¹ Anun atimine yiru linuana na tiwa diranimon suari, tidaa kitimine ba. ² Arike wa neou ti so non nchin in Philippi, nafo na iyiru arik wa yinin nin Kutelle bit tibelin minu kadura kamang Kutelle nyan salin mmang. ³ Bara akara bite na uta nuari ba, na ndino gnari ba na kinu ari ba. ⁴ Arik nao na Kutelle yinna nin gnirik nin kadura ka mang na nenere ti din belu, na bara anit ba, bara Kutelle, naadin yenju nibinai yenju ni binai bite. ⁵ Bara na tina belu agbulang kinu ba, nafo naiyiru, na bara ti bolu imon na amon ba, Ci Kutelle ari unan ba. ⁶ Na tiwa piziru uzazunu kiti nanit ba sa kitimine, sa kiti na mong kubu kona tiwa yichu atibite anan kataah Kristi. ⁷ Nnane tiwa toltin atibite nafo na una asa anodizino nibinain nono me. ⁸ Nani tiwa dursuzominu usuu, nin liburi liboo tiniminu kadura ka manggne umunu tilau bite, bara na ina so imon ichne kitibite. ⁹ Bara na ina lizinn linwana kataah nin neiu bite. Tiwa su kataah kitik ninliyarin bara tiwa so kutura udu umon mine , nafo na tiwa sun minu uwa azi mang kadura Kutelle. ¹⁰ Anung anan ba, a Kutelle wang ,nafo nyan lau nin salindinno tiwa su kataah udu kitimine na yinin. ¹¹ Nafo na iyiru uchif nin nono me, tiwa niminu akara tinin kuru tibelle. ¹² Iba chinu liau Kutelle, na adin yichu minu udu kilari nin zazinu me. ¹³ Bara nene tidin godu Kutelle kokishi, kubi kooh na iwa seru kitibite ligbulang kadura, ligbulang Kutelle, na iwa serunafo ligbulang nntari ba, kidene, ligbulang Kutelle, na lidi kataah nya mine na iyinna. ¹⁴ Bara anung linwana ina so nafo anan na tii alau Kutelle na adi Yahudiya nyan Kristi Yesu bara anun ina neou na nit mine nafo na inun wa neou na charannono Israila. ¹⁵ Alengena iwa molu chilari yesu ku nin nanan kadura me-eh, inin ko-oh nari, tutung alengena ipooh Kutelle liburi ba. Idinin liburi lisirneudu na nit vat. ¹⁶ Ina wantin nari tibelin anan nyan nsirti bara inan se utuchu Yesu nyan tazunu mine. Tinna nayi Kutelle ntolo nari udu ligang. ¹⁷ Arik, linwana w kosu nri nya kubiri ku bene, nyan yenju nya nibinai tiwa tezunu tiyene timuro mine. ¹⁸ Bara iwa dinin suu ti dak kitimine, meng Shawulu ndin ntenzunu, shaitan amini wantin nari. ¹⁹ Bara iyangari likara mine nbun saliburi lio-oh. Sa likarin zazunu imong irumere nafo na among-ubung. Nchikilari Yesu asa ba se-eh ²⁰ Anun ghereh uzazunu nin mang bit.