¹ Samanan ah adn ah sawaro Pariseo na kangangaranan Nicodemo, p'd oh Konseho ah Judio. ² Sumiyung ah tao aya ki Jesus ko arang ah magabi, ago pitharo iyan "Rabi, katawan ami ah ska na guro ah miyaka puon ko Kadnan kagya da pn ah maka pbaal sa giyaya ah mga tndo giya siwaka aya di tabya ko rkiyan ah Kadnan." ³ Sumimbag rkiyan si Jesus, "bnar b's, ditabya oba adn imbawata paruman tao di niyan kaylay so walay oh Kadnan." ⁴ Pitharo eh Nicodemo rkiyan, "Antuna ah kipmbawataan ko tao oh baskaniyan na matua dn? Didn mapakay ah uba kaparumani ah makalusod p'n skiyan ko tiyan eh ina iyan ago imbawata paruman, angkaino kagaga niyan?" ⁵ Sumimbag si Jesus, "Piyur baa, aya ditabiya na mingimbawata so tao ah miphuon ko eg udi na ko Malaikat, di skiyan pakasul'd ko walay oh Kadnan. ⁶ So mingimbawata ko lusod ah tiyan na lusod ah tiyan, na so mingimbawata sa malaikat na malaikat. ⁷ Di kano bimban sa pitharu akn rkiyo, 'Aya kinanglan na mimbawata kano pharuma.' ⁸ Mipapaar iyan so samber oh anda niyan pakasamb'ra. Pkakin'g iyo so samber, uway na di niyo katawan oh anda pakapuon ago anda p'sung. Laged bo mambo a inimbawata a mga Malaikat." ⁹ Sumimbag si Nicodemo, pitharu iyan, "Panon eh ka khasuwa-suwa aya?" ¹⁰ Simbag iyan si Jesus. " Ba ska eh guro eh Israel, go nga da sabota ah giyaya ah pkasuwa-suwa? ¹¹ Piyur baa, pitharu ami so katawan ami, na piyur uto ka miyailay ami. Kagiya skano a mga tao, na da niyo tarimaa so diyami di tharuon. ¹² Oh pitharu ak'n rka so mga makaduniya na da ka pangimb'nar, na panon ka pangimbnar oh ptharuon akn rka so makaakhirat? ¹³ Da paka sumiyong sa langit aya ditabiya na miyakapuon sa langit, so Wata ah Tao. ¹⁴ Laged oh kinipuroon eh Musa ko tungk'd a nipay, laged oh wata oh tao a kinanglan mipiro, ¹⁵ ka on langon oh miyamaratiya-ya r'kiyan na pakapuro a niyawa niyan sa da taman iyan. ¹⁶ Kagiya ah tanto ah pkababayaan oh kadnan so mga tao, inibgay niyan so da laged iyan ago buthong ah wata iyan go apya antaa eh pamaratiya-ya rkiyan na di phatay ago kambuway sa mathay. ¹⁷ Kagiya naba niyan siyugo so wata iyan sa dunya ka aniyan masiksa so mga taw, ka para niyan mitugalin sa kamapiyaan so skiran uto ah miyamaratiya-ya. ¹⁸ So pamaratiya-ya rkaniyan na di kasiksa. So di pamaratiya-ya rkaniyan na kasiksa kagiya da pangungunutan ko wata oh kadnan. ¹⁹ Giyaya eh phoon oh ka-khokom, so kiyapaka-uma oh liwanag sa dunya, agu pisambi oh mga taw so liwanag ko d'l'm kagiya aya iran psuwaan na so mga mararata. ²⁰ Kagiya sadn sa di galb'k sa marata na di pagubay ko liwanag ka an di kailay so mga psuwaan iyan. ²¹ Uway na supman so mga taw ah di galb'k sa mga pipiya na pagubay siran ko liwanag ka an p'kha-ilay agu gyuto eh pkha suwa-suwa miphoon ko kaparatiyayaa ko kadnan." ²² So kiyapasad inin, si Jesus agu so mga sugo-suguan iyan na sumiyong sa Judea. Roo skiyan miyabimban agu miyam-rigo. ²³ Imanto na si Juan mambo na di pam-rigo sa Enon marani sa Salim kagiya mas mala so eg roo. Miyubay rkiyan so mga taw ah dii-pamrigoon, ²⁴ kagiya dap'n mabilanggo si Juan. ²⁵ So kiyapasad iyan na adn ah mimbobono ko mga sugu-suguan eh Juan agu ko isa ko mga Judio sabap ko ukit-ukit oh kapangunab. ²⁶ Sumiyong siran ki Juan, "Rabi, so p'd ka sa ripag ah eg ah Jordan, ah dinga di- taroon, ilaya nga, pamrigo-skiyan agu sumiyong sko kadaklan rkiyan." ²⁷ Sumimbag si Juan, "Dad'n ah tarimaan oh taw aya tabya na maka-phoon ko langit. ²⁸ Skano tanto eh maka psaksi sa diko dii panaroon, 'Naba saki so Cristo' uway na pitharo ko, 'mingi-sugo ako bago p'n skiyan." ²⁹ So pd eh kawing'n ah babay na so mama ah kawing'n. Imanto na so layok oh kawing'n ah mama, ah tumitind'g agu di pamakin'g, ka tanto ah p'khababaya ko suwara oh mama ah kawing'n. Giya kapkababaya akn aya ah tanto. ³⁰ Skiyan na wajib ah mipuro uway na aya mapiya na mibaba ako daan. ³¹ So pakhaphoon sa puro na aya mangin'pupuroan sa langon. So pman so miyaka-phoon sa lupa agu di mbitiyara sa kambityara sa lupa. So phoon sa langit na mipapandaw ko kalangowan. ³² Di skiyan di taro sa bnar so mga miyan'g agu miya-ilay nian, ugaid na da ah taw ah diron di mangimbnar. ³³ Sadn sa tumarima ko mga bityara niyan na piyangimbnar iyan mambo ah bnar so kadnan. ³⁴ Kagiya sadn sa mingi sugo oh kadnan na di niyan dii pamayapat'n so katharo oh kadnan. Kagiya naba niyan mingi bgay so Espiritu ko ukit oh kapuro. ³⁵ P'kababayaan oh Ama so wata agu mingi bgay niyan langon ko lima niyan. ³⁶ So miyamaratiyaya ko wata na adn ah niyawa niyan taman sa taman, na so pman so di pamaratiyaya ko wata na di pakha ilay sa niyawa, ka lalayon dn p'khararangitan oh kadnan."