अध्याय ६
1
2
१) मग सकत दिहमा च्या खेत मायला जाता ओता ,अने तेरा चेला कणहे तुड- तुडीन अने महकीन खाता जाता ओता।( व्या.२३:२५) २) तेतार फरीसी मायला काही जण कोया ," तुमु च्यो काम काहा करतला ज्यो ( पवित्र ) सख्त दिहोमा कोरनु ठिक नीमले ।
3
4
5
३) येशु तिनुह जवाब आप्यु ," काय तुमु यो वाचला निमले , के दाऊदन जेतार च्या तेरा हाथी भुकला ओता तेतार काय कोरलु ?
४) च्यु केहे परमेश्वरन घरमा गया ,अने भेटन रुटु खादला ,जीनुह खाणे याजकह छुडीन दिहरा कुणीही भी ठिक नी ओती ,अने आपणा हाथीहह भी आप्यु । ( लैव्य.२४:५-९ ,१ शामु.२१:६)
५) अने च्यु तीनुह कोयु,माणहन पुरया ( पवित्र) सकत दिहोन भी प्रभु से ।
6
7
8
६) अने एंहे ओयो के कानला अंजु सकत दिह च्यु अराधना मा जाईन उपदेश करने लाग्यु ,अने च्या एक माणुह ओतु,तेरु जेवडु हाथ हुकलु ओतु । ७) शास्त्री अने फरुसी तेरे पर दोष ( गुनु ) लागाडीने मोकु हुदता ओता, के देखे के च्यु ( पवित्र ) सकत दिही हाजो कोरतु के नी ।
८) पुण येशु तीनदरा विचारे जाणतोतु ,इनान कोरीन तीना हुकला आथो वाला माणहोह कोयु ,उठ विच मा उभरोय " च्यु उठीन ऊभु रोयु ।
9
10
11
९) येशु तीनुह कोयु , "मे तुमुह यो फुसो सकत दिही काय हाजो से,हाजो कोरणु के वाईट कोरनु ,जिव वाचावणु के नाश कोरनु " १०) अने च्यु चारे वखे अने तीनुह आखाह देखीन तीना माणहह कोयु , " तारु हात ओगु कर " च्यु ऐंहे कोरयु तेरु हात फसु हाजु ओय गयु ।
११) पुण च्या बेकाबु ओयीन एक दिहरा हाते वाद में वादावाद करने लाग्या , के आमु येशुन हाते काय कोरजे ?
12
13
१२) अने तिना दिहोमा च्या बोयडापर प्रार्थना कोरने निकव्या अने प्रार्थना कोरनेमा आखी रात निकाव्या ।
१३) जेतार दिह उग्यु ,ते च्यु तेरा चेलाहा हादीन तिनुमा देखु बाराहा निवाडयु ,अने तीनुह अने चेला कोयु ।
14
15
16
१४) अने च्या या से शैमोन ,जेरो नाव पतरस भी मेकलु अने तेरु बाही आंद्रीयास , अने याकुब ,अने युहन्ना ,अने फिलीपुस ,अने बरतुलमै ,
१५) अने मन्ती ,अने थोमा ,अने हलफाइसन पुरयु याकुब ,अने शिमोन ज्यु जेलोतेस कवायतलु । १६) अने याकुबन पुरयु यहुदा ,अने यहुदा इस्कारीयोती ,ज्यु तीनाह धरावणे वालु बोण्यु ।
17
18
19
१७) तेतार च्यु तीनु हाते चौक मा उभु रोयू,अने तेरा चेलान खुब गरदी ,अने आखे यहुदीयान , अने सुर ,अने सैदान समुदरन किनारे खुब माणहे । १८) ज्या तेरी होंबवणे अने ,आपणी बिमारीमा देखा हाजा ओयणे आवला ,अने दुष्ट आत्मान तकलीतमा ओता ,हाजा ओयतोता ।
१९) अने आखा तीनाहा सिबणे हुतोता ,काहाके तीनामा देखी सकती निकवीन तीनुह हाजा कोरतोती ।
20
21
२०) तेतार च्यु तेरा चेलावखे देखीन कोयु , " धन्य से तुमु ज्या दिनसे काहाके परमेश्वरन राज्य तुमरो से । २१) धन्य से तुमु ज्या ऐंवी बुखला से ,काहाके तुमु आफरहे ,धन्य से तुमु ऐंवी रोइणे बाजरोयाह काहाके तुमु आंहाहोत।( मन्ती ५:४-५भजन संहिता १२६:५-६)
22
23
२२) धन्य से तुमु ,जेतार माणहन पुरयान वजे देखा तुमुह छेड करहे ,अने तुमुह निकाव देहे अने तुमरी
निंदा कोरहे ,अने तुमरो नाव खराब जाणीन निकाव देहे ।
२३) तीने दिहे आनंदमा (खुशी) ओयीन कुदजु ,काहाके देखु तुमरे कोरीन स्वर्ग मा मोटो बदलान फव से ,तींदरे डायडायला भविष्यद्वक्ता हाते भी ऐंहेज कोरतोता ।
24
25
२४) पुण तुमु पर हाय ज्या धनवान से काहाके तुमु तुमरी शान्ती ली चुक्या । २५) हाय तुमु पर ज्या एंवी आफरला काहाके भुखला रोयहोत ,हाय तुमु पर ज्या एंवी आंहताह ,शोक करहो अने रोडहो ।
26
२६) हाय तुमु पर जेतार माणहे तुमुह भुवा कये काहाके तींदरा डायला भविष्यद्वक्ता हाथे भी ओहलोजु कोरता ओता ।
27
28
२७) पुण मी तुमु होबवणाराहा कोयतलु के तुमु तुमरा दुस्मनह भी किव करो अर्थात ( प्रेम करो )। २८) ज्या तुमुह हराप देय ,तीनुह आशीष आपु ,ज्या तुमरो अपमान करे तींदरे कोरीन प्रार्थना करु ।
29
30
२९) जु तारा गाल पर थापुड देय ,ते वखे दुहरु गाल अगव करु ,अने जो तारो चादरो सांडाड तेग तीनाहा डोगलो भी आप देयु।
३०) ज्यु तार पाह मांगे तीनाह आपदे ,अने जी वस्तु सांडाडलेय,तेरपाह मा मांगे।
31
32
33
34
३१) अने जोहलो तुमुह लागे , के मातहतों हाते करे तोहलो तुमु भी तीनु हाते कोरु । ३२) "अगर तुमु आपणा मोंग कारेणारा हाते मोंग राखु ,तेतार तुमरी काय बडाइ ? काहाके पापी माणहे भी आपणा मोंग कोरणारा।
३३) अने अगर तुमु आपणी भलाई करणारा हाते भलाई करता ओहे तेतार तुमरी काय बोडाई काहाके पापी माणहे भी ऐंहें कोरतला ।
३४) अने अगर तुमु तीनाहा उधार आपे तेरपा तेतार फस जुडणेन आसा राखतला ते तुमरी काय बोडाई? काहाके पापीह पापीह उधार आपतलु के तोतरोज फस जुडे ।
35
36
३५) पुण आपणा दुसमनो पर मोंग कोरु ,अने भलाई करु ,अने फसो जुडे यो आसा मेकीन उधार मा आपु ,अने तुमरे कोरता मोहे फव से,अने तुमु परमप्रधानन पुरया ठरायहे कोवायहे काहाके च्यु तीनु पोर ज्या धन्यवाद नी कोरतला अने बुराई भी कोरनानारान उपर कृपा कोरतलु ।( वैश्या .२५:३५-३६,मती ५:४४:४५)
३६) जेहे तुमरु बाह दयावंत दयावालु से,तेहे तुमु भी दयावाला बोणु ।
37
३७) गुणु मा लागाडू ,ते तुमु पर भी गुणु नी लागाडे ,गुनेगार मा ठरावु ,ते तुमुह भी गुनेहगार नी ठरावे,माफ करु ते तुमुह भी माफ करने आवहे।
38
३८) आपु ते तुमुह भी आपणे आवहे ,माणहे पुरो माप दाब दाबीन अने हालवी हालवीन अने भरभरीन तुमरा खुवामा नाखहे काहाके जीना मापो कोरीन तुमु मापहे तीना मापो कोरीन भी मापणेम आवहे ।
39
40
३९) तेतार च्यु तीनुह एक दाखलु देखाडयु " काय आंधवाहा आंधवु वाट देखाडहे के ? काय च्या दुयु खा खाडडा मा नी पोडे के।
४०) चेलु आपणा गुरु देखु मोटु नीमले ,पुण ज्यु कुण खरु से च्यु आपणा गुरु सारखु रोयहे ।
41
42
४१) तु तारा बायहन डुवा मायन कुचरु काहा बावतलु ,अने खुदन डुवा मायलो खिल्प तंह नी समझजती । ४२) अने जेतार तु तारा डुवामायन खल्प नी देखतु ते तारा भायहह केहे कोय सेकतलू ,हे भाइहो थामजा तारा डुवा मायलो कुचरु निकाव देव ? हे कपटी ,पेहले तारा डुवामायलो खल्प निकाव ,तेतार ज्यु तारा बायहन डुवामा कुचरु से,हाजेहुते देखीन निकालिए देहे ।
43
44
४३) कानलो हाजो झाडनी ,रिकामो फली लावे ,नी ते कानलो रिकामो झाड हाजो फव आपे । ४४) हर झाड आपण फव देखो उवखाय जाहे काहाके माणहे झाडयाटा मा अंजीर नी तुडतला ,अने नी काटावी बुर मा दराक्षा।
45
४५) भोलो माणुह अपणा मनन भुला भंडारमा खराब वात निकावतलु ,अने बुरु ( खराब) माणुह अपणा भंडारमा खराब वात निकावतलु ,काहाके ज्यो मनमा बोरायलो च्योज तेरा मुयमा आवतलं।
46
47
48
४६) जेतार तुमु मार कोयणे मानतला , ते काहा मेहे हे प्रभु हे प्रभु कोयतला ।( मला.१:६) ४७) ज्यु कुण मार पाह आवतलु ,अने मारीवात होंबीन मानतलु मी तुमुह कोयीन आपो च्यु कुणी सारखु ?
४८) च्यु तीना माणहो सारखु से,ज्यु घर बणावणे टेमे जमीन उंडी खंदीन वातलामा पायु नाखलु अने खुदरु आव्यु , तेरो पाणी तीना घरह लाग्यो पुण च्यो हालवी नी सेक्य ,काहाके च्यो पक्को भणलो आयोग ।
49
४९) पुण ज्यु हंबवीन नी मान्यु ,च्यु तीना माणहो सारखु से, ज्यु कादवमा बिगर पायान घर बांधलु ,जेतार तेरे पर पाणीन धार लागी ,तेतार च्यो लगेच पोड गोयो, अने च्यो पोडीन सत्यानाश ओय गोयो ।