¹ Mbunga yavo yoxe vakatukile vanehele Yesu kumesho a Pilatu. ² Vaxangumukile kumuvangeya, nguavo, ''Tuna uana mumala ou a tangula muxovo uetu, kuvindika kufueta lisimu kuli sezale, nakuhandeka nguendi ikeye kilistu, muene.'' ³ Pilatu uamuihuile, nguendi, ''Yove muene ua vaYundeya ndi?'' Yesu ua mukumbuluile nakuhandeka nguendi, ''Omuo mu unahandeka omuo vene.'' ⁴ Pilatu ua handekele kuli vakuluntu vava sasendote na vimbunga, ''Ange kundja hanene mulonga kuli muntu ou.'' ⁵ Vunoni avo vathininikile, nakuhandeka nguavo, ''Ikeye ali na kuxongangeya vantu, kulongetha muyundeya yoxe, ua xangumuka ku Ngalileya na kuno vene.'' ⁶ Omo Pilatu mua viuvuile, uehuile ou muntu nga ikeye ka Ngalileya. ⁷ Omo ikeye uethivile nguendi ikeye ua kele muvusuana vua Helonde, uatumine yesu kuli Helonde, uje ua kele muJelusalema ha matangua aje. ⁸ Omo Helonde uamuene yesu, ua jolelele muakama, muomu uayonguele kumumona kunthsimbu ya kunima. Endi uakele nakumuvua ua tumamenene kumona vimuetho vimo viekupanga ikeye. ⁹ Helonde uehuile yesu mu majui amengi, vunoni yesu kamukumbuluile navimo viahi. ¹⁰ Vakuluntu va vasasendote na vaka kuthona mathona vemaneneko, na kumuvangeya muakama-kama. ¹¹ Helonde na masualale vendi vamutukile na kumuthsopa. Mukemuo vamuthikile vithala viakuvuaha muakama nakumuhiluitha kuli Pilatu. ¹² Va Helonde na Pilatu valikutile vuthamba, ha litangua lije vene, mukonda kulaja valithzindi umo namukuavo. ¹³ Mukemuo Pilatu uathanene hamo vakuluntu va vasasendote na vakakuxika na mbunga ya vantu ¹⁴ na kuvaleka mguendi, ''Munandjinehelele liala ou ngue liala ali na kutangula vantu, taleni, ange, ndjina muihuile kumexo eni, kundja uanene mulonga muli ikeye kutuala kuviuma vimuli nakumuvangeya. ¹⁵ Kuahi, nambe Helonde, namutumu ahiluke kuli yetu luhua, taleni, viahi via kuviha via kumuthsihila viana panga. ¹⁶ Ngeci ndjikamupupa keho ndjika muecela. ¹⁷ Muvifukula via laja kumuakele Luka 23:17. Vunoni nthsimbu yoxe Pilatu ua kele kuecela umo cindhzinda kuli va Yundeya halitangua lia ciuano. ¹⁸ Vunoni mbunga yoxe vatambakanene, nguavo, muthsihe ou, tuechelele Mbalambasa.'' ¹⁹ Mbalambasa ua kele liala uje uvahakele mukamenga omo lia kupanga mpuaxa mumbongi na kuthsiha vantu. ²⁰ Pilatu ua handekele lalo, ua yonguele kuechela yesu. ²¹ Vunoni vatambakanene, nguavo, ''Muxukike hachilindakano, mushukike ha chilindakano.'' ²² Ua handekele navo nthsimbu yamuchitatu, ''Mukonda lia vika, vupi muka vuana lingi liala ou? Kundja uanene mulongaua kumuthsihila. Ngocho vene kuniya kumumangola, ndjika muechela. ²³ Vunoni vatambakanene nalijui lia kama, vamutuminine nguavo vamushukike. Majui avo atuvakanene Pilatu. ²⁴ Ngocho Pilatu uatetele lijui kutuala kukutumina kuavo. ²⁵ Ua vechelele uje uvalombele uje uva hakele mukamenga mukonda lia mpuasha na kuthsiha vantu. Uavahanene yesu kutuala muviyongola viavo. ²⁶ Omo vamutualele yesu, vakuatele umo Simoni ua kuSilene, uatundile kuchifuti, na kumutuika chilindakano ambate, ashuame yesu. ²⁷ Mbunga yakama yavantu, nava kentu vaje vakele navuthiua nakulinyenga omo ikeye, va mushuamene. ²⁸ Yesu uatengulukile kuli vakevo, nguendi, ''Eni vana vakentu vamu Yelusalema, keti mundjilile yange, vunoni lilileni eni vavena navana veni. ²⁹ Ngocho tala, matangua ali nakuija, omo vakahandeka nguavo, ''Vana vethuka vinchimina memo aje kathemene na mavele aje kamuekele.'' ³⁰ Ngocho vene vakashangumuka kuhandeka na mikinia nguavo, tuuileni; na malundu, nguavo, 'Tufuikeni.' ³¹ Omo nga valinga viuma evi kuchiti chitontola, vikafua vati kuchiti cha kuma?'' ³² Vamala vavo, vakavuithzi, vava tualele hamo naYesu nakuvathsiha. ³³ Muvahetele kumuhela uvatumbula, ''Chikola.'' Kuje vamushukikile na vethi-umo kuchilio chendi na umo kuchimuoshue chendi. ³⁴ Yesu nguendi, ''Tata, vechele, kuvethivile viova linga.'' Mukemuo valiavelele vithala viendi, na kuta nkela ³⁵ Vantu vemanene kuje navaka kushika lalo vamuthsopuele, nguavo, ''Uovuele vakuavo, achi liovole endi vavenia, nga ikeye ua kuvuavuetha uje yana hangula Kalunga.'' ³⁶ Mukemuo lalo na masualale vamuthembuluile, vethile kuli ikeye vamuhanene vindangele, ³⁷ na kuhandeka nguavo, ''Nga yove u muene ua vaYundeya, liovole ove vavenia.' ³⁸ Hakele lalo chithivukitho hali ikeye, ''Ou ikeye muene ua va Yundeya.'' ³⁹ Umo ua vithi vaje vovashukikile hamo nendi ua mupayele nguendi, ''Ove keti u kilistu ndi?Liovole ove vavenia netu utuovole.'' ⁴⁰ Vunoni uje chili mukuavo uamukandele nguendi, ''Nkuma ove liova lia Kalunga liahi, te ove una tambula chihitho ngue ikeye? ⁴¹ Chihitho chetu ni chinatufuila, omo tutambula fueto yavilinga vietu, vunoni liala ou kethi namulonga.'' ⁴² Mukemuo ua handekele nguendi, ''Yesu, kandjivuluke omo muukaheta muvu muene.'' ⁴³ Yesu ua mulekele nguendi, ''Vuchili ndjikuleka, lelo vene ukakala nange muchitungu cha Kalunga.'' ⁴⁴ Ya puile ngue muhiehi nanthsimbu yamuchitanu na imo, na muthithi uethile muchifuti choshe noho hanthsimbu yamuchitanu na iuana ⁴⁵ kuakele muthithi ha litangua lije. Na ntanga ije yamutembele yatavukile mukati. ⁴⁶ Yesu ua tambakanene na lijui lia kama, nguendi, ''Tata mu mavoko ove ndjinakundika muono uange.'' Omo uakele na kuhandeka evi, uathsile. ⁴⁷ Omuo mukuluntu ua masualale ua muene vije via lingiuile, ua xangalele Kalunga, ua handekele nguendi, "Cili nkuma muntu ou uakele mukavushunga.'' ⁴⁸ Omuo mbunga yoxe ya kungulukile kumutambela uje vamuene viuma vije via lingiuile, vahilukile na kulu pupanga havintulo viavo. ⁴⁹ Vunoni voxe vaje vamudthivukile, na vakentu vaje vamuxuamene kutunda kuNgalileya, vemanene hale, nakutala viuma evi. ⁵⁰ Taleni, kuakele mumala umo lithina liendi Josefe, uje uakele mukacilio ca ndthango. Ikeye uakele untu ua cili ua kathingimiko. ⁵¹ Muntu ou kali tavathanene muvutumbe vuavo na vipanga viavo. Uje ua tundile ku Alimaleya, mbongi ya vaYundeya, nendi uakele na kutatelela vumuene vua Kalunga. ⁵² Muntu ou, ua yile kuli Pilatu, ua lombele muvila ua Yesu. ⁵³ Ua uxukuile, ua udthengelele ya kuvothsiya ya liniu, ua hakele mumbumbo ya kucokola mulivue, muje nolo kanda va xitikemo muntu. ⁵⁴ Liakele litangua lia kuli vuahethela, na Sabata ya kele muhiehi na kuxangumuka. ⁵⁵ Na vakentu vaje vatundile ku Ngalileya vethile hamo na Yesu vamuxuamene na kumona ha mbumbo na vati valangekele muvila uendi. ⁵⁶ Vakevo va hilukile na kuvuahetha vihemba na mathzi. Mukemuo mu Sabata vahuimine kutuala lixiko.