¹ Vunoni kuthimbula ije vene kuakele vamo vamulekele via vaje vangalileja . Pilato ua vandakanene maninga avo hamo navikombelo viavo ² Keho Yesu ua kuanjene kpo, ua valekele nguendi, eni munathinganjeka ngachije vangalileja ava vatuvakana vakuavo mukulinga vupi hakati kavaNgalileja voshe , muomu vajandelele evi ndi? ³ Ndjikumileka nguange kuahi, vunoni nga eni kamualuluka mukanonga ngachije vene. ⁴ Nambe vaje likumi navatatu navatatu, ndjivo ije jakulaha jakusiloma java uililile nakuvatciha. Eni munathinganjeka ngachije vaje vana tuvakana kuvulumuna hakati kavantu voshe vakala kuJelusalema ndi? ⁵ Ndjikumileka nguange kuahi vunoni nga eni kamualuluka muvoshe mukanonga ngachije lalo. ⁶ Keho uavatelele chithimo nguendi, ''Muntu umo uakale namukuju ua kutombeka mulihia liendi lia viti via viu. Keho uethile ko mukuthetela ko via kulia, keho kaiuanene ko. ⁷ Keho uandekele namukuakunjunga lihia nguendi,taleleni miaka uyi yitatu njinejako mukuthetela viakulia kumukulo ou. navimo viahi ndjina uanako, uteteko ngano; vika uvihithila livu ngoco eli. ⁸ Keho ikeje mukukuanyako uahandekele nguendi muene, achiuethele uno muaka, ndjichi handekeko limbo na mema. ⁹ Keho nga uima mihako ngauachili, vunoni ngakuima kuahi ukeje uaku uteleho ngano. ¹⁰ Mulitangua liasapalalo uakele nakulongetha muthina ngonga imo. ¹¹ Keho taleni mukentu umo uakele nampunhi yakujuala yavuvethi miaka likuminaitanu naitutu; ikeye uakulumanene navua, kahathele kuliolola nahamo hahi. ¹² Keho jesu muamu muene, uamuthanene uamulekele nguendi ove mukentu vanakuechela kuvu vethi vuove. ¹³ Keho uamu kambekele mavoko endi, keho hajevene, uolokele, uashangalele Kalunga. ¹⁴ Kehoni mukuluntu uasinangonga uahandukile muomu Jesu nakanguitha hasa Palala, uakuanje neko, ualekele mbunga nguendi, kualimatangua atanu nalimo vantu vana pandeku kupanga, ngoco vene mukenja vakumi kanguitha, keti mulitangua liasapalalo. ¹⁵ Vunoni muene uakua nyeneko, uahandekele nguendi eni muvakua chivembulu, muva voshe keti mueku thitula ngombe yeni nambe chimulucheni kuchikasa cheni ciakulia nakumu tuala mukukanua mema kusapalo. ¹⁶ Ou mukentu yikeye muna avilahama, satana namukutile. taleni miaka likumi naitanu naitatu, kavuahele kumuethela kumukole ou kulitangualia sapalalondi. ¹⁷ Keho yikeye uahandekele evi; vitothi vendi voshe vavuileshuama, nambunga yoshe yaviukililile omoviuma vioshevia vumpahu vijeviali ngile yikeye. ¹⁸ Ngoco ikeye uahandekele nguendi; vumuene vuaKalunga vunalifu navika. keho njikavu puitha ngohoni vika. ¹⁹ Vunapu ngohoni kambuto kamuthalata, muntu uakanonene. nakukuna mukalihia kendi; keho kasokele. kachapuile chiti. natuthila vamuilu vatungilileko mashua kumitanko yauo. ²⁰ Keho uahandekele nguendi; vumuene via Kalunga ndjivupuitha ngohoni vika. ²¹ Vunapu ngohoni hingo mukentu uanonene uayihakele muvitenga vitatu, viavunga nohovia thimbile. ²² Keho uahitilile muaya membo namumikunda kuana kulongetha. nakuya kujerusalema. ²³ Keho umo uahande kele nguendi, muene vakuakuovoka vakevo vavandendeni, keho uavalekele nguendi. ²⁴ Konjeni mukukovele muchikolo chiachi ndende, muomu njikumileka nguange vavengi vakayongola kukovela. keho kavakahatha kukovela. ²⁵ Omo vavenya njivo nakatuka layo, keho nadhoko chikolo. keho eni mukashangumuka kuimana hanja nakungongola kulipito ngueni muene lishokololeko keho yikeye akakuanyako nakumuleka, nguendi kandjithilukako okukomuna tundu. ²⁶ Keho eni mukashangumuka kuhandeka ngueni; tualile, tuanuine kumesho ove. nove ualongethele mumembo namumatapalo etu. ²⁷ Nendi nendi akahandeka nguendi; kanjithivuka nguange kuiko munatundu, tundeni kuliange eni vakuavuhenge. ²⁸ Kuyekukala nakuli takinya mamatho, momu kamona Avilahama na Isaka na Jakomba nava polofeto voshe muvumuene vua Kalunga, neni vavena vakamimbila hanja. ²⁹ Keho vakatunda kukutuhuka chalitangua namukulahuka kachali tangua, nakunolote nakusulu , nakutumama muvu muene vuaKalunga. ³⁰ Ithiva evi, ovo vakala hashako namulio vakakala namulio, naua ava vakakala vakulivanga vakakala vakukotokela. ³¹ Havuihi kulutue, vafaliseho vamo vezile nakuhandeka kuli jakeje nguavo, '' Kaje naua tunda hano, mukonda Helonde atonda kuku tciha jove. ³² Yesu nguendi, ''Kaje ntani kaleke lilayi, 'tala, vindemone vipue viakusinga, nakukanguila lelo namene, naua litangua lia mucitatu ndjakuhetesa mo viandjishika tata, ³³ Nkala omu, vili namulio kuli jange ndjase kutuikila lelo, mene nalitangua liakushamako, kuviakele namulio kutciha kapilofeto uatunda KuJelusalema. ³⁴ Yelusalema, Yelusalema, ija nakatciha kapolofeto namavie ava nakutumu. Vati ndikapuisa jizango chakuhaka vanike hamo, ngwe omo chali aka hake tupiyo hamo muvimbava viendi, mara kanda apuisemo chizango echi. ³⁵ Taleni, jindjivo jivaviana. Ndjihandeka nguange kukasa kukandjitala,'' Chivezikisouze akeza mulizina lia Muangana.