¹ Omo yetu tunathambua muku thselela, tuli na civovo na Kalunga muli Muene uetu Yesu Kilistu. ² Muli yikeye mukemo tuna uana vukovelelo muku thselela munkeke yino yituli nayo, na kuvuahelela mu lukulahelo lua vumpahu vua Kalunga. ³ Keti ovio lika, vuno tu litumba mu tuyando tuetu. Tunezhiva nguetu tuyando tuekuneha kukaniama. ⁴ Vuno hani kukaniama kuekuneha kukola mumbunge, vuno kukola mumbunge kuekuneha kuthselela, ⁵ mba kuthselela kukue kuneha ntiuama mokonda ngozhi ya Kalunga uayi shuhuila muzhimbunge zhetu kuchiti muli sipilitu ya ku jela yije yiva tu hanene. ⁶ Mukonda mutua kele te kanda kutuethi nanzhili, hanthsimbu yacili Kilistu ua thsililile vaje keti vaKalunga. ⁷ Mukonda keti via viathi kuthsila muntu muka vuchili, nambe hamo kuali umo alikuminia kutsila muntu muka vuchili. ⁸ Vuno Kalunga ua muethele ngozhi yendi kuli yetu, mukonda etu te kanda tuva ka vuvi, Kilistu mukemo muatu thsililile. ⁹ Navua-navua, keho, ngeci natu thambuetha na maninga endi, a ka tuamena ku vukalu vua Kalunga. ¹⁰ Kunima ya nthsimbu tua kele tuvaka nkole. Tuali hambele na Kalunga kuhitila mukuthsa kua mona. Keho muvanatu uaneketha na Kalunga vaka tuamena n vuyoye vuendi. ¹¹ Vuno keti evi lika, vunoni tueku jolela muli Kalunga kuhitila muli muene uetu Yesu Kilistu, kuhitila muli ou yotu zhivuka na uana kulihamba echi. ¹² Keho hani, omu lia muntu umo vupi vuezhile hanthsi, keho mungila eyi kuthsa kuezhile kuhitila muvupi. Na kuthsa kua yile kuvantu, mukonda voshe vavihithile. ¹³ Noho mashiko, vupi vuakele hanthsi, keho mulonga kove ku utandela muntu nga mashiko ahiko. ¹⁴ Nambe ngocho, kuthsa kuatunda kuli Andama kate kuli Mosesa, na ku vaje voshe kova lingile mulonga ngue mulonga ua Andama ua kele chimuetho chou a keja. ¹⁵ Vuno hani vuana kupu ngue ku vihitha. Mu kuvihitha kua umo muathsile vavengi, viuma vingahi yina tupangela ngozhi ya Kalunga na vuana kuhitila ha kavumbi ka muntu umo. Yesu Kilistu ua uaneketha vavengi. ¹⁶ Na vuana keti lukulu lua kuvihitha kua muntu uje umolika. Kupangula kuashuamene mulonga umo na kuneha kashitiko, vun honi vuana vua shuamene vaka milonga vavengi na kuneha kuthambua. ¹⁷ Nga honi, mulonga ua umo, kuthsa keuthile kuhitila mu umo, vuingi vua kupua kuiko vuo ve ku uana mu vuingi vua ngozhi na vuana na vuchili vu kale mu vuyoye vueni kuhitila mu umo, Yesu Kilistu. ¹⁸ Keho honi, mulonga ua umo ua nehelele kashitiko ku vantu voshe, ngocho vuchili vua muli umo mue thile kuthambua na muono ua vantu voshe. ¹⁹ Vuno mu ku jeneka kuvua kua umo vavengi va va hakethele mu milonga, Nambe ngocho kuhitila mu ku likonkeka kua umo va vengi vava puithile va ka vuchili. ²⁰ Vuno honi mashiko ethile mu kuilanetha vaka milonga. Vuno oku kua kala milonga ya yingi, na ngothi ya yingi ku tuvakana kukeko koya kala. ²¹ Evi via lingiuile mukonda, mulonga ua tua lethele kuku thsa, nambe ngocho ngothi yethile kuhitila mu vuchili vua ku muono ua miaka yoshe, yayaye kuhitila muli Muene uetu Yesu Kilistu.