¹ Kumiaka likumi naitanu mu vumuene vua Timbelius caesar- okuno Pontius pilate uakele nguvulu ua yundeya, Helonde, ua kele lihata, lia Ngalileya, shongo yendi, Filipu, lihata lia Atuleya na Talakoniti lisanya uakele lihata lia Ambilene. ² Hanthimbu ya vusasendote vua Anase. Keyifasi muthzimbu uacili uethile kuli yoano muna Zakaliya kumpambo. ³ Keho uendanganene kucifuti coshe cakulihatana. Yolondau nakuambulula kumbuitika cakumuetha kutenguluka kumbunge nakuecela kumilonga. ⁴ Ngue muvathona mumukanda uamajui akapolofeto, Isaya , nguendi lijui lia mukakutombeka mumpambo vivahetheni ngila yamuene visungametheni vilinga viendi. ⁵ Vimbongo vioxe vaviofuele mikinia yoxe namalundu oxe vavinyekamethe nevi viakuhenga vavisungamethe navingila viahamikinia vinyekame. ⁶ Nkala muntu aka uane kuovoka kuli Kalunga. ⁷ Keho Yoano uakele nambunga yethile kuli ikeye. Nguavo ava mbuitike, uavalekele nguendi eni mumbuto yamanoka ija nakumitangula linga muteue vukalu ovuo vukeja, ⁸ Ngoco vene vushuka vuna fuilana, mbunge, yakutenguluka kati mulivange kuli leka mumbunge vieni ngueni etu tuli natatetu Avilahama. Vunoni ndjimileketha nguange kalunga atha kutangula vana va Avilahama kumavue ano. ⁹ Keho honi ngoco ngimbu vana ihaka laja kumithi ya citi keho citi coxe kocimi vuxuka vuacili vaka citeta nakucumbila mutuhia. ¹⁰ Mbunga yamuihuile nguavo etu vika tuka linga, ¹¹ uavalimbulula nguendi vahandekele nguavo ngauli navikovelo vivali keho hanako uje kethi navio nou ali navia kulia nendi lalo alinge mukemo, ¹² Vakamilambu navo lalo nguavo linga ava mbuitike. Keho vahandekele nendi nguavo, ''Mulongisi, etu tuka linga vika?'' ¹³ Keho ualekele nguendi, ''Keti muka tambule viakutuvakanetha, ovioviva kutuma, vunoni, yuakalinge ngue omo vaku tuma.'' ¹⁴ Nalisualale, nendi na lalo uamuihuile nguendi vati co etu? Uahandekele nendi nguendi, keti ukatambule vimbongo via nkala umo kundhili. Umbalalo keti muka vangeye nkala ou ndi uka kuithe viukililafueto yove. ¹⁵ Keho omo vantu vakele nakutalela nakuthinganyeka muvimbunge viavo nguavo ikeye kilistu nkuma co Yoano. ¹⁶ Keho Yoano uavalekele voxe nguendi, ange ndjimi mbatiza mumema vuno honi, kunima yange kukeja ou uandjituvakana yange nambe yange kondjatha kuvutula vinkuaku viendi umbalalo ikeye akamimbuitika mumpunthi ya Kalunga na mutuhia. ¹⁷ Nceua yendi yili mulivoko liendi liakupekula nalio muacili hacijunguilo cendi nakulonga. Tiliku mu cete cendi, vuno honi mujungu au tsimika natuhia katue kuthima. ¹⁸ Ngoco vene majui ao na ao uambuluile mudthimbu uacili ku vantu vaje. ¹⁹ Keho honi muene Helonde uehuile mukentu ua munaina Filipu Helondeyas nomo honi vapangele viuma via kuviha na Helonde. ²⁰ Keho ua lingileko vikuavo lalo, uaxokethele Yoano mukamenga. ²¹ Keho muje uambuitikile vantu voxe hamo na Yesu nendi ua limbuitikile. Keho honi Yesu ua lombele kuli ishe Kalunga. ²² Keho lilu lia xokolokele, na mpunthi ya xukulu Kalunga ya xulukile hali ikeye mucifua ca nkuti keho lijui lia tundile muilu ngualio yove munange, injayongola. ua njiya kumbunge." ²³ Keho Yesu ua tamekele vipanga viendi, endi te napuitha makumi atatu amiaka yendi. Yesu uapuile ngue muna Josefe mu vithinganieka via vantu na Josefe muna Heli, ²⁴ muna ua Matthat, Matthit muna ua Levi, Levi muna ua Melchi Melchi muna ua Jannai, Jannai muna ua Josefe. ²⁵ Josefe muna ua Mattathias Mattathias muna ua Amose Amose muna ua Nahumi Nahumi muna ua Esli Esli muna ua Naggai, ²⁶ muna ua Maath Maath muna ua Mattathias Mattathias muna ua Semenei Semenei muna ua Josech Josech muna ua Joda. ²⁷ Joda muna ua Joanan, Joanan muna ua Rhesa Rhesa muna ua Zerubbabel Zerubbabel muna ua Salathiel Salathiel muna ua Neri, ²⁸ Neri muna ua Melchi, Melchi muna ua Addi Addi muna ua Cosam Cosam muna ua Elmadam Elmadam muna ua Er. Er muna ua Joshua ²⁹ Joshua muna Eiezer Eliezer muna ua Joorim Jorim muna ua Matthat Matthat muna ua Levi. ³⁰ Levi muna ua Simeoni Simeon muna ua Yunda Yunda muna ua Josefe Josefe muna ua Jonam JOnam kuna ua Eliakimi Eliakimi muna ua Melea ³¹ Melea muna ua Menna Menna muna ua Mattatha Mattatha muna ua Nathan Nathan muna ua Ndaviti, ³² Ndaviti muna ua Njese Njese muna ua Obed Obed muna ua Mboazi Mboazi muna ua Salomoni Salomoni muna ua Nahshoni. ³³ Nahshoni muna ua Amminandave Amminandave muna ua Andimini Andimini muna ua Arni, Arni muna ua Hezolone, Hezolone muna ua Pelezi Pelezi muna ua Yunda, ³⁴ muna ua Yakomba muna ua Isaake muna Avilahama muna ua Tela muna ua Naholi, ³⁵ muna ua Serug muna ua Reu muna ua Pelengi muna ua Embele muna Shelah. ³⁶ Shelah muna ua Cainan muna ua Arphaxandi muna ua Sheme muna ua Noah muna ua Lameki, ³⁷ muna ua Methusela muna ua Enoke muna ua Jared muna ua Mahalaleela muna ua Cainan, ³⁸ muna ua Enosi muna ua Sethi muna ua Andama muna ua shukulu Kalunga.