¹ Keho Yesu, uaxulile nampundthi ya kulela mukutunda kundonga ya Yolondau, mukemo mpundthi ya cili ya mutualele mu mpambo, ² muje muaka muethekele Satana makumi auana amatangua matangua aje kalile navimo viahi, keho uovuile njala. ³ Satana ua muleke nguendi, "Ambe umuna Kalunga, shika mavue aa apue mbolo." ⁴ Yesu ua mutavele nguendi, "Vanathono nguavo, 'muntu kekuovoka kumbolo lika." ⁵ Keho haje vene Satana ua mutualele ha mukinia na kumuleketha vumuene vua hanthi. ⁶ Satana ua mulekele nguendi, "njika kuhana vuangana ovu na vumpahu vuavo vuoxe, mukonda vana njihanavuo, keho njivihana ku nkala uoxe anjiyongola. ⁷ Keho ambe anji thsikamena, ⁸ Vunoni yesu ua mutavele nguendi, vana thona nguavo, ''Uka thsikamena kalunga muene, uove lika nakumupangela.'' ⁹ Keho thatana ua tualele yesu ku Jerusalema nakumuhaka kuilu kuilu lia kantjongua katembele yakutunga, nakumuleka nguendi, ''Amba umuna kalunga, liumbile hantsi. ¹⁰ Mukonda vana thona, 'Aka tuma tungelo kuli yove, vakuniunge,' ¹¹ Keho, 'Vaka kuambata mumavoka avo, linga keci uka punduke muandja uove kulivue.''' ¹² Mukutavako, yesu ua handekele nguendi, ''Vana handeka nguavo, 'Keci uetheke muene ndjambi yove. ¹³ ''Muamanene thatana kuetheka yesu, ua tundileko na kuteua noho nthsimbu yayo. ¹⁴ Keho yesu ua hilukile ku ngalileyana ndzili ya mpundzi ya cili, keho muthimbu uendi ua lilanethele na handjalia cifuti. ¹⁵ Keho ua tamekele kuambulula muvi thinangonga na voxe vamuxangalele. ¹⁶ Uethile na kukovela munazaleta, muje muva mu lelelele, keho, kutuala hanthsenkulu, ua kovelele muthinangonga mulitangua lia sapalalo keho uamanene nakutambeka mukutanda. ¹⁷ Lihangununo lia mukanda ua kapolofeto Isaya vamuhanenelio. ua fukuile lihangununo nakutala kuje kuva thonene nguavo, ¹⁸ ''Mpunthzi yacili ya muene kalunga yili hali yange, mukonda ua ndjivuavuethele mukuambulula muthimbu ua cili kuvi hutu. Nandjitumu kuambulula kuthitula ca vaka tumenga na kukangula ca tupuputua, kuthitula vaje vavana yandetha, ¹⁹ Kuambulula muaka ua vucili vua muene.'' ²⁰ Keho ua thengele lihangununo, ualihanene kuvantu vaje vakeleho, keho ua tumamene. Mesho a voxe vakele muthinangonga atalele kuli ikeye. ²¹ Ua tamekele kuhandeka nayo nguendi, ''Mathona aa lelo anapumo linga mu a tolile.'' ²² Nkala uoxe haje ua handekele viacili kutuala kuli ikeye nakukomoka vinguli vije via tundile mukanua kendi, keho valihuile nguavo, ''Ou nkuma keci muna yosefe?'' ²³ Ua va lekele nguendi, ''Muvucili cili muka ndjitela cithimo eci ngueni, 'Ndotolo, lithake ove vavenia. vioxe vituovuile vi ua pangele mu Kapenama, vilinge namuno muimbo liove.''' ²⁴ Vuno honi ua handekele nguendi, ''Cili ndjimileka, kapolofeto naumo uahi uva tambulamuimbo liendi vavenia.'' ²⁵ Vuno honi ndjimileka ngeci nguange kua kele vintuluue vavengi mu Isaleli kunthsimbu ya Elia, ha lia lixokele lilu hamiaka itatu na vingonde vitanu na imo na ndjala yakama yethile hanthsi hoxe. ²⁶ Vuno Elia kuva mutumine na kumo kua kuvantu ava kuahi, vunoni kuli ntuluue ua kutunga muzepandone kuzalepati. ²⁷ Kunthsimbu ya kapolofeto Elisha, mu isaleli muakele vaka vikekavavengi, vunoni naumo uahi uva tokethele kuvanga lika namane muka silia.'' ²⁸ Vantu voxe vakele muthinangonga va kele navukalu mukuvua vihandeka via yesu. ²⁹ Vakatukile naku mutuhula handja lia limbo, nakumukanduitha kuilu lia mukinia kuje kuva tungilile mbongi yavo, linga vamuaxele hanthsi. ³⁰ Vunoni ua hitile mukati kavo nakuya kuakuo. ³¹ Keho ua ile kukapenama, limbo liamu ngalileya, mukemo muatamekele kuvalongetha musapalalo. ³² Vakomokele kulongetha kuendi, mukonda ua kuaniene na nthzili. ³³ Keho muthinangonga mua kele liala ua mpunthzi ya ndemone ua kuviha, keho ua lilile na lijui lia kama, ³⁴ ''Na! Vati tukupanga ove yesu ua Nathaleta? Uneja mukutu thsihia ndi? Ndjina kuthivuka ua lela ua Kalunga!'' ³⁵ Yesu ua vianene ndemone na kukuania nguendi, ''Keci uhandeke! Tundenimo!'' Keho ndemoni ha uithilile liala uje mukati kavo, ua tuhukilemo, nevi via mupangele via kuvihia viahi. ³⁶ Vantu voxe valikomokelele, keho vaya nakuvihandeka kuumo namukuavo. Keho nguavo, ''Vihandeka muka vije? Endi kukuaniana vimpunthzi via kuvihia na nthzili keho vatundamo.'' ³⁷ Keho muthimbu uendi ua xangumukile kuya muaya vantu ³⁸ Keho Yesu ua tundile ku thinangonga na kukovela muimbo lia Simoni. Vainamueno ya Simoni vakele na lithikathika, keho va mulambelele. ³⁹ Keho ua katukile, ua mukambekele livoko liendi na lithikathika lia mutundile. ⁴⁰ Te litangua likakovela, vantu va nehelele Yesu vantu vaka kuvavala mavedhi aku lithaatha. Ua vakambekele mavoko na kuvakanguitha. ⁴¹ Vandemone ua vatundithile cingi ca vantu nakulila nguavo, "Ove umuna Kalunga!" Yesu ua vavindikile kuhandeka, mukonda vamuidthivile ngavo ikeye muna Kilistu. ⁴² Kumutania, Yesu ua yile kuli kaliendi. Vimbunga via vantu via muthetelele na kuija kuje kuakele. Va mutatelele linga keti avathe. ⁴³ Vunoni ua kuaniene nguendi, "Njina pandele kuambulula mudthimbu ua vuangana vua Kalunga na kumembo akuavo co, mukonda eci cikeco citela cova njitumina hano." ⁴⁴ Keho ua ile na kuambulula mu vithinangonga via mu Yundea muoxe.