काय देखणे गोयला ? काय कानला भविदद्वक्ताहा ? हव मी तुमुह यो कोयतलु पुण भविष्यवक्ता देखु मोटाहा ।
27
28
२७) यु च्युज से जेर बारामा लेखलो से,देखु मी मारा दुतह अगव- अगव मुकलो ,ज्यो मारो मार्ग ( वाट) सुधारे ।( मला३:१ यशायाह ४०:३)
२८) मी तुमुह कोयो के ज्या बाईन देखा जन्म आवला से ,तीनुमा योहान देखो मोटु नी पुण परमेश्वरन राज्य मा आयतामा आयतु से,च्यु तीना देखु मोटु से।
29
30
२९) अने आखा साधा माणहे होंबवीन अन वसुली करनाराहा भी योहानन बाप्तिस्मा परमेश्वरह खंर मानयलो ।
३०) पुण फरीसी अने व्यावस्थापक भी तीनापा बाप्तिस्मा लिन परमेश्वरन मनसा तींदरे विषयमा टाव देनला से।
31
32
३१) अता मी इन युगन माणहन आमा कुणीह आपो ,च्या कुणी सारखा से? ३२) च्या तीना पुरया सारखा से ज्या बजार मा ( हाट) मा बोणीन एक दिहराहा आयडीन कोरता ओता ,आमु तुमरे कोरता पावी वाजाडन्ला ,अने तुमु नी नाच्या ,आमु विलाप कोरता पुण तुमु नी रोडया ।
33
34
35
३३) काहाके योहान बाप्तिस्मा आपणेवावु रुटु नी खातु ओतु ,नी हुरु पितु ओतु ,अने तुमु कोयतला तीनामा दुष्ट आत्मा से। ३४) माणहन पुरयु खातु - पितु आवलु से,अने तुमु काय कोयतला ,देखु खावरु अने पिणारु माणुह वसुली करनारा अने पापीन दुस्ती । ३५) पुण ज्ञान आपणा आखा पुरयापर खंर ठरवायलो से।
36
37
38
३६) मग एक फरीसी तीनाहा विनती कोरलु के मार हाते खाणो खा अतः च्यु तीना फरीसीन घर खाणे बठयु । ३७) चे तीना गावमा एक पापी बाई यो जाणीन के च्यु फरीसीन घर खाणे बोठलु से संगमरमरन बाटलीमा इत्र लीन आवी। ३८) अने तेरा पायो पाह फसव उभरोयीन रोडती ओती ,तेरा पायोहो भिगवीन अने तेरा जुटा कोरीन नुसने बाजगयी ,तेरा पाय चुमीन इत्र कोरीन बार- बार महकी ।
39
40
३९)यो देखीन च्या फरीसी ज्या तीनाहा हादला ओता ,आपणा मनमा सोचता ओता ,अगर यु भविष्यवक्ता ओयतु ती यो जान लेतु के यी जी इनाहा हाथ लागाडणे बाज रोयीह यी बाई कुण से अने कोहली बाई से ? काहाके यीते पापी से। ४०) येशु यो समजीन तीनुह जवाब आप्यु ,हे शिमोन मेहे तोहो काही कोयणु से,च्यु कोयु हे गुरु कोय।
41
42
43
४१) कानला माणहोन दुय आपणेवावा ओता एकात पाच हव अने दुहरान पन्नास दिनार ( रुपया ) आपणेन ओता ।
४२) जेहे के तीनुपा आपने काहीच नी ओतो ,तेतार च्यु दुयह माफ कर देन्यु , अतः तीनुमा कानलु तीनाहा किव कोरहे ? ४३) शीमोन जवाब आप्यु ,मार समझमा च्यु के जीना पाह हंवटो सुट करलु ,च्यु तीनाहा कयु " तु ठिक विचार कोरलु से।
44
45
४४) तीनी बाई वखे फिरीन च्यु शिमोनह कोयु ," काय तु इनी बाईही देखतलु ? मी तारे घरमा आवलु बाकीन पाय धुवणे पाणी नी आप्यु ,पुण यी मारा पायह आहवा कोरीन भिगवीन तेरा जुटा कोरीन नुसली ।( उत्पत्ति १८:४)
४५) तु मेहे गुवु नी पुण जेतारेन मी ये आवलु से यी मारा पायह गुवु देणे नि सुडी
46
47
४६) तु मारा मुंढो पर तेल नी लागाडयु ,पुण यी मारा पायोपर इत्र थाबली से।( भजन संहिता २३:५) ४७) इनान कोरता मी तोह कोयो के एरा पाप खुब ओता ,क्षमा ओया ,काहाके यी खुब किव कोरली ,पुण जेरो थुडक माफ ओयलो , च्यु थुडक किंव कोरतलु।
48
49
50
४८) अने च्यु तीनीह कोयु तारा पापे माफ ओया ।
४९) तेतार माणहे खाणे बोठया ,अने आपणे अपणे मनमा सुचणे लाग्या , " यु कुण से ज्यु पापोह भी माफ कोरतलु" । ५०) पुण च्यु बाईही कोयु ," तारु विश्वास तोहो वाचाड लेदलु से,आराम से जात रोय।"