¹ Samanan, go katukawi eh Jesus a miyan'g oh mga Pariseo a skiyan eh tiyago ah tumanor ah pam'rigo a skaniyan kon eh madak'l eh sugu-suguan adi si Juan ² ( inunta na k'naba b's si Jesus eh tumatanor a pamrigo ka so mga sugu-suguan iyan), ³ inawaan iyan a ing'd a Judea ago gumiyanat kasung sa ing'd a Galilea. ⁴ Samanan kinanglan iyan ah phaka okit sa Samaria. ⁵ Na mayaka uma skiyan ko pagingedan sa Samaria na bithowan sa Sicar, marani ko tagoay ko lupa na mingibgay eh Jacob ah wata iyan si Jose. ⁶ Do doroo so balon eh Jacob. Miyalugat si Jesus si ko kap lalakaw niyan, ago miyuntod skiyan ko balon. Giyaya na khaoto dn ah alongan. ⁷ Sawaro ah Samaritana ah miyaka uma ka sg'b sa e'g ago pitharo eh Jesus rkiyan, "Bgiya konga sa apiya maito bo ah e'g ah kain'm." ⁸ Kagiya so mga sugosugoan iyan na miyawa na somiyung ko pagingdan ka pamasa siran sa kakan. ⁹ Ko mapasad na phitaro oh Samaritana rkiyan, "Inuoto ka ska, na sawaro ah Judio, na miyamangne rak'n, ah satiman ko Samaritana, ah kain'm?" Na so mga Judio na naba di makang ginawa eh ko mga samaritano. ¹⁰ Simbag iyan si Jesus, "oh tiyarima ka so Kadnan, "ago antaon ah di rkaon di tharo, 'Bgya akonga sa ka en'm,' ska uto eh phaka pamangne ron, ago mingibgay niyan skiyan so e'g ah bibiyag." ¹¹ Sumimbag so babay, "Datu, da tabo ka san ka madal'm ah balon. Anda kano kowa sa e'g ah bibiyag? ¹² Knaba ka lawan ah mapasang ko ama ame ah si Jacob, miya ilay nga, ah bigay rkame sa balon, ago minen'm skiya puon saya, na so pn so mga wata iyan ago so mga sape iyan?" ¹³ Mitharo si Jesus, "Sa d'n sa umani men'm sa maito aya ah e'g na ka waw, ¹⁴ Na sa dn sa men'm sa maito aya ah e'g ah ebgay akn non na den skaniyan waw taman sa taman. na kagya, So eg ah emgay akn non na pmbaloy ah barakat ah e'g ago ka kwa niyan so niyawa ah da ah kapatay." ¹⁵ So pitharo rkiyan oh babay, "Datu, bgya konga sa e'g aya on di ako dn ka waw ago di ako dn saya song ago di ako dn phaka sagn sa e'g." ¹⁶ So petharo eh Jesus rkiyan, "Baling ka, tawaganga so karumang ka, ago kasoy ka saya. " ¹⁷ Sumembag so babay, petharo iyannon, " Da karuma akn." Sumembag si Jesus, "Mapya ka prtharo ka, 'da karuma akn, ' ¹⁸ Kagya kiyalimaang ka dn sa karumma ago giya pn ka anan samanan na nabanga karuma. Na mapiya ka meya tharo ka." ¹⁹ So petharo rkiyan oh babay, "Datu, miya ilay akn na ska na propeta. ²⁰ Saya sa palaw aya sumiyamba so mga apo apoan ame, kagya di nga di tharoon na giya Jerusalem ago pagingdan na mga tao na ro siran psamba." ²¹ Sumimbag si Jesus rkiyan, "Babay, pangimnar ako nga, kauma bo so oras ah sambaan niyo so ama sa palaw aya o sa Jerusalem. ²² Psambaan niyo so di nyo katawan. Katawan ame so psambaan ame, ka so kamapyaan na poun sa Judio. ²³ Kagya kaoma bo so oras, na kataya dn, ah titho ah psamba ago psambaan niran so ama oh malaikat ago so bnar, na kagya so ama na dinggilay sa mga lagid uto ah tao ah samba rkiyan. ²⁴ So kadnan na malaikat skiyan, ago so mga tao ah psamba rkiyan na samba skiran ko malaikat ago ko bnar." ²⁵ Ago pitharo rkiyan oh babay, "Katawan akn dn eh Mesias ah phakauma (so bithowan sa Cristo). Amay ka maka uma skiyan, ptharoon niyan so langolangwan rkami." ²⁶ Pitharo eh Jesus rkiyan, "Sak'n so di rka si tharo, na skaniyan." ²⁷ Ko maka mlpas uto kumiyasoy so mga sugosugoan iyan. Samanan skiran na pam'msa inu anan skiyan di makambitiyara eh sa babay. Kagya da ah mitharo, "Tunay kabayaaka?" oh "Inuka di makimbitiyara rkaniyan?" ²⁸ Na mingibagak oh babay so taguay niyan sa e'g. Kumiyasoy ko pagingdan, ago pitharo ko mga tao, ²⁹ " Sayaka noman ilaya niyo ah mama aya ah ditharo sa langon ah mga siwa akn. Di kapakay ah skaniyan si Cristo, mangaday kapakay? " ³⁰ Miyamliyo siran ko pagingdan, ago miyamsong rkaniyan. ³¹ Ogaid na di skiyan di panaroan oh mga sugosugoan iyan, pitharo, "Rabi, kangka. " ³² Kagya pitharo iyan rkiyan, "Adn ah pangnengk'n akn ah di niyo katukawan." ³³ Na pitharo oh mga sugosugoan umani isa rkiran, "Da miyawid rkaniyan sa apiantunaa ah kakan, adn?" ³⁴ Pitharo rkaniyan eh Jesus, "So pangnengk'n akn isuwa na mapya ko pagwit rak'n non, ago ko mapasad so galb'k iyan. ³⁵ Ino ah adn ah diniyo di tharoon, 'Adn pn ah pat ulan ago ko mapasad na kauma so kapragon'? Pitharo akn rkano, ilaya niyo ago simaan niyo ah mga palaw aya, kagya so mga rkano na piyangalolotoan na kapakay dn ah ragon'n! ³⁶ So mga pamragon na phakakowa sa bayad na so mga unga na timoon ko niyawa ah da tamanan iyan, na kapakay so mga di mamamolaan ago so di mraragon na kapakay siran ah timo on siran maka kanduri. ³⁷ Kagya saya na bnar so mga pananaroon 'Satiman ah di mamamolaan, ago salakao adn so pamraragon.' ³⁸ siyugo akn skano on niyo maragon knaba skano eh menggalb'k. Salakaw eh minggalb'k ago skano na miya p'd rkiran ah minggalb'k." ³⁹ Madak'l ko mga Samaritano sa pagingdan uto na so mga psamba rkaniyan kagya so di tharoon oh babay na adn ah kabnar, "Pitharo iyan raki langon so mga miyang galb'k akn." ⁴⁰ Ko maka oma so mga Samaritano rkaniyan," pitharo iyan rkaniyan na saya kabo pasen rkiran, ago skaniyan na gomen'k skiyan ko miyaka duwa kawi eh. ⁴¹ Ago madak'l p'n ah psamba puon ko mga ⁴² pitharo iyan. Pitharo iran ko babay, "Skami na phangimnar, knaba puon ko mga di niyo ni thataroon, ago katawan ami na bnar skaniyan ah pthamaka tabang sa dunya." ⁴³ Ko maka l'pas so duwa gawi eh uto, lumipas skiyan puon ro oh sung sa Galilea. ⁴⁴ Kagya si Jesus eh metharo ko mga propeta na da kaduan iyan ko rkaniyan ah pagingdan. ⁴⁵ Ko maka uma skaniyan sa Galilea. Miya ilay iran so kalangolangowan so siwa iran sa Jerusalem ago ko kalilimod, kagya siran na sumiyung ko kalilimod. ⁴⁶ Imanto na miyaka uma pharuman skaniyan sa Cana ko sa Galilea, ko eng'd ah pimbaloy niyan ah paka br'g so pangingin'm so e'g. Adn ah satiman ah mapya ah tao ah datu ah wata ah mama ah sa Capernaum na adn ah sakit iyan. ⁴⁷ Ko makin'g iyan na si Jesus na miyaka uma sa Galilea puon sa Judea, sumiyung skaniyan ki Jesus ago pitharo iyan non on sumong ago paka bag'r aniyan so wata iyan, ah marani dn ko kapatay. ⁴⁸ Ago pitharo eh Jesus rkiyan, " Di tabya na aya niyo kailay na so mga tndo ago so mga pikaka bibilib ah siwa, di kano maka phangimnar." ⁴⁹ Pitharo rkaniyan oh mapuro, "Datu, saya ka unut ko sa ongaka matay ko wata akn." ⁵⁰ Pitharo rkiyan eh Jesus, Tind'g ka, kaoyag so wata aka."So mama na miyangimnar ko pitharo eh Jesus rkiyan, na mingi dayun iyan so kuris. ⁵¹ Ko kap'mbaba iyan, inalaw skaniyan oh mga sugosugoan iyan, ah di tharo sa bibiyag so wata iyan. ⁵² Na minisa skiyan rkiyan oh antunay ah eh oras ah puon ah kiyapaka bag'r iyan. Sumimbag siran rkiran, "mauto ko mga alawna na miyada so di niyan di ka khayaw." ⁵³ Na miya peker oh ama uto na giyuto mambo so oras pitharo rkiyan eh Jesus, "Miya oyag so wata aka. "Na skaniyan ago so ka langolangowan sumiyamba. ⁵⁴ giyaya eh ikaduwa ah tndo ah siwa eh Jesus puon ko mawa skiyan sa Judea ah pkatandang sa Galilea.