¹ Yesu uakuaniene lalo navandongesi ''kuakele mpite umo uakele namuntu uendi uahakele havipanga akale mukuluntu kuvakuavo''vamovethile vakulapote kulimpite, nguavo ouye mukuluntu uahaka havipanga viove ashandola vufuko vuove. ² Keho mpite uamuthanene nakumuleka vika njinovu kuliyove ? njileke muachili vati upangetha vufuko viange, ko ukala na mukuluntu uohavipanga viange. ³ Mukuluntu uahavipanga ualihula endi vavienia munbunge yendi, ''vati njipanga, vanjisheka havipanga?'' ange kuato nhili yakuhinda, keho ange lalo shuama mukulomba. ⁴ Njima thivuka njipanga, hove njisheka muvipanga, linga vantu vako ujitambule mumembo avo. ⁵ Keho uathanene koumo muntu uakele namakongo kuli ou ua muhanene vipanga, wehula uambangelo vingahi uakolota ou uanjihana vipanga?. ⁶ Uakuania nguendi; ndoloma yakuheta kuli fere yamathi a oliva; amuleka nguendi; tambula makongo ove ,tumama vuathi, keho utjangeho mirongo yitano. ⁷ Keho uehula uakushuamako; vingahi uakolota ? uakuania lifere lia vitjako via lukokotua, uamuleka nguendi tambula makongo ove keho unjange mirongo hambondatu. ⁸ Mukuluntu uavipanga ualimbulula uye uayenenekele kutrilela havipanga viendi mukonda uapangelemumana vucili, vana valifuti lino vathangama muakama mukutunga navantu vavo vavenia navana vamutania. ⁹ Njimileka, kaleni navavuthamba venivavenia mukulinga vakuaku yenekela vucili mukutciela kakuaku fuka hovaya kulingila vakami tambule yeni muku tumama navo. ¹⁰ Ouo akatciliela muvuima viavi ndende akatcilielia lalo muviuma viavingi ouo akatcilielia muviuma viavi ndende kaka tciliela muviuma viakama. ¹¹ Ambe koua pitile muvucili mukutciliela kupangetha vufuko keti muvucili, yiya akaku tciliela muvu fuko viacili ?. ¹² Ambe koua tcilielile mukupangetha vuima viavantu yiya akakuhana vimbongo viove vavenia?. ¹³ kuato ndungo akakala nava kuluntu vendi vavi panga vavali, akathindaho umo akayongolaho omo oumukuavo kakamuyongola nakuyeneka kupanga viamu mutima. keti ukapangele Njambi mba navufuko. ¹⁴ Keho vasasendote vaye vayonguele vimbongo avavuile vioshe vimanu, vamutcopele . ¹⁵ Uavaleka, muyongola muyihake eni vavienia mumoneke muvacili kumeso avantu vakueni Njambi nathivuka laja kuvimbunge vieni, viye vanianiukila muntu chithila kumeso a Kalunga. ¹⁶ Thiveta nava polofete viakele kamane yoano uethile. kutunda hachikati chiye, muthimbu uachili uavuangana vua Kalunga uavambilile, nkala uoshe uahanene kuthininika mungila yavio. ¹⁷ Vunoni lilu na hanthi via viathi kudthimangana ngoco navimo viahi vika tunda kumathona aveta. ¹⁸ Uoxe ou aviana mukentu uendi akambate uauo nalingi vupangala, na uoxe ou ua akambata mukentu uo vatha nendi alingi vupangala. ¹⁹ "Kuakele mumala umo mukakufuka uadthalele vikovelo via kuvenga neyi yakutoka via kulelema ua jolelele nkala litangua la vufuko vuendi. ²⁰ Kuakele muka kuyanda umo ualidthina Lazalu uandandele hacikolo ca mukakufuka, uakele na vimbandu, ²¹ uayonguele ua mulithe vilalumuina via uile kumesa ya mukakufuka. Nambe tutali vedthile valithele havimbandu viendi. ²² Omuo muathsile muka kuyanda tungelo vamukakuile vamutualele kuli Avilahama. Mukakufuka nendi uathsile va muxitikile, ²³ omo uexukile mucifuti ca vakakuthsa, uakele navitanga, uatalele kuilu na kumona Avilahama hale na Lazalu ali mumpati yendi. ²⁴ Ngoco ualilile na kukuanyana nguendi, 'Tata Avilahama, njuvuile ngodthi na kutuma Lazalu, ambuitiki munye uendi mumema atontuethe ndaka yange, mukonda ange njili muvitanga via mutuhia tuxuama.' ²⁵ Vunoni Avilahama ua mukumbuluile nguendi, 'Munange, vuluka nguove ove uauanene viacili omu muuakele namuono, na Lazalu ua uanene viuma viakuviha. Vunoni ngeci vamudthembeleka, ove uli mukayando kakama. ²⁶ Kunkandela yevi vioxe, hakati ketu hali cina cakama, nambe vayongole kija kuvahiti, uahiko umo atha kujavuka atunde kuli yeni aje kuli yetu.' ²⁷ "Mukakufuka uahandekele nguendi, 'Njina kukandelela xukulukambu, Tata Avilahama, nguendi mutume kuimbo lia tata. ²⁸ Mukonda njakala na vakuenje vange vavamala vatanu aka vakolethe muakama, linga navo keti vakeje kumuhela ua tuyando.' ²⁹ "Vunoni Avilahama ua kuanyene nguendi, 'Vakele na MOsesa navapolofofeto; navo vali vavatolilile.' ³⁰ "Ngoco mukakufuka uakumbululuile nguendi, 'Kuahi, Tata Avilahama, vunoni nga umo mukakuthsa nayiko, nga vanatenguluka.' ³¹ "Vunoni Avilahama ua mukumbuluile nguendi, 'Ambe kuva tolilila Mosesa navapolofeto, nambe kuli umo akatunda kukuthsa kuva kamuvu.'''