¹ Bara na imone wa kata akara bite tikpilya i haun ichinari Athens. ² Tina tuu Thimoti ku gbana bite unan kataah Kutelle nya kadura kamang in Yesu ada timinu akara nya kidegen mine. ³ Yenjen umong mine wa fya kibinai nyan neou anin atimine yiru bara nenere inna fere-eh nari. ⁴ Kden kube na tiwa nan ghinu, tiwa belin minu nyan bun tiba nieu, uni na lawa kidene nafo naiyiru. ⁵ Bara nene na imone kata nin mmini to-oh nyinin kidegen mine yenje sa unan duzune na duzun minu kataah bite nahna. ⁶ Na Thimoty wa dak kitibite unuzu kitimine nin kadura ka mang, kan kidegen nin suu nin uworu na ishawa nin nari ba tuung, idinin suu iyene nari nafo na arik dinin suu tiyene minu. ⁷ Bara nene linwana tiwa se akara nibinai nya kidegem mine kidira nin nieu. ⁸ Nene ridi mang, asa iyisina nin nin na nagang nya Chilari. ⁹ Uyapin ugodoari tiba ni Kutelle bara anun, bara mmang mo-oh nati dimu nbun Kutelleh kittene mine. ¹⁰ Kittik nin lirin ti din nliranina kara bara tiyene itmuro mine tinin ni ile imon na idinin lidarinya kidegen mine. ¹¹ Na Kutelleh nin Chif bite litime aChilari bite Yesu duro nari udina udak kitimine. ¹² Na chilari kpin ngardang suu minu udu linwana a nit vat, nafo na ari din su udu kitimine. ¹³ Asuu nene bara kpin minu akara nibinai nyang salin dinonnin lau nbun Kutelleh nin Chif, asa Chikilari bite Yesu ba dak nin na lau me vat.