^{1 2} १) एक दिह ओहलो ओयो के जेतार येशु मंदीरमा उपदेश कोरतु ओतु अने सुसमाचार होंबवाड तोतु तेतार पृधान याजक अने शास्श्री प्राचीनो हाते आवीन उभ रोया। २) अने कोया आमूह कोय तु या काम कानला अधीकार देखु कोरतलु अने च्यु कुण ये ज्यु तोह अधीकार आपलु। ^{3 4} ३) येशु तीनुह जवाब आप्यु मी तुमुह इक वात फुसो मेहे कोयु। ४) योहानन बाप्तीस्मा स्वर्ग देखो ओयलो के माणहो देखो ओयलो। ^{5 6} ५) तेतार च्या एक दिहरा हाते कोयणे लाग गया अगर आमु कोयदु स्वर्ग देखाने यु कोयहे तेतार तुमु भुरहु काहानी कोया। ६)अने आमु कोयहु माणहो देखो तेतार आखा माणहे आमुह दगडा देहे काहाके च्यु खरं जाणता ओता के योहान भविष्य द्कता ओतु। ^{7 8} ७)ओवता च्या जवाब आया आमु नी जाणतला के कुणी देखो ओतो। ८)येशु तीनुह कोयु तेतार मी तुमुह नी कोयतु के मी यो काम कानला अधीकार देखु कोरतलु। ^{9 10} ९) तेतार माणहोह यु दाखलु एक माणुह दा्क्षान एक वाडी लागाडयु अने एक अने खुब दिहन कोरीन परदेस जात रोयु (मरकु 12:12 मत्ती 21 :23) १०) अने तेरु टाईम आवणे पर किरसाणह पाह एक नोकरह मुकल्यु के द्राक्षान थुडाक वाटु तीनाह आपे ,पुण तीना मार कुट कोरीन ठाल्ले हाते मुकल्यु । ^{11 12} ११) फोसु एक नोकरह मुकल्यु,अने तीनाहा भी मारकुट कोरीन वापीस मुकल्यु ।( आपमान कोरीन ) १२) फोसु तीसरा नोकरह मुकल्यु अने च्यु तीनाहा भी घायव कोरीन मुकल्यु । ^{13 14} १३) तेतार दाखनवाडीन मालक कोयु ,मी काय करो? मारा खुदन पुन्याह मुकलीह काय जाण च्यु तेरो आदर कोरे । १४) जेतार किसान तीनाहा देख्यु ,तेतार सता विचार कोन्यु," यु ते वारीस से आवणे दे मी इनाह मार दिह यो आखो मारो ओय जाहे । ^{15 16} १५) अने च्या तीनाहा दाखनवाडी मा देखु बारथे लीजान मार देन्यु ,इनान कोरता दाखनवाडीन मालक तेरे हाथे काय कोरहे ? १६) च्यु आवीन तीना किसानन नाश कोरहे ,दाखनवाडी दिहराहा आप देहे , च्या कोया फरमेश्वर ऐहे नी कोरे । ^{17 18} १७) च्यु तींदरे वखे बावीन कोयु,मंग यो काय लेखलो से। १८) जो कुण तीना दगडापर पडे चुरचुर ओय जाहे ,अने जीनापर च्यु पोडहे ढव देहे ।( दानी२:३४-३५) जीना दगडाहा राजमीस्त्री रिकामु ठरावलु , च्यु खुणान सिर ओय गोयु ।( भजन संहिता ११८:२२-२३) ^{19 20} १९) तीन टेमे शास्त्री अने प्रधान याजक तीना धरने देखता ओता ,काहाके समझ गया ओता के यीसु तीदंरे विरुदध दाखलु ,पुण च्या माणहोह भीहता ओता । २०) अने च्या ताकता ओता ओवी खबरया मुकल्या , के धरमी बोणावे तेरी कुणीज नी वात धोरे के तीनाह राजपालन हाथोमा अने अधीकारमा होप देय । ^{21 22} २१) च्या तीनाहा यो फुस्या ," हे गुरु आमु जाणतला के तु ठिक कोये अने सिकाडतलु भी ,अने कुणीन पप्तपात नी कोरतलु वोवीन परमेश्वरन मार्ग सच्चाई देखु देखाडतलु । २२) काय आमुह कैसरह कर आपणु ठिक से के नी? ^{23 24} २३) येशु तीदंरी चतराय बाविन तीनुह कोयु। २४) एक दिनार मेहे देखाडु इनापर कुणीन छापु से अने नाव से ,अने च्या कोया कैसरन । ^{25 26} २५) येशु कोयु ," ते जो कैसरन से,च्यो कैसरह आपु अने जो परमेश्वरन से ,च्यो परमेश्वरह आपु । २६) च्या माणहोन सामने तेरी वातह धरनी सेक्या बाकीन तेरा जवाब देखा आश्चर्य ओयीन ठावका रोय गोया । ^{27 28} २७) फसा सदुकी ज्यो कोयतला ,मरलान फसो जीवतो उठने नी से,तीनु मायन काही तेर पाह आवीन फुस्या। २८) हे गुरु मुसु आमरे कोरीन लेखलु से,अगर कुणीन बाही तेरी लाडी ओयते मर जाय ,पुरया नी रयो तेतार तेरु बाहो तीनी हाते वियाव कोर लेय, एने तेरा बाहीन वंश वाढावे ।( उत्पत्ति ३८:८, व्यवस्थाविवरण २५:५) ^{29 30 31 32 33} २९) च्या सात बायहे ओता ,पेलु पेहलु वियाव कोरीन बिगुर पुरया ओयणे पेल मोर गोयु । ३०) फसु सुहरु। ३१) तिसरु भी तीनी बाई हाते वियाव कोर लेदयु एने रीते सान बायहे बिगुर पुरया ओयणे सी मर गया। ३२) आखान फसव ची बाई भी मर गई। ३३) अवते जिवता ओयणे बाद मा ची कुणीन लाडी बोणहे ,काहाके यी सातु बायहोन लाडी बणली से। ^{34 35 36} ३४) येशु तीनुह कोयु," इना युगन पुरयान ते वियाव ओयतलु । ३५) पुण ज्या माणहे योग्य ठरहे के तीना युगह अने मरला जीवता ओयणे कुशीत कोरे। शादी वियाव नी ओये।३६) च्या फोसा मरन्या भी नी ,काहाके च्या स्वर्ग दुतोन सारखा रोयहे ,अने पुनरुत्थानन संतान ओयणे से परमेश्वरन भी पुरया कोवायहे । ^{37 38} ३७) पुण इन वातोह के मरला जीवता ओयहे ,मुसु भी झाडोन कथा प्रगट कोरला से, के च्यु प्रभुह अब्राहमन अने इसाहाकन अने याकुबन परमेश्वर कोयलु से।( निर्ग.३:२,निर्ग.३:६) ३८) परमेश्वर ते मरलान नी पुण जीवतलन परमेश्वर से,काहाके तेरे हाते आखा जीवतला से। ^{39 40} ३९) तेतार यो हंबवीन शास्त्री मायला कोतराक कोया ," हे गुरु तु हाजो कोयु । ४०) अने तीनुह अजुं फुसणेन हिम्मत नी ओती । ^{41 42 43 44} ४१) फसु च्यु तीनुह फुस्यु ," मसीह दाऊदन पुन्यु काहा कोयतला। ४२) दाऊद खुद भजन सहितान पुस्तक मा कोयतलु । ४३) मारे जेवडे बोठ जहा भी तारा दुस्मनह तारा पायोमा चीत नी कोर देव । ४५) जेतार आखा माणहे हंबता ओता , तेतार येशु तेरा चेलाहा कोयु। ^{45 46 47} ४५) जेतार आखा माणहे हंबता ओता , तेतार येशु तेरा चेलाहा कोयु। ४६) शास्त्री देखा सावधान रोयु ,तीनुह लांबा लांबा लुगडा पेरीन फिरने हाजो लागतलो । ४७) च्या रोंडायलान घरे खायजातला ,अने देखाडनेन कोरीन मोटी मोटी प्रार्थना कोरतला या खुब मोंटु दंड जुडहे ।