¹ Vavengi vanetheka kuambulula viuma vije vina kupuamo mukati ketu. ² Mu vana vihiti kuli yetu vaje vakele vakulivanga vanapu thzimbangi,na vangamba va muthimbu. ³ Cinapu cacili kuli yange lalo, mukonda njinendetha vuino viuma vioxe mukutameka, mukuthona vuino mukuku thseleletha yove, uakathingimiko kakama Theophilus, ⁴ Linga nove uthivuke vimo kuviuma vivana longetha. ⁵ Hamatangua a Helonde muene ua Yundea kuakele umo Sasendote ua lithina Zakalia uaku limo lia Ambinjah; mukentu uendi Elizambeta nendi uakele umo uamuxovo ua Alone. ⁶ Voxe vakele vaka kusungama kumexo aKalunga. ⁷ Kovakele na munike mukonda uakele ncimi, voxe vakele vana kulupa kumatangua avo. ⁸ Keho nthimbu yahetele Zakalia uethile kumexo a Kalunga, mukupanga vipanga via vusasendote mungila ya vipnga viendi. ⁹ Kuxuama ku hanguithithi ya kukakulu ya kasasendote ou atha kupanga, vavengi vamuhanguile akovele mu tembele ya Kalunga athsimike vihemba. ¹⁰ Mbunga yoxe ya vantu valombele hanja hanthimbu ya kuthsimika vihemba. ¹¹ Keho kangelo ua Kalunga uamu jombolokelele na kuimana kumutambela ua cilio ca cintako ca vihemba. ¹² Muamanene Zakalia , uakele na vitanga, Na liova lia muuanene. ¹³ Vunoni kangelo ua kuaniene nendi, "keti uvue liova, Zakalia, mukonda kulomba kuove njina kuvu. Mukentu uove Elizambeta aka kuhana munike ua mumala. Uka muluka lithina liendi Yoano. ¹⁴ Uka jolela na kulithamba, na vavengi vaka jolela haku muthema kuendi. ¹⁵ Aka kala uakama kumexo a muene. Keti akanue via kuxaxa nambe via kukoluetha, keho aka xula na mpundhi tunde muimo lia vaina. ¹⁶ Cingi ca muxova ua Isaleli vaka uhiluitha kuli muene uavo Kalunga. ¹⁷ Akaya kumexo a Kalunga na mumpundthi na ndhili ya Elia, mukutengulula vimbunge viava ishe kuvana vavo navaka kathino kumana aku sungama linga vali vuahethele kuli Kalunga vantu vaje vavana mu vuahethela. ¹⁸ Zakalia ua kuanielne na kangelu, "Vati nji vithivuka evi? Ambe ange mumala ua kulupa na mukentu uange nakolo kumiaka." ¹⁹ Kangelo ua kumbuluile na kukuania nguendi," Yange Ngambiliyele, njinemana ku luholo lua Kalunga. Va njitumine nji kuanie nove, nji kunehele ou muthimbu uacili. ²⁰ Mualolo! uholoka kouatha kukuania, noho litangua olio viuma vina jomboloka. Evi mukonda koua tolilile kulijui liange, vije viva kapuithamo hanthimbu ya vucili." ²¹ Ngeci vantu va tatelele Zakalia. Vakomokele nguavo nakuata nthimbu yakama mu tembele. ²² Keho mua tuhukile hanja, ka kuaniene navo, Vavulukile nguavo ua muene cimona endi tee ali mu tembele. Ua kele na kuvaleketha na mavoko ua holokele kulu. ²³ Cethile omo matangua endi avipanga ahuile, ua ile kunjivo yendi. ²⁴ Kunima ya matangua aje, mukentu uendi Elizambeta uakele na limo lia vingonde vitatu ua lixuekele endi vavenia. Ua kuaniene nguendi, ²⁵ Muene nanji lingila evi omo muahetele matangua aje uanji talele muku njitunditha ncuama yange hakati kavantu." ²⁶ Kungonde ya mu citanu naimo, Kalunga ua tumine kangelo Ngambiliyele kulimbo lije lia Ngalilea lia kuluka Nazareta, ²⁷ Ku muna mukentu uvalamene uje kanda alimone na liala kuli mumala ua lithina Yosefe, muna Ndaviti, lithina lia muna mukentu uaco Malia. ²⁸ Keho ua kovelele kuli ikeye ua kuaniene nendi nguendi, "Hinduka, ove ua vethuka navua navua! Kalunga ali nove." una vethuka hakati kavakentu voxe. ²⁹ Keho camutangele kuliji olio na kukomoka nguendi vati namu hunduitha. ³⁰ Keho kangelo ua kuaniene nendi nguendi, "keti uvue liova, Malia, mukonda una uana kavumbi kuli Kalunga. ³¹ Tala uka kala nalimo uka thema munike ua mumala. Uka muluka lithina liendi "Yesu''. ³² Ikeye akakala uakama vaka muluka muna ua muka kutuvakana voxe. Keho Kalunga aka muhana cituamo ca vumuene vua ishe Ndaviti. ³³ Ikeye aka tumina njivo ya Yakomba kumiaka yoxe yayaye, navu muene vuendi vuka kala vua miaka yoxe''. ³⁴ Malia ua kuaniene kuli kangelo, vika kala vati angeco konja kele namumala? ³⁵ Keho kangelo ua kuaniene nguendi, ''Mpundhi yacili ikeja hali yove. Na ndhili yamuka kutuvakana voxe yika kufuika. Keho ou uaku jela uou kathema vaka muluka muna Kalunga. ³⁶ Tala, kavushoko kove Elizambeta nendi uakele nalimo te noku nakulupa. Eyi yikeyo ngonde yamu citanu na imo kuli ikeye, uje uova tumbuile ncimi. ³⁷ Mukonda viahi vika muhona Kalunga. ³⁸ Malia nguendi, "Tala, Ange nji ngamba ya Kalunga ua mukentu, Cifue ngue omo muunayi mudhimbu uove. Keho kangelu uayile. ³⁹ Keho matangua aje Malia ua yile vuathi ku cifuti caku mukinia, kulimbo lia Ngalilea. ⁴⁰ Keho ua yile kunjivo ya Zakaliya naku meneka Elizambeta. ⁴¹ Keho ca kele ngeci Elizambeta muovuile Malia neja oku mukumeneka, mbututu uakele muimo ua jombolokele, Na Elizambeta ua xulile na mpundthi ya cili. ⁴² Ua tambakanene na lijui lia kama, '' una vedhuka hakati kava kentu. Una vedhuka vushuka vua muimo liove. ⁴³ Mukonda vika, lingilila kuli yange nguavo vainaya muene uange veje kuli yange? ⁴⁴ Tala, lilji liove lia kama liaku meneka mulia hetele mu matui ange, Mbututu muimo liange ua jombokele na ku jolelela. ⁴⁵ Ua vedhuka mukentu uje uetavele nguendi viuma vioshe viamu lekethele Kalunga tangua vikapuamo. ⁴⁶ Malia nguendi, muono uange uku xangala muene Kalunga. ⁴⁷ Na mpudthi yange yacili ye kujolela muli muovole uange. ⁴⁸ Mukonda na mono cihindu cangamba yendi ua mukentu cacindende. Tala, tunde lelo ku memo oxe vaka njitumbula muka kuvedhika. ⁴⁹ Mokonda uoxe uje uakama napanga viuma via kama kuli yange na lidhina liendi lia lela. ⁵⁰ Na ngodhi yendi ya kala kala limo ku limo la voxe vaje vanjuvuila liova. Naleketha ndhili na livoko liendi; ⁵¹ Naxandola vaje voxe vilihalethele muvithinganyeka viamu vimbunge viavo. ⁵² Natunditha vana va dhimiene kuvi tuamo via vumuene ngeci na hakako vaje vavandende. ⁵³ Nekutitha vaka njala na viuma via cili vunoni nava fukula navathi mupulungua. ⁵⁴ Ua hanene va kuathi ku Isaleli kuli ndungo yendi vika mu vuluithe kumuetha ngodthi. ⁵⁵ (Mua handekele kuli tata) Kuli Avilahama na vuxoko vuendi nthimbu yoxe. ⁵⁶ Malia ua kele hamo na Elizambeta muvulaha vua dhingonde dhitatu mba ua hilukile kunjivo yendi. ⁵⁷ Keho nthimbu yahetele kuli Elizambeta linga asulumune mbututu, mukemuo mua munike ua mumala. ⁵⁸ Vaka mahalembo na vavuxoko vovuile nguavo Kalunga namumuetha ngodhi yendi yakama, mukemuo muva jolelele hamo nendi. ⁵⁹ Keho cakele ngeci ku litangua liamu citanu na atatu vedhile mukua kulovola munike. Handende vamu luke "Zakalia," muku hindula ixe. ⁶⁰ Vaina vakuanieneko nguavo, "kuahi. Vaka muluka Yoano," ⁶¹ Vahandekele kuli ikeye nguavo, "Uahiko umo mukati keni kava vuxoko uva luka lithina eli." ⁶² Valekethele vimuetho kuli ixe kutuala ngue omo muaviyonguele ikeye. ⁶³ Ixe ualombele citale cakuthona athone. "Lidthina liendi Yoano,"Voxe va komokele. ⁶⁴ Haje vene kanua kendi kaxokolokele na ndaka yendi ya vutukile. Ua handekele na kuxangala Kalunga. ⁶⁵ Liova liejile kuvantu vaje vova tungile navo. Namajui ano oxe athsimanene ku cifuti ca mikinia ca Yundeya. ⁶⁶ Keho voxe vovuile va niungile mudhimbunge dhavo, nguavo. munike ou akakala vati? mukonda livoko lia Kalunga lia kele nendi. ⁶⁷ Ixe Zakalia ua xulile na mpundthi yakujele, Ua handekele nguendi, ⁶⁸ Vixangala kuli muene Kalunga ua Isaleli, mukonda neje mukukuatha kehe nepuithemo kuovola vantu vendi. ⁶⁹ Natu kakuila mbinga ya vuovoke etu munjivo ya ndungo yendi Ndaviti. ⁷⁰ (Ngue mua handekele na kanua kavu polofeto vuendi vuakulela tunde kunthenkulu). ⁷¹ Vuovoke kuli vakua nkole na kulivoko lia vaka kutudthinda. ⁷² Aka cilinga mukumutha ngodthi kuli vatata yetu naku vuluka litavathano liendi lia kujela, ⁷³ Liva thselelethele kuli tata yetu Avilahama. ⁷⁴ Ku tufungila yetu kuovoka kulivoko lia vaka nkole yetu, linga tu mupangele na liova liahi. ⁷⁵ Mukujela namu vucili ku mexo endi matangua etu oxe. ⁷⁶ Mukemo, nove vene munange va kakutumbula kapolofeto ua muka vukama kutuvakana vioxe. Mukonda yove ukalakala kulutue ku mexo amuene muku vuahetha vingila vieni. ⁷⁷ Mukuhana mana kuli vantu vendi muku dthivuka vuovoke muku vethela ku vupi vuavo. ⁷⁸ Eci cikalingiuila mungodthi yakama ya Kalunga, mukemo mukutuhuka kua litangua kua muilu cika tuhinduitha. ⁷⁹ Tuka tuila litana vaje va tumama mumithithi na cithithimbe cakuthsa kutuamene mianja yetu mungila ya ciyulo. ⁸⁰ Keho munike ua kulile na ndthili mu sipilitu, uakele mumpambo noho litangua liaka jomboloka kuendi ku Isaleli liahetele.