¹ Yesu uakovelele na kuhita muYeliko. ² Hakele yala vamulukile saKeusa, uakele makuluntu uaku fuetetha mutelo endi lalo uakele mpite. ³ Uayonguele amone yiye nkuma, kamunuena mukanda Yesu , keho kamumuene mukanda mbunga yakele yayingi. Endi lalo ukele ukele mumaua muihi. ⁴ Ua puikile kulutue yavantu akalonde kuciti akamumone mukuluntu . Yesu uhitile mungila oyo. ⁵ Keho Yesu haku hetele oho hamuhela ua kankukile nakutala kuilu lia citi nakumuleka nguendi, ''Sakeusa, shuluka vuathi lelo njikakala kunjivo yove,. '' ⁶ Ua shulukile vuathi-vuathi na kumutambula nanjangi. ⁷ Kunkala uoshe uavimuene vino, vatamekele nakukuania, '' Aya nakukathikala liala mukua mulonga'' ⁸ Sakeusa uemanene naka kuli Ndjambi ,' tala, Ndjambi vufuko viange njivuhita mukati mukati njihanakao vahutu, keho ambe kuali umo uonjapuanja kala vioshe, ange njimu hiluithila luuana kuli ovio njamu puanja. ⁹ Yesu uakuaniene nendi nguendi, ''Lelo kuovoka kunenja munjivo yino, mukonda nendi muno Avilahama. ¹⁰ Munamuntu uenja mukuthetela naua kovola vantu ovo vathimbala.'' ¹¹ Havovuile vimantu ovio, ua tuikilr kukuania na kuvaleka cithimo, mukonda uakele muhiehi na Yelusalema, vathinganiekele nguavo , cifuti caNndjambi mualolo cimoneka viathi-vuathi. ¹² Ua kuania nguendi, ''Hakele uayile kucifuti cahale mukukatambula kuli yeneli vavenia cifuti nakukahiluka. ¹³ Ua thanene vindungo viendi nakuvahana mulonga , nakuvaleka vakevo pangeni via kulandetha landetha kamehonjikenja. ¹⁴ Vakachithemua cendi yamuniengele na kutuma mukanda kunima yendi, uhandeka nguauo, kotuayonguele uno liala atu hitilile yetu. ¹⁵ Via yombolokele hakahilukile, hakauanene cifuti ua tumine vindungo ovio uahanene vimbongo uavo thanene kuli ikeye. Athivukithe vingehi vana uanamo mu muvimbongo ovo avahanene. ¹⁶ Uakulivanga uedthile kuli ikeye, uahandekele nendi nguendi xukulu vimbongo viove vioua njihanene vinalitheme likumi lalo. ¹⁷ Keho muene ua mulekele nguendi, ndangi ndungo yange. Mukonda una lithingimika kuvimantu via vindende, Ukala nandthili ya kutumina vitjayisa likumi. ¹⁸ Ua mucivali uedthile na kukuania nguendi, muene uange vimbongo viove vio uanjihanene vina lithime ko vittanu vina livuethelela. ¹⁹ Muene ua mulekele nguendi, Ukakala nandthili ya kutumina vicayisa vitanu. ²⁰ "Mukuavo uedthile, nakukuania, muene uange vimbongo viove vio uanjihanene njakutilile kuntanga, ²¹ njakele naliova kuli yove, Mukonda ove kutumina muntu. "Ove muntu ua cikakata. Ove kutambula evi keti viove mbalalo ove kutia vio uekukuna. ²² Muene ua handekele nendi nguendi, Mu lijui liove njikupangula, Ove ndungo yavutha. Uvithivuka nguove ange muntu ua cikakata, kutambula ovio kunje kuhaka, nje kutia ovio kunjekukuna. ²³ Vika uajenekelele kuhana vimbongo ku "cixepa" honjika hiluka njaku vitambuleko avio vina litheme? ²⁴ Ava vemeneneho muene uava lekele nguendi mutambulenivio mumuniange muvihane ouo ali navimbongo likumi. ²⁵ Vahandekele nguavo, muene, endi ali navimbongo likumi vati tumuhana lalo vimbongo likumi? ²⁶ Njimileka nguange, uoxe akala navio vamuhana viavingi, kuli ouo avijeneka, nambe kakala vavi munieka. ²⁷ Ovo vaka cithindo cange, ovo vajeneka kunjiyongola kuvatumina vakevo, vaneheni kuno muvathihile kulutue luange." ²⁸ Hakuaniene ovo vimantu, vihitile kulutue nakuya ku Jelusalema. ²⁹ Hakuhetele muhiehi na Betafage na Betani, kumukinia uove kuthana Oliveta, uatumine vandongi vendi vavali, ³⁰ nakuvaleka, ''Kayeni kumukunda ua kuxuamako. Homukakovela, muka uana mbongolo uova yenekela kulonda lumo. Kamuvutuleni mukamunehe kuli yange. ³¹ Ambe nkala uoxe aka mihula nguendi, vika muvutuila ouo mbongolo? kamu kumbululeni ngueni muene amutonda. ³² Ovo vatumine vayile vakauanene mbongolo ngue muavalekele yesu. ³³ Hova kavutuile mbongolo, vavenia vavehuile, vika mumuvutuila ouo mbongolo?'' ³⁴ Vamulekele, muene amu thetela.'' ³⁵ Vamunehele kuli yesu, keho vahakeleho vithala viavo yesu atumameho. ³⁶ Hayile valele vithala viavo mungila. ³⁷ Hakahetele muhiehi namuhela namukinia ua Oliveta? Vantu vavengi vaxangumukila na ndjandju nakuxambelela kalunga namai ake tendeka kuvipanga vioxe viovamuene. ³⁸ Nakuhandeka, uavethika muene uethila mulithina lia kalunga!? ³⁹ Vamo vavaFaliseu vakuanya kuliendi nguavo, "Mulongithi, viana vandonge vove." ⁴⁰ Yesu ua vakumbuluile nguendi, ange njimileka, nga vaholokele ava, nga mavua akeo alila." ⁴¹ Omo Yesu mua xuenene kucifuti, amone cituntu ua cilililile, ⁴² uakuaya nguendi, "Ambe nga muadthivukile litangua eli, nambe yeni, viuma via nehele ciyulo! vunoni ngeci vana vixueke kumexo ove. ⁴³ Ngoco matangua ekeja ova kahinda cina vitodthi vove cikudthengeleke vakakuthite cimpaka. ⁴⁴ Avo vakakuthanyona na vanavove hanthi. Muli yove kuva kathimo livue helu lia likuavo mukonda nthimbu yove yacili ije ya kukumenekele Kalunga vunoni ove ku uavitdthivukile." ⁴⁵ Yesu uakovelele mutembele uatamekele kuxekaxeka vakakulandetha na vakakulanda, ⁴⁶ uakuanyene kuliavo nguendi, "Vathona nguavo, 'Njivo yange, njivo ya kulombela; vunoni eni muna yitenge njivo ya vilingilingi." ⁴⁷ Ngoco Yesu nkala litangua ualongethele mutembele. Vakuluntu va vasasendote na vaka kuthona na vakuluntu vavantu vayonguele ku muthsiha, ⁴⁸ Vunoni kuvauanene ngila ya kuvipanga mukonda vantu voxe vamuyonguele ku mutolilila.