अध्याय ८
1
2
3
१) एर बादमा च्यु नगर नगर शहर गांव गांव प्रचार कोरतु अने परमेशवर राजन वात होबवाडतलु फिरतु अतु आने च्या बारा लेर हाथेओता।
(२) अने काही बाया भी दुष्टात्मा मा अने बिमारी मा देखा छुटला ओता अने च्या या से मरियम जी मगदलीनी कोवायतली तिनी मा सात दुष्टात्मा निकवली ओती ३)अने हेरोदेसन भंडारी ज्यु खोज करनारान लाडी योअन्ना अने सुसन्नाह अने खुब हंवटा बायरा या तीदंरा संपत्ती देखा तेरी सेवा करती ओत्यु ।
4
5
6
४) जेतार खुब मोटी गरदी इकठी ओयी अने नगर नगर माणहे तीनुपाह आवता ओता,ते च्यु दाखला मा कोयु । ५) एक बीज उरने वावु उरने निकव्यु ,उरते उरते काही थुडाक दाणा वाटे धोडे पोडया ,अने रंदवाय गया , अने आकाश मा देखा चिढा आवीन च्या चुटीन खाय गोया । ६) अने थुडाक दगडामा पोडया , अने उग्या ,पुण नरमाय ओयने देखा हुक गया ।
7
8
७) थुडाक झाडन विसमा पोडया , अने झाडोन हाते वाडया च्या वणसाय गया ।
८) अने थुडाक हाजला जागामा पोडया ,उगीन सैव गुणा फव लाग्या , "यो कोयीन च्यु उचा शब्बमा (आवाज मा )" जींदरा होबंवणेन कान ओये ते च्या हंबवी लेय ।
9
10
९) तेरा चेला तीनाहा फुच्या ," इना दाखलान मतलब अर्थ काय से ?
१०) च्यु कोयु तुमुह परमेश्वर राज्यन भेदह समजणे आपलो से, पुण उंजु दाखलामा ,हंबवावणेमा आवतलो से, च्या देखीन भी नी देखे ,अने हंबवीन भी नी समझे ।( मन्ती ४:११, यशायाह ६:९-१०)
11
12
13
११) दाखलान आर्थ यो से ,बीयारु यो भोगवान वातोह से ।
१२) वाटेन धडी च्या या से ज्या हंबतला ,तेतार बुतडु आवीन तीदंरा मनमायलो वात काढ लिजातलु के ओहलो नी ओये च्या बुरहु कोरीन तींदरा उदधार ओय जाय । १३) दगडा पर पडला च्या या से ,जेतार हंबवतला खुशी देखा वचनह सीकार लेतला ,पुण मुवे नी बरायणे देखा च्या थीडीक वार तक बुरहु मेकतला ,अने परिवर्तन ( पाखन ) टेमें सुड देतला ।
14
15
१४) च्या झाडोमा पोडला ,च्या या से खुशी मा बुल होंबवला करतला ,पुण ज्या हंबवतला,पुण अगा चालीन चिंता अने धन अने जीवनन सुखमा फस जातला ,अने तेरा फव काय नी लावतलो । १५) पुण हाजले जागामाय या सेके ज्या वचन हंबवीन बुवा अने हाजा मन देखा होंबवीन रोयतला ,अने धीर धरीन फव लावतला ।
16
17
18
१६) कुण दिवु लागाडीन रासन निचे नि ढाकतलु ,अने नी खाटला निचे मेके ,पुण दिवु मेकणे खुला जागे मेके के मायतो आवणेवालाहा उज्जाव जुडे । १७) कायी लिकायलो नींबे जो सामने नी आवे ,अने नी आढव लीकायलो से ज्यो सामने नी आवे। १८) इनान कोरीन हशारीमा रोयु ,के तुमु कानली रीते हंबवतला? काहाके जीना पाह से ,तीनाहा आपणेमा आवहे ,अने जीना पाहा निमले ,तीना पाहलो मांगलेणेमा आवहे ,जीनाह च्यु तेरो समजतलु।
19
20
21
१९) तेरी आई ने बायहे तेरे हाथे आव्या , पुण गरदीन वजे देखा नी मीवाया । २०) अने तीनुह कोयणेम आंवलो, " तारी आईन तारा बायहे बारथे उभ रोयाह ,तोहो मीवायणे हावे । २१) च्यु जोवाब मा तीनुह कोयु, " मारी आई अने बायहे याज से,ज्या परमेश्वरन वचन हंबवतला अने मानतला ।
22
23
२२) मंग एक दिह च्यु अने तेरा चेला नावपर चढया ,अने च्यु तीनुह कोयु," आवु अने तीने टेके चाला ," च्या नाव सुड देन्या । २३) पुण जेतार नाव जातोती ,तेतार च्यु हुव गयलु ,अने पाणी पर वादुण आव्यु , अने नावोमा पाणी भोरायणे लाग्यो ,अने च्या तकलीफ मा अता ।
24
25
२४) तेतार च्या तीनाहाते आवीन जागाडया ,अने कोया," स्वामी स्वामी आमु बुढणे बाजरोया ,अने च्यु उठीन वादुणोह अने पाणीन झेलखाहा जुल्यु ,अने च्या थाम गोया ,अने शांत ओय गोया । २५) अने च्यु तीनुह कोयु, तुमरु विश्वास का से? पुण च्या भिह गोया ,अने अचंभ कोरीन एक दिहराह कोयणे लाग्या,यु कुण से ज्यु वादुण अने पाणीह भी आज्ञा आपतलु ,अने च्या एरो मानतला ।
26
27
२६) फसा च्या गिरासे नियान देसोमा पुच्या ,ज्यो तीने टेके गलीन सामने से । २७) जेतार च्या किनारापर उतया ते तीना नगरन एक माणुह तीनाह मिवायु तीनामा दुष्ट आत्मो ओतो ,अने खुब दिहोन लुगडा नी पेरयु ओतु ,अने नी घरमा रोयतु ओतु ,पुण मटटयामा रोयतोतु ।
28
29
२८) च्यु येशुह देखीन आयडयु ,अने तेरे सामने पोडीन मोटे मोटे आयडीन कोयु, हे परमप्रधान परमेश्वरन पुरया येशु ! मेहे तार हाते काय काम ,मी तोहो रावण्या कोरो,मेहे तरास मा देय। २९) काहाके च्यु तीना अशुदध आत्माह तीना माणहोमा देखु निकवणे आज्ञा आप्यु ,इनान कोरता के च्यो तीनाह बार बार तरास देती ओती , अने माणहे तिनाह हाकव अने बेडया लागाडता अता ,तेभी च्यु तीनुह तुड नाखतु ओतु , अने दुष्ट आत्मा जंगल मा ,लीन फिर तोती ।
30
३०) तेतार येशु तीनाह फुच्यु ,तारो नाव काय से ? च्यु कोयु , " सेना " काहाके खुब हंवटा आत्मा तिनामा बरायला ओता ।
31
३१) अने च्या तीनाहा विनती कोन्या " आमुह खुब मोटा खडडा मा जाणेन मा कोये "
32
33
३२) च्या पहाडमा हुंबरयान टुवु चरतु ओतु ,च्या तीनाहा विनती कोरया के " आमुह तिनुमा बरायणे दे ," च्यु तीनुह जाणे देन्यु । ३३) तेतार दुष्ट आत्मा तीना माणहोमा निकवीन हुंवरयामा बराय गई, अने च्यु टुवु किराडा मा आसटायन पाणी मा पोडीन बुडीन मर गयु।
34
35
३४) गुवाव्या यो देखीन दोवडी पोडया , अने सहर मा अने गावमा ,जाईन तेर खबर करया । ३५) अने माणहे यो ज्यो ओयलो ,च्यो देखणे गोया ,अने येशु हाते आवीन जीना माणहोमा दुष्ट आत्मा निकवली अती ,तेर पायो पाह आवीन लुगडा पेरलु अने ठावकुज बठ रोयलु देखीन भी गोया ।
36
37
३६) अने देखनेवाला तीनाह कोया , के दुष्ट आत्मान तरास खादलु ओतु , च्यु माणुह केहे कोरीन हाजु ओयु ।
३७) तेतार गिरासेनीयान आसपासन आखा माणहे येशुह विनती कोरने लाग्या ,कि आमरे या देखु जात रोय,काहाके तीनुह खुब भीक भराय गई , अतः च्या नावोपर बोठीन जात रोया ।
38
39
३८) जीना माणहोमा दुष्ट आत्मा निकवली ओती ,च्यु तीनाहा विनती कोरयु कि मेहे तार हाते रोयणे दे ,पुण येशु तीनाहा वाटे लागाडीन कोयु ।
३९) तार घर जा अने माणहह कोय, के परमेश्वर तारे कोरीन केहे मोटा मोटा काम कोरलु से, च्यु जाईन आखा सहर मा प्रचार कोरयु के ये मारे कोरीन केहे मोटा मोटा काम कोरलु।
40
41
42
४०) जेतार येशु जातु ओतु,ते माणहे तीनाहा खुशी मा तेरे हाते मिवाया ,काहाके च्या आखा तेरी वाट जुवता अता । ४१) अने देखु याईर नावोन एक माणुह ज्यु आराधनान सरदार ओतु आव्यु ,अने येशुन पाया पोडयु विनती कोरयु " मार घर चाल " । ४२) काहाके तेरी बारा वरहन एकली सुरी ओती ,अने ची मरनेमा ओती जेतार येशु जातु ओतु ,तेतार माणहे तेर पोर पडला ओता ।
43
44
४३) अने एक बाई तीनीहि बारा वरहन खुन वयणेन बिमारी ओती , अने तेरी आखी जीवनन कमाई डॉ फसव लागाड देनली ओती अने तेभी ची हाजी नी ओयी । ४४) फसव आवीन येशुन कपडा हाथ लागाडीन ,अने लगेच हाजी ओय गोयली लुय वचणे बंद ओय गोयला ।
45
46
४५) एर पर येशु कोयु ,मेहे कुण हात लागाडलो ? जेतार आखा वसरने बाज गयला तेतार पतरस अने तेरा हाथीह कोया " स्वामी तोहो ते गरदी मा दाबयणे बाज रोयाह, अने तारे उपर आवीन पोडताह । ४६) पुण येशु कोयु ,कुण तोरी मेहे हाथ लागाडलो से,काहाके मी जाण लेदलु से के मारे मा देखी शकती नीकवली से।
47
48
४७) जेतार बाई देखी के मि लीकाय नी सेकतली ,तेतार कापती जाईन आवी अने तेरा पायो मा पोडीन आखा माणहोन सामने कोई के मी इन वजे से ,तोहो हाथ लागाडली ,अने केहे हाजी ओय गोयली । ४८) येशु तीनीह कोयु," बेटी तारु विश्वास तोहो हाजु कोरयु आरामसी जा ।
49
50
४९) यो कोयतु ओतु ने कुण एक आराधना सरदारन ये देखो आवीन कोयो ," तारी सुरी मर गई गुरुह तकलीप मा देय। ५०) येसु यो होबवीन जबाब आप्यु ," भिये मा आमीव विस्वास मेक ( कर) तेतार ची सुरी वाच जाहे ।
51
52
53
५१) घर मा आवीन येशु अने योहान अने याकुब अने सुरीन आई बाबु इनुह सुडीन दिहरा तेरा घरमा नी आवणे देण्या ।
५२) अने आखा तेरे कोरता रोडता ओता ,येशु तीनुह कोयु,रोडुमा यी मरी नीमले पुण हुवणे बाज रोयीह " ५३) च्या यो जाणीन के मर गयली से तेरु मजा करने अने आहणे बाज गया ।
54
55
56
५४) पुण येशु तेरु हाथ धोन्यु अने आयडीन कोयु "ये सुरी उठ "
५५) तेतार तेरु जीव वव गयु, अने ची लगेय उठी फसु येशु आज्ञा आप्यु के इनीह आमीव खाणे आपु । ५६) तेरा आई बाबु चकीत ओया ,पुण येशु तीनुन सावधान कोरीन कोयु के यो ज्यों ओयलो से कुणीह जुण कोयता।