^{1 2} १) आखमिरी रुटान तिवार जो फसहन तीवार कोवायतलु हाते से । २) अने प्रधान याजक अने शास्त्री इन वात मा देखता ओता इनान केहेक मार नाखलु ,पुण च्या माणहोह भीहता ओता। ^{3 4} ३) अने यहुदा मा शैतान बरायलु ओतु ,ज्यु इस्कारीयोती कोवायतु ओतु , अने बारा चेला मा गिणाय तोतु । ४) च्यु जाईन प्रधान याजकह अन पाहरादारन सरदारो हाते बात चीत कोन्यु के येशुह तींदरे हाथोमा धरावणु । ^{5 6} ५) च्या खुशी ओया , अने तिनाहा पोयहा आपणेन वायदु । ६) कोन्या च्यु मान गोयु , अने मोकु देखणे हुदता ओता , के विगुर परेशानी येशुह तींदरे हाथमा धराव देय ^{7 8 9} ७) तेतार आखमिरी रुटान तीवार आप्यु ,तीनामा फसहन मेंढु बली करने जरुरी ओतो। ८) अने येशु योहानह अने पतरसह,यो कोयीन मुकल्यु ,आमरे कोरीन फसहन खाणान तीयारी कोरु । ९) च्या तीनाहा फुस्या " तु काहारी कोये के आमु ,तीयारी कोरजे । ^{10 11} १०) च्यु तीनुह कोयु" देखु नगर मा जाताच एक माणुह पाणीन डुसरो उखवीन जातलु ,तुमुह मिवहे ,जीना घरमा जाये तुमु तीना घरमा तेरे फसव जाजु । ११) अने तीना धरन मालकह कोयलु ," गुरु तोहो कोयलु से , के पावणा रोयणे घर का से ,जेहरी मी अने चेला हाथे फसन खाणो खाजे । ^{12 13} १२) च्यु तुमुह एक सजी सजावली मोटी उपरी देखाड देहे च्या तैयार करजु । १३) च्या जाईन जोहलो च्यु तीनुह कोयलु ,तोहलो देख्या , अने फसह तयार कोन्या । ^{14 15 16} १४) जेतार टेम आवी ,तेतार चेलाहाते खाणो खाणे बोठता ।१५) अने च्यु तीनुह कोयु," मेहे मोटी लालसा ओती के दुखवेण्णे पेल तुमरे हाते गांवों। १६) तेतार कटोरो लिन धन्यवाद कोन्यु , अने कोयु ," इनाहा लेयु ,अने आखा वाट लेयु । ^{17 18} १७) तेतार च्यु वाटको लिन धन्यवाद कोरयु अने कोयु यो लेयु, अने आखा वाट लेयु। १८) काहाके मी तुमुह कोयो, के जहा तक परमेश्वरन राज नी आवे ,तहा तक मी दाखरस एवी देखु कधी नी पिव । ^{19 20} १९) फोसु च्यु रुटु लेदयु अने धन्यवाद कोरीन तुडयु अने तिनुह यो कोयीन टुकडा कोन्यु ," यो मारो शरीर से जो तुमरे कोरीन आपणे आवहे ,मारी और कोरने कोरता यो कोन्या कोरजु । २०) इन रिती खाणो खाणेन बादमा ,कटोरु भी यो कोयीन आप्यु ," यो मारो लुय से,तुमरे कोरता वोयाडनेम आवहे यी नवीन वायदु से ।( निर्ग .२४:८,१कुर.११:२५,मती२६:२८,जक९:११) ^{21 22 23} २१) देखु मारु धरावणारान हात मेजपर से।(भजन संहिता ४१:९) २२)काहाके माणहोन पुन्यु ते जोहलो तेरे कोरीन तीनाहा धोरावणे से ,पुण हाथ तीना माणहोपर जीना माणहो कोरीन तीनाहा धोरावणे आवहे । २३) तेतार च्या एक दिहराह फुसणे बाज्या ," आमुमा कुण से ,ज्यु ओहलो काम कोरहे ? ^{24 25} २४) तीनुमा वादा वादा भी ओयो के आमरे मा कुण मोठु समझतलु। २५) च्यु तीनुह कोयु," अन्य जातीन राजा तीनुपर प्रभुता कोरनला ,अने ज्यु तिनुपर अधीकार मेकतला ,च्या उपकार कोरनारा कोवायतला । ^{26 27} २६) पुण तुमु ओहलो जुण ओयता पुण ज्यु तुमु मा मोटु से ,च्यु आयतलु सारखु ,अने ज्य प्रधान से च्यु सेवक सारखु बोणे । २७) काहाके मोटु कुण से ,च्यु के ज्यु खाणे बोठलु से, के यु च्यु सेवा करनारु ? काय च्यु नी ज्यु खाणे बोठलु से,पुण मी तुमरे विच मा सेवक सारखु से। ^{28 29 30} २८)" पुण तुमु च्या से,ज्या मारी परिक्षामा मारे हाते रोये। २९) " अने जेहे परमेश्वर मारे कोरता एक राज ठरावलु से,तेहेज मी भी तुमरे कोरीन ठरावलु से। ३०) इनान कोरीन के मारा राजोमा मारे हाते खाये अने पिये ,पुण सीहासन पर बोठीन इस्त्राईलन बारा जातीन न्याय करे । ^{31 32} ३१) सैमोन हे सीमोन शैतान तुमुह मांग लेदलु से, के गहु सारखु फटके । ३२) पुण मी तारे कोरीन विनती कोरो के तारु विश्वास कम नी ओयणु जुवे,जेतार तु फिरे तार तारा बायहोह स्थीर कोरजी । ^{33 34} ३३) च्यु तीनाहा कोयु," हे प्रभु मी तारे हाते बंदीखानामा जायही पुण मरने भी तीयार से। ३४) येशु कोयु ,हे पतरस तोहो कोयो आज कुकडु वाहणेन पेल तु मारु इनकार कोरहे ,कोयहे के मी इनाहा नी जाणतलु । ^{35 36} ३५) अने येशु तीनुह कोयु ," जेतार मी तुमुह पाकीट अने झुवी अने खाहाडा विगुर मुकोल तोतु ,तेतार काय तुमुह कमी वस्तुन कमी पोडली ओती ,च्या कोया की काहीच नी । ३६) च्यु तीनुह कोयु," पुण एवी जीनापाह बटवु ओये ते च्यु ली लेय ,अने तेहेज झुलु भी जीना पाह तलवार नि ओये च्या तेरा लुगडा वेचीन वेचाती एक ली लेय। ^{37 38} ३७) काहाके मी तुमुह कोयो, के यो ज्यो लेखायलो से,च्यु एक गुनेगारामा गिनायतलु से,तेरो मारे मा पुरो ओयणेन जरुरी से, काहाके मारा बारामायली वात पुरी ओयणे से ।( गलातीयो ३:१३ , २कुरि.५:२१, यशायाह ५२:१२) ३८) च्या कोया " हे प्रभु ये दुय तलवार से ,च्यु तीनुह कोयु,खुब से । ^{39 40} ३९) तेतार च्यु बारथे तिकविन तेरी रिती प्रमाणे जैतुन पहाड पर गोयु अने चेला तेरे फसव गया । ४०) तीने जागे पुचीन येशु तीनुह कोयु," प्रार्थना कोरु , के तुमु परिक्षा मा नी पोडे । ^{41 42} ४१) अने च्यु एखलु अलग एक ढेफु नाखणेत ओतरे सेटु गोयु , अने घुटना टेकीन प्रार्थना कोन्यु । ४२) हे पिता तु चाहे ते इना कटोराह मार पाह देखु सेटु कोरले ,पुण यी मारी इच्छा नी पुण तारी इच्छा पुरी ओये । ^{43 44} ४३) तेतार सर्गमा एक स्वर्ग दु देखाय पोडयु ,ज्यु तीनाहा ताकत आपतु ओतु । ४४) अने च्यु खुब संकटमा अने व्याकुल अने हार्दिक वेदना देखु प्रार्थना कोरतु ओतु ,अने तेरु घाम समजु लुयन टिपका सारखु धरती पर चुवतलु । ^{45 46} ४५) तेतार च्यु प्रार्थना देखु उठीन आव्यु तेतार हुवताला देखी उदास ओयु । ४६) अने तीनुह कोयु ," काय हुवतला? उठु प्रार्थना करु परिक्षा मा नी पोडे। ^{47 48} ४७) च्यु यो कोयतलुज ओतुन के एक गरदी आवी जीनु बारा मायलु एक तेरोनाव यहुदा ओतु अगव अगव अगव आवतु ओतु ,च्यु येशु हाते आव्यु के तीनाहा गुवु देय । ४८) येशु तीनाहा कोयु," हे यहुदा काय तु गुवु दिन माणहोन पुन्याह धरावणु से। ^{49 50 51} ४९) तेरा हातीह देख्या की काय ओयणे वावो से,ते कोयु ,हे प्रभु आमु तलवार चालाडजे ? ५०) अने तीदंरे मायन एक महायाजकन दास पर तलवार चालाडीन तेरु जेवडु कान तुड देन्यु । ५१) येरे पोर येशु कोयु," एवी बस करु " अने तेरु कान धरीन तीनाहा हाजु कोरयु । ^{52 53} ५२) तेतार येशु प्रधान याजक मदीरोन पहारा घरोन सरदारह ,अने ज्या प्राचीन तेर पोर चढ आवला तीनुह कोयु,काय तुमु मेहे डाकु समजीन तलवार अने लाकडया लिन आवला से । ५३) जेतार मी मंदीर मा दाडीन तुमरे हाते ओतु ,तेतार तुमु मेहे पोर हात नी नाख्या ,पुण यी टेंम तुमरी से ,अने अंधकारन अधीकार से । ^{54 55} ५४) मंग च्या येशुह धरीन लि गया अने महायाजकन धरमा लाख्या ,अने पतरस सेटुज तेर फोसव चलीन जातु ओतु । ५५) अने जेतार च्या आंगवामा आगव लागाडीन एकठा बदला ओता ,तेतार पतरस भी तींदरा वीसमा ,जाईन बोठलु ओतु । ^{56 57 58} ५६) अन एक दासी तीनाहा आठठान ऊजावामा बोठलु देखीन ,अने पतरस वखे बावीन कोयी," यु भी ते येशु हाते ओतु। ५७) पुण पतरस यो कोईन इन्कार कोर देन्यु ," हे बाई मी तीनाह नी उवखतलु ५८) थुडी टेममा दिहरु ऊजु तीनाहा देखीन कोयु ," तु भी तीनुमायलु से, पतरस कोयु," ए माणहो च्यु मी निमले । ^{59 60} ५९) आधी एक घंटा बादमा एक माणुह खंरज कोयु ," खरीज थु तीदंरे हाते ओतु ,काहाके यु गलीली से । ६०) पतरस कोयु,ए माणहो मी नी जाणतलु के तु काय कोयणे बाज रोयुह ,च्यु कोयतुज ओतु ने कुकडु वाहयु । ^{61 62} ६१) तेतार येशु पतरस वखे पसु फिरीन भाव्यु , एने पतरसह येशु वात ओर आवी जी येशु तीनाहा कोयलु , के आज तु कुकडु वाहणे पेल तु मारु इनकार तीन वार कोरहे । ६२) अने पतरस बारथे निकवीन मोटे- मोटे रोडयु । ^{63 64 65} ६३) ज्या माणहे येशुह धरला ओता ,च्या तेरु थट्टा करीन तीना देणे बाज गया।६४) अने तेरा डुवा ढाकीन येशुह फुसता ओता ,भविष्यवाणी कोरीन कोय तोहो कुण देल्लो । ६५) आने च्या खुब वात ऊजु निंदान वात येशुन विरोध मा कोया । ^{66 67 68} ६६) जेतार दिह उग्यु तेतार माणहोन पुनरीया अने प्रधान याजक, अने शास्त्री इकठठा ओया , अने येशुह तींदरी महासभा मा लावीन फुस्या । ६७) अगर तु मसीहा से,ते आमुह कोयदे ," येशु तीनुह कोयु,अगर मी तुमुह कोयीह तेतार तुमु विश्वास नी कोरे । ६८) अने अगर फुसीह ते जवाब नी आप सेके । ^{69 70 71} ६९) पुण येवी माणहोन पुन्यु सर्वशकतीमान परमेश्वरन जेवढी वखे जाईन बोठहे ।( मार्क १४:६२,भजन संहिता ११०:१) ७०) एर पर आखा कोया ,ते काय तु परमेश्वरन पुन्यु से,येशु तिनुह कोयु, तुमु खुद कोयणे बाज रोयाह काहाके मी से । ७१) तेतार च्या कोया ,एवी गवान काय गरज से,काहाके आमु खुद एर मुये होंबीन लेदया ।