¹ So kiyapasad pasad so tlo gawii, adn ah kawing sa Cana ah Galilea, ago so ina eh Jesus na ndodoroo. ² Si Jesus ago so mga sugo-sugoan niyan na kiyasugoan ko di kawing. ³ Ko maip'd so panginginm'n ah paka br'g, pitharo oh ina eh Jesus rkiyan, "Da pakabr'g," ⁴ Sumimbag si Jesus, "Babay antona ah eh labot iyan anan raki? So oras akn na da pn maka oma." ⁵ Pitharo oh ina iyan ko mga tao, "Apiya antona ah eh ptharo on iyan rkano na suwaa niyo." ⁶ Samanan na ad'n ah n'm ka banga ah taguay sa i'g ah pagusar'n ko dii kapamrigua ko mga Judio, na uman eh isa na adn ah tago oh duwatiman taman sa tlo ka metretes. ⁷ Pitharo eh Jesus rkiran , "Pno ah niyo ah taguay anan sa e'g. "Na piyamno iran taman sa giyagawii siran. ⁸ Komapasad na pitharo iyan ko mga sugosugoan, "Kuwa kano ron sa maito ago ibgay niyo ko mapuro ah sugosugoan." Na siwa iran. ⁹ Tiyaaman oh mapuro ah sugosugoan so e'g ah mimbaloy ah panginginm'n ah paka br'g, Uway na kagya di niya katawan anda aya puon (Oway na kayawan oh mga sugosugoan so kiyakuwa sa e'g). Komapasad na tiyawag iyan so mama ah gop'n kiyawing ¹⁰ ago pitharo iyan non, "So una ah ipangnat omaniisa na mapiya ah panginginm'n ah paka br'g ko mapasad na so pman so mababa eh arga ah panginginm'n ah paka br'g amay ko mga bbr'g dn so mga tao. Uway liyamba ka so pinaka mapiya ah panginginom'n paka br'g taman imanto." ¹¹ Giya mga limo aya sa Cana oh Galilea na puonan oh mga limo ah tndo oh mga pimabaal eh Jesus, pithataro so kapasang iyan ko langolangoan, Na so mga sugosugoan iyan na siyamba iran skiyan. ¹² So kiyapasad aya , si Jesus, ago si ina iyan, ago so mga pagari niyan, ago so mga sugosugoan iyan na sumiyung sa Capernaum, ago ruo siran mitaman ko miya maka pira gawi eh. ¹³ Imanto na magaand'n mawma so Paskwa oh mga Judio, na si Jesus na tumiyak'd'g sa Jerusalem. ¹⁴ Miya tuon iyan ko sambayangan so didadagang sa mga sapi,kambing agu marapatik.na so mga pamamasa sa perak na dudoroo ah kika uontod. ¹⁵ Na mimbaal skiyan sa badas ah tali na piyaka awa iayan skiran langaon agu piyaka liyo niyan skiran sa sambayangan, agu so mga kambing agu sapi. agu mengi itog iyan so perak oh pamamasa agu liyayang iyan so lamisaan. ¹⁶ Pitaru iyan ko di dadagang sa marapatik, "Eh ada iyo saya ah mga gamit aya. upai niyo mbaal ah padian ah darpa oh Ama ak'n." ¹⁷ Kiyatukawan oh mga sugosugosn iyan ah pkisurat, "Matilak ah walay nga aya dadayaan ako ron." ¹⁸ Kumapasad na miyunot so adn ah katadu iyan sa Judio, pitharo rkiyan, "Antunay tndo ah phaki ilay nga rkami kagya siwa ka ah galb'k aya?" ¹⁹ Sumimbag si Jesus, "Gbaan ah sambayanga aya, ago maka tlo gawi na pbaalan akn aya." ²⁰ Ago pitharo oh adn ah mga kadatu iyan sa Judio, "Rumiyaot sa patpulo ago n'm ragon sa kapmbaala sa sambayanga aya, ago giyaya eh pbaalan ka sa tlo gawi eh?" ²¹ Ugaid, skiyan eh ditharo ko sambayangan ko lawas iyan. ²² Ko mapasad gowani ko pakatindg'n skiyan ko kapatay, miyapikir oh mga sugosugoan iyan so pitharo iyan aya, na siran na sinimba iran sabap ko mga surat ago so mga di thatharo on eh Jesus. ²³ Samanan na skiyan na sa Jerusalem, si eh ko ulan ulan oh Paskwa, madak'l ah miyamaratayaya si ko ngaran iyan, ko maylay iran so siwa iyan ah mingi taralo ah tndo. ²⁴ Kagya da sarig eh Jesus rkiran kagya kilala niyan oh dina katwan iyan so kalangolangowan. ²⁵ Di niyan d'n kinanglan ah apiya antaon eh phangimnar rkiyan si eh ka kadaklan oh mbarambaranga ah mga tao, kagya katawan iyan antuna ah eh rkiran.