¹ Njileka vuchili muli Kilistu. Kunje ku kuitha, na mana ange apua vukaleho nange muli Spilitu ua kujela ² nga chije njili na vuthiua vua kama na kuvavala chije ku che kuhua mu mbunge yange. ³ Mukonda ange vavenia njine kuyonguele nguange vanji thinge naku nji tunditha kuli Kilistu mukonda lia va munanana, va vushoko vuange vaha nthitu. ⁴ Vakevo vana va Isaleli. Kupuitha vuna china pu chavo, vumpahu, litavathano, ma vuana a mashiko, vipanga via mutembele, naku thseleletha. ⁵ Vavo ko vakuku yavo vaje hali vakevo Kilistu uezhile na kathingimiko ku nthitu _uje ikeye Kalunga ua viuma vioshe. Vamu shangalethe miaka yoshe. Amen. ⁶ Vuno honi kuvia puile ngue liji lia Kalunga lina hono. Mukonda keti nkala uoshe ali mu Isaleli nguavo ka Isaleli mpundu. ⁷ Ndi nguavo vana va Avilahama voshe va pua vana vendi mpundu. Vunoni, "Kuhitila muli Isaka mukemuo vana veni vava tumbula vana va Avilahama" ⁸ Ngachije, vana va nthitu keti vana va Kalunga. Vunoni vana va litavathano vava tumbula mbuto. ⁹ Mukonda eli likelio liji lia litavathano: "Hanthimbu ino nji keja, amba njika hana munike ua mumala kuli Sala." ¹⁰ Keti evi lika, vunoni kunima Lembeka nendi omo na liuana na mumala umo, tata yetu Isaka_ ¹¹ Omuo vana te kanda va chi va theme, te kanda va pange viuma via chili nambe via ku viha, kulingila chiyongola cha Kalunga linga chima ne, keti mukonda lia vipanga, vunoni mukonda lia uje muka ku thana _ ¹² Vavi handekele kuli ikeye, "Ua mukuluntu aka pangela ua nthsongo." ¹³ Ngue omo muva na thono: "Yakomba nja yonguele, vunoni Yesau nja zhindile." ¹⁴ Vika lalo tuka handeka? Kuli Kalunga kua kala kuhengetha ndi? Keti vikale ko. ¹⁵ Mua handeka na Mosesa, "Nji kovuila ngozhi uje inji kovuila ngozhi, amba njika tetela uje inji ka tetela." ¹⁶ Ngocho vene, keti ngue mukonda lia uje a yongola, ndi mukonda lia uje mukua ku shatuka, vunoni mukonda lia Kalunga, muka kumuetha ngozhi. ¹⁷ Vithoneka via handeka kuli Falao, "Omuo lia chiyongola echi njaku katuile, linga njilekethe nzhili yange muli ove, amba kulingila lizhina liange va liambulule ku vifuti vioshe." ¹⁸ Keho, Kalunga ua kala na ngozhi kuli uje uoshe uva na iyonguela, amba kuli uje uva na yonguela vukalu, veku muhana vukalu. ¹⁹ Muka handeka honi nange, "Mukonda vika kanda vatu uana mashevu? Omuo iya uatha kuimana chizhango chendi?" ²⁰ Kutunditha ko ovio, muntu, yove iya ueku kumbulula muku liluitha na Kalunga? Kuatha chije chiva vumba chi kuanie na muka ku chi vumba, "Vika vanji pangela mu chifua echi?" ²¹ Muka kushonga vuma kakele na mpoko ku vuma muku pangetha vuma ovuo vene a pange chitenga cha ku pangethetha viuma via kathingimiko, na chitenga cha ku pangethetha viuma via mazhilo. ²² Vati nga Kalunga, uje a yongola kuleketha vukalu vuendi amba naku tshimanetha nzhili yendi, kakatela na nzhili ya yingi ya ngozhi vitenga via vukalu viva vuahethela kunongetha? ²³ Vati nga uavi pangelele a lekethe vu fufuko vua vumpahu vuendi mu vitenga via ngozhi, vije via vuahethele via vumpahu? ²⁴ Vati nga uavi pangelele yetu, vaje lalo va thana, keti ngue hakati ka vaYundeya lika, vunoni namu vakua mafuti navo? ^{25 26} Ngue mua kuaniene lalo muli Hoseya: "Njika thana vantu vange vaje kuva puile vantu vange, nava kua chilemo chendi vaje kuva puile vakua chilemo. Keho vika kala nguavo vaje hava kuania kuli vakevo; keti mu vantu vange; haje vaka va thana vana va Kalunga ua kuyoya." ²⁷ Isaya ua lilile kutuala kuli Isaleli, "Nambe omuo muya kele nomola ya vana va Isaleli ya fuile ngue livu lia ku Lifuta, chika kala nguavo vaka kuli thupaho vakevo va kovoka, ²⁸ mukonda Kalunga aka puithilila mo vihandeka viendi hano hanthi na malanga ahi." ²⁹ Ngue kapolofeto Isaya ua kuaniene ku nthimbu ya kunima, "Nga Kalunga uavi mbunga katu thile va tekuluila vendi, nga tuna lifu ngue Sandoma, amba nga tuna kala ngue Ngomola." ³⁰ Vika tuka kuania lalo? Nguetu vaka mafuti, vaje kuva tondele vuchili, va uanene vu chili, vu chili haku thselela. ³¹ Vunoni, Isaleli, uje ua tondele vuchili vua mashiko, kuva heteleko ku mashiko. ³² Muomu lia vika? Mukonda kuva a tondele na luthselelo, vunoni ngue nguavo mu vipanga. Va liatele ha livue lia ku punduka, ³³ ngue omo muva thona, "Tala, nji haka mu Siono livue lia ku punduka amba livue lia milonga. Uje uoshe a tava muli likelio ka kevu nshuama."