^{1 2 3 4} १) फसु च्यु डुवा कोरीन धनवान आपणु आपणु दान दानपात्रामा नाखतला देख्यु ।२) अने एक गरीब रोडायलीही भी तीनामा दुस दमठया नाखतली देख्यु ।३) तेतार येशु कोयु ,मी तुमुह खंर कोयो , के यी रोंडायली आखा दोखी जादा दान कोरली से । ४) काहाके च्या आखा आपणी आपणी बढती मा दानमा थुडोक नाखला से,पुण यी ते तेरी आखी जीवन कमाय नाख देनली से । ^{5 6} ५) जेतार कोतरा माणहे मंदीरोन विषय कोयता ओता,के मंदीर कोतरा सुंदर दगडा अने भेंट करली वस्तु देखा साजडला तेतार येशु कोयु। ६) च्या दिह आवहे ,जीनमा यी आखी वस्तुक देखणे बाज रोया ,तीनामा यहारी देखो दगडापर ,दगडु भी नी छुटे जु नी पोडे एहे नी ओये । ^{7 8 9} ७) च्या तीनाहा फुस्या हे गुरु यो आखो केतार ओयहे , अने यी वात जेतार पुरी ओयणेन आवहे , तेतार तीने टेमेन काय चीन्न रोयहे। ८) येशु कोयु, सावधान रोयु , के भरमावणेमा नी आवे ,काहाके खुब मारा नाव देखा आवीन कोयहे , के मी येशु से,अने यो भी के टेंम हाते आव लागलो से, तुमु तेरे फोसोव जुण जात रोयता ।( १ युहन्ना ४:१,मार्क १३:२१-२३) ९) अने जेतार तुमु लडाईन अने बलवान चर्चा होंबे ते घबराय जुण जाता ,काहाके इनदरो ओयणे जरुरी से, पुण तीने टेमे अंत नी ओये । ^{10 11} १०) तेतार च्यु तीनुह कोयु,जाती पर जाती ,अने राज्य पर राज्य लडाई कोरहे ।( २ इतिहास १५:५-७, यशायाह १९:२) ११) अने मोटा मोटा भुकंपा ओयहे , अने जागे जागे काव पोडहे ,अने महामारी आवहे ,आकाशमा भयंकर वाते अने मोटा मोटा चिन्ह देखाय पोडहे । ^{12 13} १२) पुण इनवातन पेल च्या मार नाव देखा तुमुह दोराव देहे अने सताडहे ,अने आराधना मा सौपहे ,अने बदींखानामा नाखाडहे ,अने राजान अने राज्यपालन सामने लीन जाहे । १३) पुण यां तुमरे कोरीन गवाही देनेन अवसर ओय जाहे । ^{14 15} १४) इनान कोरता आपणा आपणा मनमा ,ठान लेयु के अमु पेल देखा उत्तर देणेन चींता झुण कोरता । १५) काहाके मी तुमुह ओहलो बुल अने बुद्धि आपही के तुमरा आखा विरोधी सामना नी ते खंडन नी कर सेके । ^{16 17 18 19} १६) अने तुमरा आई बाबा आने बायहे अने कुटुम्ब अने मित्र भी तुमुह दराव देहे ,यो तक के तुमरे मा कोतराकोह माराव नाख्हे । १७) मारे वजे से आखा माणहे तुमु हाते दुसमनी मेकहे । १८) पुण तुमरा मुंडोपोरलु एक भी जुटु नी पोडे ।( मन्ती १०:३०, लुका २:७) १९) " तारा धीरज देखु तारा जीवह वाचाडी मेकहे । ^{20 21 22} २०) " जेतार तुमु यरुशलेम सेना द्वारे घेर लेहे ,तेतार जाण लेहे के तेरो उजडनेन हाते से। २१) तेतार ज्या यहुदीयामा से च्या पहाड पोर नाह जाये ,ज्या यरुशलेम मा से च्या बारथे निकवी जाये ,अने ज्या गांव मा से च्या बारथे नी जाये । २२) काहाके बदलु लेणेन या ओहला दिहे रोयहे ,जीनामा लेखलो वात पुरी ओय जाहे ।( व्यावस्था ३२:३५,यिर्म ४६:१०) ^{23 24} २३) तीना दिहोमा बारहातली अने दुध पियाकती ओहे ,तीनदरे कोरीन हाय हाय काहाके देसोमा खुब तरास अने विपदा आवहे । २४) च्या तलवारीन सिकार ओय जाहे ,अने आखा देसोन माणहोह गुलाम बणाव लेहे अने जहा तक अन्यजातीन टेम पुरी नी ओये तहा तक यरुशलेम अन्यजाती देखा रोदवायहे ।( एर्जा ९:७,भजन संहिता ७९:१, यशायाह ६३:१८ , यिर्म २१:७, दानि ९:२६) ^{25 26} २५) अने दिह अने चांद जरजहे अने तारा मा चिन्न देखायहे ,अने पृथ्वी पर देश- देशोन माणहोपर संकट आवहे ,काहाके समुदरन गरजने अने लहरे खड़खड़ाने देखा घाबरायहे ।( भजन संहिता ४६:२-३,भजन संहिता ६५:७, यशायाह १३:१०,योहे ३२:७,योए २:३०) २६) अने भिखन वजे देखी संसार पर आवणे वाली घटनान वाट देखते - देखते माणहोन जीवोमा जीव नी रोये,काहाके आकाशन शक्ती हालवणे आवहे ।( लैव्या २६:३६,हैगै२:६,हैगै २:२१) ^{27 28} २७) तेतार च्या माणहोन पुरया सामर्थ अने मोटी महिमा हाते वादवापोर आवतलु देखहे ।( प्रका.१:७,दानि ७:१३) २८) जेतार मी वात ओयणे लागे तुमरो मुंड उपर कोरलु ,काहाके तुमरु छुटकारु हाते रोयहे । ^{29 30 31} २९) च्यु तीनुह एक दाखलु भी कोयु ," अजीरन झाड अने आखा झाडोह देखु । ३०) जेहे डिरा फुटतला तेतार देखी तुमु जाण लेतला ,के झाडे ववणेन मयनो हाते से । ३१) इनी रिती यी वात ओयतली देख तेतार जाण लेजु के परमेश्वर राज हाते से । ^{32 33} ३२) मी तुमुह खरी कोयो जी वात नी ओय जाय तहा तक पिढिन अंत नी ओये। ३३) आकाश अते पृथ्वी टव जाहे ,पुण मारी वात नी टोवे । ^{34 35} ३४) इनान कोरता सावधान रोयु,ओहलो नी ओये,तुमरा मनमा खुमारी अने पीनेवालान जीवन चींतामा सुस्त ओय जाहे , अने च्यु दिही तुमरे पर फासान सारकु आव पोडे । ३५) काहाके च्यो आखी पृथ्वी न आखा रोयणेवावा पोर इना प्रकारे आव पोडहे ।( प्रका .३:३ ,लुका १२:४०) ³⁶ ३६) इनान कोरता जागता रोयु अने प्रार्थना कोरता रोयु , के तुमु इनी आखी वातो देखा सावधान रोयु ,आवणेवाली घटना देखा वाचीन रोय अने माणहोन पुरयान सामने उभा रोयणे योग्य बणु । ^{37 38} ३७) अने च्यु दिहु मोदीरमा उपदेश कोरतु ओतु , अने राती जैतुन नावन बोयडा पर जाईन प्रार्थना कोरतु ओतु । ३८) अने वेगा आखा माणहे तेरो होंबणे कोरीन मोदीरामा तेरे पाह आवता ओता ।