¹ Yesu ua talele uamuene vaka kufuka vahanene vuana vuavo mucixepa. ² Uamuene lalo mukentu umo ua cihutu ua lambuile tumbongo tuvali tua tundende tua vunengu. ³ Yesu ua kuaniene nguendi, ''Cili njimileka nguange ou mukentu nahana viavingi kutuvakana voxe. ⁴ Voxe vaje vahanene via kuthala kuvufuko vuavo. Vunoni ou nthiua, nahana vioxe viakele navio mu vuhutu vuendi, nahana vioxe viana kanakele navio via kulikuatha navio.'' ⁵ Vandongithi vamo vahandekele ha tembele, kuvuaha kuayo na kuvuaha kua mavue na vuana vuvahanene, ua kuanyene nguendi, ⁶ ''Ngue viuma evi viumumona, litangua likeja vitodthi veni vaka tunditha livue lioxe lia njivo mumutambela ualio vinjivo vioxe vikaua.'' ⁷ Ngoco vamuihuile, nguavo, nthimbu muka vika jomboloka evi? Vika vikakala vileketho omuo viuma evi vili muku jomboloka? ⁸ Yesu ua kumbuluile, ''Dthangameni keti vamikuithe. Vavengi vakeja mulidthina liange, nguavo, 'yange vene ikeye,' na,; nthimbu inahete.' Keti mukayeko. ⁹ Omuo mumukokua nthita na vinguavo, keti muka jaje, viuma evi vinapande kujomboloka hakulivanga, vunoni kuvilanguluka ngeci kumanetha kua livu kunahete.'' ¹⁰ Ngoco vahandekele nguavo, ''Cifuti cimo cikalua ndthzita nacifuti cikuavo, ngoco vumuene vukaluitha vumuene vukuavo. ¹¹ Kukakala mandunduma akama, nandjala namavedhi akulitambuitha kuoxe kuoxe. Kukakala viuma viakungangametha nakukomouetha vikatunda muilu. ¹² Omuo nthsimbu kanda viuma evi vijomboloke, vakamikuata nakumiyandetha, vakamituala kuvithinangonga viavo nakumisompetha nakumihaka mukamenga, vakamituala kuvimiene nakuli vakakusuana omuo lidhina liange. ¹³ Ngoco eyi yikapua nthsimbu yacili kulieni yakuambulula mudhimbu uacili. ¹⁴ Ngeci vene vihakeni kuvimbunge vieni keci muthinganieke ngueni vika tukahandeka, ¹⁵ omuo ndjikamihana majui namana ngeci votodhi vieni kuvakatha kumipayetha nambe kuviana vimukahandeka. ¹⁶ Vunoni vaina yeni navakuluntu veni, navavuxoko vueni, navavuthamba veni vakevo vakamijombolola ngoco vamo hakati keni vakavathsiha. ¹⁷ Voxe vakamithsinda omuo lidhina liange. ¹⁸ Vunoni nambe cinkambu cimo cakumitue yeni kucikadhimbala. ¹⁹ Koletheni ngoco mukamena miono yeni. ²⁰ Momu kamona Jelusalema vanaidhengela kumasualale dhivukeni ngueni kunonga kuayo kuli muhiehi. ²¹ Vaje vali muyundeya vakateuela kumalundu, ngoco vaje vali munganda vanapande kutunda mo, ngoco vaje vali handja yanganda mumahia keci vakakovelemo. ²² Omuo haje hakeho matangua akudhangametha ngeci viuma vioxe vije vivahandekele muvisoneka vipue viavucili. ²³ Vunoni luvinda kuvakentu vaje vakakala namemo navakentu vaje vakaniamueka hanthsimbu ije! Tuyando tuakama tukendja hacifuti eci, navukalu vuakalunga vukendja hali vantu ava. ²⁴ Vamo vakavathsiha namukuale, ngo vakuavo vakavatua kuvundungo kuvifuti vieka, ngoco vakakujeneka kuthselela vakaliatangela jelusalema noho nthsimbu yavo iheta. ²⁵ Kukakala cidhivukitho mulitangua, namungonde namivintanga ntanga, nahanthsi. Miyati yoxe hamavu hakakala vintanga ntanga, vakakala naliova liakudhima kuamema akalunga nakuohia kuamankimba auo. ²⁶ Vantu vakathsa kavela vela movakavandamena vije vika jomboloka hano hanthsi hoxe, omuo viuma vioxe viandthzili viakala muilu vitunda mumihela yavio. ²⁷ Keho muna muntu akajomboloka akenja mulixelua na nthili ya kama na vumpahu vuakama. ²⁸ vunoni omuo viuma evi vika xangumuka kulingiua, katukeni mutale kuilu, mukonda muka kumiecela ali muhiehi.'' ²⁹ Yesu ua vatelele cithomo eci nguendi, "Taleni kuciti ca mukuyu, na viti vioxe. ³⁰ Omo moutuikilila vimaho, muka vimona eni vavena na kudthivuka ngueni ndombo ili muhiehi. ³¹ Ngoco lalo, omuo mumukamona viuma evi vika lingiua, dthivukeni ngueni vumuene vua Kalunga vuli muhiehi. ³² Cili njimileka, viuma vioxe evi vikalingiua nthimbu kanda vantu voxe ava vali na muono mualolo vathsa. ³³ Lilu na livhu vika dthimangana, vunoni lijui liange kuli kadthimangana. ³⁴ Vunoni tolilileni kuli yeni vavenya, mu vimbunge vieni hakulia na kunua navixoti via muono ou, kuteua litangua lije lika minyangumuna ngue mu uekumuaxuka muhiato. ³⁵ Ngoco litangua lije likenja kuvantu voxe vali hanthi. ³⁶ Dthangameni na kulomba nthimbu yoxe, mukakale nandthili ya kutuvakana vioxe vije vika lingiua, na kuimana kumexo amuna muntu." ³⁷ Ngoco ku mutanya uavalongethele mungeleka, na kuvuthsiki uayile na kukakala kumukinya ua Oliveta. ³⁸ Vantu voxe vedthile kucimene vaku mutolilile mungeleka.