¹ Keho uatile cithimo cakuvaleka muvavundila nakujeneka kuvalingitha vapokoke mitima, ² nguendi, ''Muimbo limo muakele ngodhi uajenekele kuteua kalunga nakujeneka kuthingimika vantu. ³ Keho muimbo lialo muakele lalo ntuluue, nthsimbu yoxe uedhile kuli ngadhi uje nakumuleka nguendi, 'Ndjikuathe ulinge vakavidhindo vange vandjihane ciyulo.' ⁴ Nthsimbu yalaha kayonguele kumukuatha, vuno kunima ualithinganieka, 'Nambe mundjajeneka kuteua kalunga nakuthingimika vantu, ⁵ ngeci nomu muekundjilingila muyoyo ou mpuevo, ndjimukuatha auane ciyulo, linga ajeneke kuija ija kuno.'''' ⁶ Keho muene nguendi, ''Tolilileni viakahandeka ngadhi uacivembulu. ⁷ keho naxuku lalo nkuma kahana ciyulo kuli vendi vaje vamulilila mutania navithsiki? Nkuma atambula nthsimbu? ⁸ Ndjimileka nguange aneha ciyulo kuliavo vuathi vuathi. Nambe ngoco, amba muna muntu eja, cili vene akuuana luthsilielo hamavu?'' ⁹ Ngeci naua uatile cithimo kuli vakakulituntula nguavo vathungama hakati kavakuavo. ¹⁰ ''Vamala vavali vaile mungeleka vaka vundile umo kafaliseo keho mukuavo co mukakufuetetha lithimu. ¹¹ Kafaliseu ua katukile na kulomba nguendi, 'Kalunga, njina kuxangala munjajeneka kukala ngue vantu va vuidthi, vaka vuvi, vaka vukuidthi ndi muka kufuetetha liximu. ¹² Njekudthila kulia luvali musemana. Nje kufueta cimo kulikumi kuvioxe vio njekuuana,' ¹³ Vuno muka kufuetetha liximu, mukuimana hale, kexukile atale kuilu, vuno ua lipupile hantulo hamavele, nguendi, 'Kalunga, njuvuile ngodthi, muka vuvi.' ¹⁴ Njimileka,liala ou uahilukile kuimbo na civiulo kutuvakana mukuavo, mukonda uoxe alihametha vaka mukehetha, vunoni uoxe alikehetha vaka muhaka kuvukama.'' ¹⁵ Vantu vamu nehelele lalo vana vavo linga ava kambeke mavoko, vunoni muvavimuene vandongithi, vava vindikile. ¹⁶ vuno Yesu ua vathanene, nguendi, ''Etheleni vanike vavandende venje kuliange, keti muvaxeke. Mukonda vumuene vua Kalunga vunapu vuavo. ¹⁷ Vucili njimile, uoxe katambula vumuene vua Kalunga ngue munike, kakakovela nalumo luahi." ¹⁸ Kuakele umo ua vaka kutumina uehuile Yesu nguendi, ''Mulongithi uacili, Vati njipanganga linga njikakovele mumuono ua miaka yoxe?'' ¹⁹ Yesu nguendi, ''Vika unjitumbuila uacili? uahi uacili, kuvanga Kalunga lika. ²⁰ Vidthiva maxiko-keti upangale, keti ukathsihe, keti ukapuandje, keti uvangeye, thingimika ixo na vanoko." ²¹ Muka kutumina nguendi, "Vilinge vioxe ovio njaviononoka kutunda ha vukuendje vuange.'' ²² Yesu muaviuvuile, ua mulekele nguendi, ''Unajena cilinge cimo. Landetha vioxe vio uakala navio linga uviavadthele ku vihutu, vaka kuhakelavio muilu-ija, unjixuame.'' ²³ Vunoni muaviuvuile mukakutumina, ua luvala, mukonda ua fukile muakama. ²⁴ Yesu ua mumuene ali na vuthiua navua, ngendi, cinapu cacikalu kuli vaka kufuka kukakovela mu vumuene vua Kalunga! ²⁵ Vunoni ccathi ngamelu kuhita mulixo lia nguya, cacikalu muka kufuka kukakovela mu vumuene vua Kalunga.'' ²⁶ Ngoco vaje vantu va muthivukile va muihuile ngavo, "Iyaco atha kuovoka?'' ²⁷ Jesu ua vakumbuluile nguendi, "Cije cacikalu kumutu cacathi kuli Kalunga." ²⁸ Petululu nguendi, ''Mukemuo, tala yetu tunathi membo etu tunakuxikula.'' ²⁹ Yesu ua kuanyene kuli vakevo, ''Vucili, njimileka nguange uoxe uje nathi limbo liendi, ndi mukentu uendi, ndi vamu naina, vithemi vendi, ndi vana vendi, mukonda vumuene vua Kalunga, ³⁰ akatambula viavingi navua hanthimbu eyi vene na kutambula muono ua miaka yoxe, munthimbu ije ikeja kulutue." ³¹ Jesu uatualele vandongisi vendi likumi navavali kualikaliavo, ngoco uahandekele kuli vakevo nguendi, ''Taleni, tuli nakuya kuJelusalema, kuje viuma vioxe vije viva sonekele kuli kapolofeto viahali muna muntu ngeci vika lingiua. ³² Muna muntu vakamuhana kuli vakakujeneka kuthsiliela vaje vakamuyengula nakumuxaula nakumujekuila mate. ³³ Vaka mupupa, ngoco vaka muthsiha, vunoni munima yamatangua atatu akaxituka.'' ³⁴ Vunoni vandongisi vendi kovadhivukile cuma nacimo cahi haviuma evi omuo majui uavaxuekelele uo ngeci kovadhivukile vije viahandekele jesu kuli vakevo. ³⁵ Omuo jesu muahetele kuje kujeliko, ngoco kapuputua umo uatumamene kuxongo yangila nakulomba, ³⁶ ngoco uadhivukile nguendi mbunga ili nakuhita, ngoco uehuile nguendi ovio vika. ³⁷ Vamulekele nguavo jesu uakunazaleta ali nakuhita. ³⁸ Ngoco uatambekele nguendi, ''Jesu, muna Ndaviti, ndjuvuileko ngodhi.'' ³⁹ Vantu vaje vatuamene kulutue vamuvindikile ngeci aholoke kulu. Vunoni ikeye uatambekele navua navua nguendi, ''Muna Ndaviti, ndjuvuileko ngodhi.'' ⁴⁰ Jesu uemanene nakuvaleka vamunehe kuli ikeye. Omuo uaxuenene muhiehi, uamuihuile nguendi, ⁴¹ ''Vika uyongola ndjikulingilevio?'' ngoco uamukumbuluile nguendi, ''Xukulu, ndjiyongola ngeci ndjimone lalo.'' ⁴² Vunoni jesu uahandekele kuli ikeye nguendi, ''Mona. Kuthselela kuove kuna kukangula.'' ⁴³ Ngoco haje vene uamuene uakavele jesu, nakuxangala kalunga. Omuo vantu voxe, vavimuene evi, vaxangalele kalunga.