^{1 2 3} १) तीने टेमे काही माणहे आविन पुच्या ,अने तेरहाते तीनु गालीलो न माणहोन वातु करने लाग्या ,जिदरो लुय पिलातुस तीनदरा बलीदान हाते मिवाडलु होतु । २) यो होंबीन येशु तीनुह जवाब मा यो कोयु ,काय तुमु सोमझतला या बाकी गालीली देखा पापी ओता के ओहली इनु पर आपती पडी । ३) मी तुमुह कोयो के नी पुण तुमुभी मन नी फिरावे ते तुमु आखा भी इनी रीते नाश ओयहे । ^{4 5} ४) नीते काय समझता के च्या आठरा जन जिनुपर शिलोहम गुम्मट पोठलु अने च्या दाबायीन मरगयला ,यरुशलेम अने आखा रोयणारा देखा ज्यादा गुनागार ओता । ५) मी तुमुह कोयो के नी पुण अगर तुमु मन नी फिरावे ते तुमु भी आखा इन रिते नाश ओयहे । ^{6 7} ६) फसु च्यु यु दाखलु भी कोयु ,कुणीन अंगुरन वाडी मा एक अंजीर न झाड लागलो ओतो ,च्यु फव हुदणे आव्यु ,पुण नी जुडयु ।( मन्ती २१:१९-२०,मलाकी ११:१२-१४) ७) तेतार च्यु वाडीन राखवाव्याहा कोयु देख तीन वर्ष देखु मी इना अंजीरन झाडमा फव हुदणे आवतलु ,पुण नी झडतलो के इनाह मुडदे के यो जागु काहा रुकीन मेक्यो? ^{8 9} ८) च्यु तीनाहा ज़वाब आप्यु के हे स्वामी इनाहा इन वर्ष रोयणे दे के मी इनाहा चार समख्यार खाद नाखीह । ९) अतः अगव फले ते ठिक नी ते इनाहा तुड नाखीह । ^{10 11} १०) तीवारन दिहे येशु अराधना मा उपदेस कोरतु ओतु । ११) च्या एक बाई ओती तीनीह आठरा वर्ष न एक कमजुर कोरने वाली दृष्ट आत्मा लागली ओती ,अने ची कुबडी ओती , अने कानली रिते तीनीह हुदो नी ओवायतो ओतो । ^{12 13 14} १२) येशु तीनीह देखीन बुलाडयु अने कोयु हे नारी तु तारी दुर्बलता मा देखी छुट गई। १३) तेतार येशु तेर पोर हाथ मेक्यु अने ची लगुज हुदी ओय गोयी ,परमेश्वरन बडाई कोरने लागी । १४) इनान कोरता के येशु तीवारन पवित्र दिहे तीनीह हाजु कोरलु ओतु आराधनान सरदार खतायीन माणहोह कोयु,"छव दिह से जीनुमा काम कोरनु जुवे, अतः तीनु दिहोमा आवीन हाजा ओये ,पुण पवित्र दिहे नी ,( निर्गमन २०:९-१०, व्यवस्थाविवरण ५:१३-१४) ^{15 16} १५) यो हंबीन येशु जवाब आपीन कोयु ," हे कपटी काय पवित्र तुमुह हर एक आपणा बुयल किवा गदहो खुटे छुडीन पाणी पियाडणे नी लीजातला ? १६) " अने काय हाजो नी ओतो के यी बाई जी अब्राहम न बेटी से जीनीह शैतान आठरा वर्ष बांध रोय ओतु , पवित्र दिह एरो बंधन खुल गयलो ओतो । ¹⁷ १७) जेतार येशु यी वात कोयु ,तेतार तेरा आखा विरोधी लाजवाय गोयला ,अने आखी गरदी जी तेरी महीमान काम देखीन खुश ओयी । ^{18 19} १८) मंग येशु कोयु ,परमेश्वरन राज कुणी सारखो से ? अने तेरी बराबरी मी कुणीह आपो ? १९) च्यो राईन एक दाणा सारखो से,तीनाह कानलु माणुह लीजायीन तेरी वाडीमा लागाडयु , अने च्यो वाडीन एक झाड बोणगोयो ,अने आकाशमायला चीडा आवीन तेरी डावी पर रोयणे लागरोया । ( मन्ती १३:३१-३२, यहे ३१:६, दानि ४:२१) ^{20 21} २०) येशु फोसु कोयु ," मी परमेश्वरन राजन बराबरी कुणीह आपो? २१) च्यो मोयदा सारखो से ,जीनाह कानली बाई लीन पाव सेर लुटमा बेचकीन,अने ओवते आखा लुटन मैदो ओय गयो । ^{22 23 24} २२) येशु नगर नगर अने गांव गांव जाईन उपदेश कोरतु,यरुशलेम वखे जातु ओतु ।२३) अने एक जण येशुह फुच्यु ," हे प्रभु उदधार ओयणारा काय थुडा से? येशु तीनाहा कोयु। २४) " हाकडले दरवाजे जाणेन कुशीत कोरु ,काहाकी मी तुमुह कोयो के खुब माणहे मायला जाणे कोरहोत अने नी जाय सेके। ^{25 26 27} २५) जेतार घरन स्वामी ( मालक ) दरवाजु बंद कर लेहे ,अने तुमु बारथे उभा रोयन दरवाजु ठोकहे ,अने कोयहे ," हे प्रभु आमरे कोरीन जुपु उघाड दे ,अने प्रभु जवाब आपहे के मी तुमुह नी जाणतलु ,तुमु कां वाला से? २६) तेतार प्रभु कोयहे , मी तुमुह कोयो के मी तुमुह नी जाणतलु तुमु कां देखा आवला से ,हे पाप कोरनेवाव तुमु आखा दुर ओय जावु ।( भजन संहिता ६:८) २७) तेतार प्रभु कोयहे , मी तुमुह कोयो के मी तुमुह नी जाणतलु तुमु कां देखा आवला से ,हे पाप कोरनेवाव तुमु आखा दुर ओय जावु ।( भजन संहिता ^{28 29 30} २८) च्याहरी रोवणे अने चावणु ओयहे ,जेतार तुमु अब्राम अने इसाहक अने याकुब अने आखा भविष्यद्वकतान परमेश्वरन राजमा बोठे अने बारथे निकवतला देखहे । २९) अने पुर्व अने पश्चिम उत्तर अने दक्षिण देखा माणहे आवीन परमेश्वरन राजन खाणामा भागीदार ओयहे । ( यशायाह ६६:१८,प्रका.७:९,भजन संहिता १०७:३, मलाकी १:११) ३०) "यो जाण लेयु कोतरा फसव से ,च्या पेहला अने कोतरा पेहला से च्या फसव ओयहे । ^{31 32 33} ३१) तीनी टेमे फरीसी आवीन तीनाहा कोया," ने देखा निकवीन जातरय हेरोदेस तोहो मार देहे । ३२) च्यु तीनुह कोयु," जाईन तीना कुल्याहा कय दे,के देख मी आज अने काल द्दृष्ट आत्मा निकावतोतु अने बिमार हाजा कोरतलु ,अने तिसरे दिह मारो काम पुरो ओयहे । ३३) ते मी मेहे आज अने काल अने पंदीह चालनेन जरुरी से काहाके ओयी नी सेके कानलु भविष्यद्वक्ता,यरुशलेमन बाहेर मारने मा आवे । ^{34 35} ३४) " हे यरुशलेम ,हे यरुशलेम तु जो भविष्यद्वकताहा मारीन नाखतलु ज्या तार पाहा मुकलनेमा आवला तिनुह दगडा टला ,कतरी वार मी वाचलु , के कुकडी जेहे कोरीन तेरा बच्चा तेरा फाकोमा लिकाडतली ,तेहेज मी भी मारा इकठु कोरो पुण तुमुह यो नी पोटयो । ३५) देखु तुमु तुमरो घर उजाडलो छुटतलो ,अने मी तुमुह कोयो ,जहा तक तुमु नी कोये ," धन्य से च्या ज्या प्रभुन नाव देखा आवतला ,तहा तक तुमु मेहे नि देखे ।( भजन संहिता ११८:२६, यिर्मयाह १२:७)