1
Kumatangua aje, kuethile nguavo kuli Sezale Angustu uatumine mashiko nguavo vatande vantu voxe vakala mucifuti.
2
Oku kuakele kutanda kuaku livanga omuo kiliniu ua kele nguvulu ua Asilia.
3
Keho nkala umo uayile ku cifuti cendi vaka muthone ku mathona.
4
Josefe nendi ua ile ku Ngalilea, kuimbo lia kama lia Nazareta, Kujundeya kuimbo lia kama lia Ndaviti, livatumbula Mbetelema, mukonda nendi ua kele muka limbo na vvuxoko vua Ndaviti.
5
Nendi ua ile kumathona na Malia, uje ualamene kuli yendi omo yikeye na kulitha.
6
Ngechi kuethile nthimbu hanthimbu oyo yaco yayindende navo hovali, nthimbu yethile kuliendi ua lilelukile kambututu.
7
Ua lilelukile mona ua liala, mona ua mbeli, Ua muthzengelele hantanga ya laha ua mulangekele mu likungu, mukonda ku kuakele njivo ya kutulila.
8
Kuakele tuniungi, mucifuti cije vakevo vakele mumuthenge, vaniungile vimuna viavo kuvuthsiki.
9
Kanngelo ua Kalunga uajombolokele kuli vakevo, na vumpahu vua muene vua vatuililile hali vakevo, Vakelele na liova lia kama-kama.
10
Ngoco kangelo uakuaniene navo, "Keti muvue liova, mukonda njina minehela mudthimbu ua cili ou uminehela kujolela kuakama kuvantu voxe.
11
Lelo vana mivembela muovole muimbo lia Ndaviti! Ikeye Kilistu muene!
12
Eci cikeco cileketho cova kamihana yeni: Mukauana mbututu ivana thengela hantanga na ndanda mulikungu lia vingombe.''
13
Haje vene vakele hamo na kangelo nambunga yakama ya muilu, vaxangalele Kalunga na kukuania,
14
"Vumpahu kuli Kalunga ua kuilu kuilu, na ciyulo cikale hanthi hakati kavantu vaje vamuya kumbunge."
15
Nthimbu yedthile omo tungelo vanai laja muilu, tuniungi va lilekele umo namukuavo, "Tuyne honi ku Mbetelema tukamone evi vina jomboloka, vije viana tujomboluela muene kuli yetu."
16
Vadthambuile vaka uane Malia, Josefe, na kambututu, uje ua ndandele mu likungu.
17
Te vana mono laja, vajomboluele vije vio vakuaniene via munike ou.
18
Voxe va viuvuile vakomokele kuli evi vio vakuaniene tuniungi.
19
Vuno Malia ua thinganiekele kuli evi viuma vioxe viovuile, ua vihakele mumbunge yendi.
20
Tuniungi va hilukilemo, Vadthumbokele na kuxangala Kalunga kuli evi vioxe vio vovuile na kumona, ngue muva vikuaniene.
21
Mukumanetha kua matangua atanu na atatu, omo na lovoka, vamulukile Yesu lithina lia mulukile kangelo munthimbu kanda auile muimo.
22
Omo matangua apuilemo akutanda na kulitoketha ahitile, kutuala ha mashiko a Mosesa, va munehele ku tembele mu Jelusalema vaku mumuethe kuli muene.
23
Ngue omo mova athonene mashiko a muene, ''Nkala mumala ou ashokolola ntjivui vaka mukundika kuli muene''.
24
Mukemo vanehele vikombelo kutuala kuli vije viva handekele mumashiko a muene, ''Mavembe vavali vana vavinkuti vavali''.
25
Taleni, kuakele mumala mu Jelusalema ua lithina Simeon, ou mumala ua kele muka kuli kundika mu vucili. Ua thetelele kuthembeleka Isaleli, na mpundthi ya cili ya kele hali yendi.
26
Evi via jombolokele kuli yendi ha mpundthi yacili ije ya lingithile keti a mone kuthsa kulutue a mone kilistu muene.
27
Kutuamenena kua mpundthi, Simeon uethile mu tembele. Omo vakuluntu va nehele mbututu jesu, vamupangele kutuala kucilika ca mashiko,
28
Ua mutambuile mumavoko na kushangala kalunga, na kukuania nguendi,
29
"Mualolo ecela ndungo yove aye muciyulo, muene, kutuala mu lijui liove.
30
Mexo ange anamono vuovoke vuange,
31
Vuje vua vuahethele kumexo avantu voxe.
32
Ceke ca kujomboluela vakavifuti na vumpahu kuvantu vove va Isaleli."
33
Ixe na vaina vakomokele viva kuaniene via kutiama kuli yendi.
34
Simeoni ua vavuavuethele na kukuania na vaina Malia, "Taleni, munike ou ivana hangula muka kuuitha na muka kuhindula kua vantu vavengi mu Isaleli na vimuetho viva naviana.
35
Na muele ukatuva muono uove linga vithinganieka via vimbunge viavingi vijomboloke.
36
Kapolofeto ua lidthina Anna nendi hakele. Mona ua mukentu Phanuele ua ludthi lua Asher. Ikeye te nakolo ku matangua endi. Uakele na mumala uendi miaka itanu na ivali tunde kuvumbanda vuendi,
37
Uakele ntuluue hamika makumi atanu na atatu na miaka iuana. Kethelele tembele ua pangele na kuthiliya na kulomba, vuthiki na mutania.
38
Hanthimbu ije vene mukentu uayile muhiehi navo na kuhana kaxangala Kalunga, na mukentu ua kuaniene via kutiama ku munike ku nkala umo uje uakele na kutumamena kuvatuka kua Jelusalema.
39
Omo vanamane vioxe va puithilemo kupanga kuxuama maxiko amuene, va hilukile ku Ngalileya, kuimbo lia Nazareta.
40
Munike ua kulile ua kele na ndthili, ku livuedthelele mu mana, na kavumbi ka Kalunga yakele nendi.
41
Nkala muaka vakuluntu vendi vaile ku Jelusalema ku ciuano ca passovala.
42
Muakele na miaka likumi na ivali, vayile lalo ku cilika kunthimbu yavo ya kuliuana.
43
Kunima vakele kupuithamo kua matangua acilika, Vahilukile kuimbo. Vunoni mukuendje Yesu ua thalele kunima mu Jelusalema na vakuluntu vendi kuva vidthivukile.
44
Va thinganiekele nguavo nendi hakele ha mbunga yovendele nayo, vendele litangua lioxe. Ngoco vatamekele kumuthetele hakati kava vuxoko na vakuavo.
45
Omo kuva muuanene, vahilukile ku Jelusalema na kutameka kumuthetela.
46
Viambatele ngue kunima ya matangua atatu vamu uanene mutembele, na tumama hakati kavalongishi, atolilila na kuvehula vihula.
47
Voxe va muvuile vakomokele kuvua kukumbulula kuendi.
48
Omo muva muene, va komokele. Vaina vakuanie nendi, "Munange, vika una vilingila ngeci kuli yetu mungila eyi? Tala, Ixo nange una tuhonetha kukuthetela.
49
Ua kuaniene navo, Vika muna njithetelela? Kumu dthivuka ngueni ange njili nakupanga vipanga via tata?
50
Vuno kuvovuithile vika via lombolokele majuiaje.
51
Keho ua hilukilemo navo kuimbo ku Nazaleta uava thingimikile. Va ina va vipunguile mumbunge vioxe via kuaniene.
52
Vuno Yesu ua xuenetheleko kukula mu mana na kucidtho, na kuvuethelela kavumbi ka Kalunga na vantu