¹ Ukutulne, linwana, ti din niminu akara nya Chikilari Yesu, nafo na ina seru uliru kiti bite, ukifo isu uchin nin pozu Kutelleh abiri nafo idin chinu, dirtinong isu gbardang. ² Bara nyiru tiliru to na tina niminu nya Chilari Yesu. ³ Ulelere usu Kutelle nlau mine ichin akmulet ndinon, ⁴ bara vat mine iyinin usen wani nyan lau nin zazinu. ⁵ Na nya su kibinai ndinon ba (nafo anan nyan nsirti alenge na iyiru Kutelleh ba). ⁶ Tutung umon wa patilin anin nanza gbane liburi nilemone ba, bara Chikilari unan tunju nile imonere vat, nafo natina min wunu minu atuf tinin kuru belle. ⁷ Na Kutelle na yichila nari udu nyan dino gnari ba, udu nlau wari . ⁸ Bara nene ulengena ari ilelena anit ari anari ba, Kutelleh ari ulenge na adin nizu Ufunu Ulau udu kitimine. ⁹ Ubelen nsu linwana, na umon ba yertinu minu imon ba, bara anun atimine Kutelleh na dursuzo minu usu linwana. ¹⁰ Nyan na dadu, anun udu linwana alenge na idi vat Makaduniya, arik din niminu akara linwana, nworu is gbardng. ¹¹ Ti din niminu akara tutung itenizin nya kutik, lmin upiziru nimon yi, inin su kataah nin na chara mine, nafo na tiwa kpada minu ¹² Sun nene bara inan china dert udu alenge naidi ndas kidegene, baratutung iwa dira imon. ¹³ Na tidii suu itan uyinu nari ba, linuana mbelen na lenge na idinnmmoro, yenju iwa so nin na buri asirne nafo alengena na isali nin kidegen bun ba. ¹⁴ Asa ti yinna Yesu wa ku afita tutung, nanere Kutelleh ba dak nin Yesu nin na lenge na ina dieu nya mmoro nin gne. ¹⁵ Bara nene ti belin minuu nya ligbulang Chikilari, nworu arik ale na ti di a chine, na i chino nari udu kubi dak Chikilari, kidegen na tiba yarnu na ina dieu nyan nmoro bara. ¹⁶ Kutelle litime ba tolu unuzu kitene kani. Nin teit, nin liwui ngo nnono Kutelle, nin kulantung Kutelle, alenge na ina iku nya Kristi ba fita nfunu. ¹⁷ Arik alenge na tidi a chine, na ichino nari, ligozine iba fieu ghantunu nari nya na wut tizuro nin Cikilari nyan funu. Na nere tiba so ligowe nin Cikilari. ¹⁸ Bara nene, tan linuana akara nin nagbulan alole.