^{1 2} Via jombolokele ha litangua lije omuo Yesu mualongethele vantu mutembele na kuambulula mudthimbu uacili nguendxi vakuluntu vaka kukombelela na vazlongithi vaka majui alixiko hamo navakuluntu volxe vedthile. Vakuanyene, vakuanyene kuli ikeye nguavo, "Tuleke nandthili yeyatjo upanga viuma evi, ndi yiya nakuhana ndthili eyi." ³ Ua vakulmbuluile nguendi, "Nange njimihula, eni munjileke. ⁴ Kumbuitika kua Yoano: yayundile muilu ndi yatundile kumuntu?" ⁵ Ngoco vaxangumukile kuliyongola hakati kavo nguavo, "Nga tukuanya nguetu, 'yatundile muilu; akakuanya nguendi, 'Ngoco vika kumua muthselelele? ⁶ Vunoni nga tukakuanya nguetu, 'yatundile kumuntu; mbunga yoxe ili kuno ika tuaxanga mavue, omuo voxe vadthivukile nguavo Yoano uapuile Kapolofeto." ⁷ Vamukumbuluile nguavo kutuadthivukile kuyatundilile. ⁸ Yesu ua vakumbuluile nguendi, "Nange kunjimileke ndthili eyi yonjipangetha viuma evi." ⁹ Uatelelele vantu cithimo nguendi, "Kuakele mumala umo uakele na liha lia vuxuka vua vinyu, Ngoco uathile liha eli kuli vaka kupanga, uayile vungendthi kucifuti caco hale ua kexualeleko nthimbu yakama. ¹⁰ Omuo nthimbu ya kutia vuxuka yahetele, uatumine ndungo yendi kuli vaje vakakupanga muku katambula mutambela uje uvatieleko. vunoni vaka kupanga vamupupile, vamu hiluithile mavokovoko. ¹¹ Uatumine lalo ndungo mukuavo vunoni vaka kupanga vaka mupupile lalo, vamupangele muakuviha, vamuhiluithile mavokovoko. ¹² Uatumine lalo ndungo uamucitatu vaka mulemekele, vamumbilile hanja lia liha. ¹³ Ngoco vavenya muene muka liha uakuanyene nguendi, 'Vika njatha kupangako? Njituma munange uamumala unjayongola muakama. Halumo vaka muthingimika.' ¹⁴ "Vunoni omuo vaka kupanga vamumuene, valileka lekele avo vavenya, nguavo, 'Ou ikeye mona. Tumuthsiheni, linga tuhinge vioxe.' ¹⁵ Vamumbilile hanja lia liha na kumuthsiha. Vika via kupangele uje vavenya muka liha kuli vaje vaka kupangamo? ¹⁶ Akeja akaxandola vaje vantu, na kuhana liha kuvakuavo. "Omuo muva viuvuile, vakuanyene nguavo, "Keti vika lingiue evi!" ¹⁷ Vunoni Yesu uatalele kuli vakevo, uakuanyene nguendi, "Vithona evi vina kuanya vika: 'Livue lije liovavianene vaka kutunga linapu livue lia mumbango'? ¹⁸ Uoxe akauila halivue eli akapokodthoka hahandende handende, na uoxe uje ulikauila akathanyoka." ¹⁹ Ngoci valongithi vamajui alixiko na vakuluntu vaka kukombelela vayonguele kumukuata hajevene, mukonda vadthivukile nguavo cithimo eci vakevo nacitela. Vunoni vakele naliova lia vantu. ²⁰ Vamutalelele nthimbu yacili, vatumine vantu vamo vapue ngue vaka vucili, nguavo halumo kuatha vaka muuanene mulonga kuli evi viana kuanya, vamuhanene kumpoko na kundthili ya nguvulu. ²¹ Vamuihuile , nguavo, "Mulongithi, tunavidthiva ovio viouna kuanya ulongetha vucili vua vucili, omuo kuue kutala kumuntu nambe uakathingimiko, vunoni uekulongetha vucili via ngila ya Kalunga. ²² Kumaxiko etu vavindika kufueta liximu kuli Sezale ndi kuahi?" ²³ Vunoni Yesu ua dthivukile vithinganyeka viavo, na uavalekele nguendi, ²⁴ "Njileketheni vimbongo via siliva, chihanga na lidthina lieya ciliho?" Vakuanyene nguavo, "caSezale." ²⁵ Uakuanyene kuli vakevo nguendi, "Ngoco haneni kuli Sezale vije via Sezale, haneni kuli Kalunga via Kalunga." ²⁶ Ngoco kuva muuanenene mulonga kumajui aakumexo avantu, vunoni vaholokele kulu vakomokele ku kukumbulula kuendi. ²⁷ Omuo vamo va vaSasendote vedthile kuli ikeye, nguendi kukuakele cixitukilo kukuthsa, ²⁸ vamuihuile, nguendi, "Mulongithi, Mosesa ua tuthonenene lixiko eli nguendi nga munaina ua liala athsa, uakala na mukentu uendi, kathemeneneho munike, ou munaina ua mumala kuatha ambate mukentu ua munaina, ahakeho munike ua munaina. ²⁹ Kuakele vamala vatanu na vavali uje uamukuluntu uambatele mukentu, uathsile kahakeleho munike, ³⁰ mba nou uamucivali nendi. ³¹ Uamucitatu nendi lalo uakuambatako, noho uamucitanu navavali voxe vathsile kovahakeleho munike. ³² Kumima mukentu nendi uathsile. ³³ Ngoco hakuxituka, mukentu ueya honi akakala? Mukonda voxe ikeye vambatele." ³⁴ Yesu uavehuile nguendi, "vantu vamatangua ano valiambata-ambata. ³⁵ Vunoni vamanavakentu vaje vafuila kuxituka kuvathsi na kuyoya munthimbu ije ikeja kulutue kuva kaliambata nambe ku liambatetha. ³⁶ Mukonda avo kuva kathsi, vakafua tungelu vana vaKalunga, vana vacixitukilo. ³⁷ Vunoni ngoco kuthsa na kuxituka, nambe Mosesa ua vijomboluele, mucihumbu, muje muatumbula muene Kalunga ua Avilahama na Kalunga ua Isaka na Kalunga ua Yakomba. ³⁸ Ngeci keti Kalunga ua vakakuthsa, vunoni ua vaka muono, mukonda voxe vakala muli ikeye." ³⁹ Vamo vaka kuthona vakumbuluile, "Mulongishi, una tukuanya muamungulu." ⁴⁰ Ngoco uahi lalo uamuihuile. ⁴¹ Yesu ua kuanyene nguendi, "Vati vekukuanya nguavo Kilisitu muna Ndaviti? ⁴² Mukonda vavena Ndaviti uavikuanya mumathona aVisamo, Ngoco muene ualekele muene uange nguendi, tumama kulivoko liange lia cilio, ⁴³ noho njikapuitha vitodthi vakale viliatelo via mianja yove.' ⁴⁴ Ambe Ndaviti kumutumbula nguavo Kilisitu 'muene; ngoco vati lalo akala muna Ndaviti?" ⁴⁵ Mbunga mukutolilila uahandekele vandonge vendi nguendi, ⁴⁶ "Takametheni ku vaka kuthona mathona, ava vayongola kudthala vikovelo vialaha na kulimenekela ha kulandethela na kumihela ya cili na havisinangonga na hamihela ya vakavukama haviuano. ⁴⁷ Avo kumanena vakakuthsitha vufuko vuavo, avo kulilingitha valombele kulomba kualaha. Vantu vakufua ngeci vaka vapangula muakama-kama."