¹ Thimbu yijevene makulu kathi aye amengi ambunga vana likunguluile ngechiye valikiatengelele uava shangumukile kuleka vando ngesi vendi , hakuli vanga nguendi linyungeni kuhingo yavaFaliseo, chikehoni chivembulu. ² Vinoni chahiko chiaku fuika, kachika fukuka, nambe chiaku sueka kachikajomboloka. ³ Ngocho vioshe vimunahandeka mumuthithi vikovuika kumutana, nevi vimuna yeveta muma tuitui muvihondo viaha katikati kavitunde kaha tushongua. ⁴ Keho njikumi leka eni vavuthamba vange njikumileka nguange, keti mukale nalio valia vavatciha mumuvila keho kutunda oho kavethi navieka vivakuhatha kulinga. ⁵ Vunoni njikumina ngula uje umuekuvuila liova: muvuilrni vuoma: uje atciha: vene, ndjikumileka nguange muvuileni vuoma. ⁶ Kavekulandetha, tuthila, vatanu vava ndende navindeyi vivali, keho naumo uahi uavo vanamuivala kumesho aKalunga. ⁷ Vunoni navinkambu viaku mitueyeni navio vana vitanda vioshe kati mukale naliova; kuvuaha kueni kuatuvakana tuthila vavengi. ⁸ Nange ndjikumi leka nguange, uoshe akandji tava kumesho a vantu nendimo namuntu akamu tava lalo kumesho atungelo va Kalunga. ⁹ Vunoni uje andjiviana kumesho a vantu, nendi vakamu viana kumesho aTungelo vaKalunga. ¹⁰ Keho uoshe akahandeka juiji liaku shaula munamuntu vakamuechelalio, vunoni uje aka shaula mputhi yakulela kavaka muechela. ¹¹ Keho movakamitua kuvithina ngonga navakuli vakuaku sika nakuli vanguvulu. keti mukome vimbunge vueni muka kuanya vandindivika. ¹² Muomu sipilitusandu akamilongetha vimuka handeka haola ijevene. ¹³ Keho umo uaku mbunga uaha nde kele nguendi mulongisi lekamukuluntu tulitepele vufuko hano nange. ¹⁴ Vunoni yikeye ua mu lekele nguendi ove muntu yiya nanjipuitha ngathini mukua kumupa. ¹⁵ Keho uahandekele navo, nguendi thangameni kuchi pululuchoshe, muomo muono uamuntu kouaku tunda mene kukulana chaviye viana fuku. ¹⁶ Kehoni uava telele chithimo nguendi lihia liamuntu umo ngao liemine navua. ¹⁷ Keho uayonguele mumbunge yendi ndjika linga vika, muomu kuahi ndjitu lika limbuto liange. ¹⁸ Keho uaha ndekele nguendi ndjikalinga ngechi, ndjika tungula vishete viange naku tunga viavio viakama, keho ndjika nyungilamo vimbuto viange navikuata viange vioshe . ¹⁹ Keho ndjikaleka mbunge yange nguange mbunge yange munahaka mbuto yayingi liamiaka yayingi huima lianua, Jolela, ²⁰ Vunoni Kalunga uamulekele nguendi ove litha vu tciku vunovene ndjika tambula mbunge jove, keho evi vioshe viuna vuahethelalumo vikapua vieya. ²¹ Ngocho muana fu uje nalilundikila vufuko kili Kakunga. ²² Keho uahandekele navandonge vendi nguendi ketimukale nachikamuo mumuono ueni ngueni vika mukalia nambemivila yeni ngueni vika muka thala. ²³ Muomu mbunge yatuva kana viakulia, namuvila uatuva kana vithala. ²⁴ Thinga njekeni makolo, kavekukuna nambe kuhela, ndjivo yakutulikila nambe tushete, viahi, keho Kalunga ali nakuva litha, seho yeni keti yatuvakana vuana vua tuthila. ²⁵ Iya hakatikeni uakala nambunge yachinka hamavu, avuetheleleko vili imo. ²⁶ Ngachinaku hono chuma chachindende vikamu kela vishoti naviuma vieka. ²⁷ Jongoleni ntjani muilina kutuikilila, kaviekupanga nambe kuotha. Vunoni nambe Solomone kuvumpahu vuendi, vuoshe kathalele nguehoni imo jajo. ²⁸ Vunoni muilu ua mumuthenge ukalalelo lika imene vauhaka machoto. Nga Kalunga au thikanga jeni ndi? Eni muvakakutava chachindende. ²⁹ Neni kati muthetele vije vimukalia, nevi vimukanua, nambe timume vimbunge. ³⁰ Muomu viuma evi vioshe vakavifuti via hano hathi vekuvithetela, vunoni isho jeni nathivuka viuma evi muavijongola. ³¹ Vunoni theteleni vumuene vueni, keho aka mivuethelela vioviuma evi. ³² Keti mukale naliova, eni kambunga chamuvuahela isho jeni kujongola ngachije aka mihane vumuene vuje. ³³ Landetheni vije vimunafuku, keho haneni vuana litongeleni vinkombe vije kaviekukula. Vufuko vua muilu kavuekuhua, muje mukuakupuandja kekukovela mo, nambe tuntembulu kavekuvihitha. ³⁴ Muomu kuje kuakala vufuko vueni, kukekuo nakukakala vimbunga vieni. ³⁵ Lithitikeni miva jeni muthi mbunda theni keho shuamekeni vindeja vieni. ³⁶ Neni pueni ngue vantu vakutatelela muene uavo. Muaka hiluka kuchiwauano chavulo; linga muakahiluka nakungongola, vaka mushokolola haje vene. ³⁷ Vavethika vakuamanda vaje, omomuene akuindja akuva uana vali nakuvingila. Chilivene ndjikumileka nguange ikeye vavena akali thitika muiva mumbunda.Aka vatumametha kumesa kukulia, keho akenja nakuva pangela. ³⁸ Nga akenja kukunjunga chamu chivali, nechi chamu chitatu, keho aka va uana ngachije, nga vana vethika vaje. ^{39 40} Vunoni thivukeni echi, nga vavena ndjivo na thivukile olaika mukuakuku puanja enja nga na vingila. Nga kathile ndjivo jendi vaituve. ⁴⁰ Neni lalo livhuahe theleni lumo; muomu ha ola ije kamuthi nga njeka monamuntu enja. ⁴¹ Keho petulu uahandekele nguendi, muene echi chithimo una chitela jetulika, ndi nakuliuoshe. ⁴² Keho muene uahandekele nguendi, ija na puka songo uachili mukamana, muene ue ndi amuthila kumu njungila vakandjivo jendi, kuva pangela, viakulia viavo hathimbu ja kulia. ⁴³ Na vethika mukuamanda uje, nga muene uendi muakenja akamu uana alinaku vilinga nge chije. ⁴⁴ Muavusunga ndji kumilka nguange, aka mukundika vioshe vialinavio. ^{45 46} Vunoni mukuamanda uje nga ahandeka mumbunge jendi nguendi, muene uange na kalathimbu jakuinja; keho aka shangumuka kuveta vakuamanda vavamala, navavakentu, nakulia nakunua, nakupenda. ⁴⁶ Muene uamukuamanda uje akanja halitangua lije kamutatelela, nahaola ije kaithivukile, keho akamu tetanga, akamuhana fueto jendi, hamo nava jekavono nokele. ⁴⁷ Namu kuamanda uje uathivukile chithango chamuene uendi, vunoni kamu viukisilile liumo, nambe ⁴⁸ kalingile chithango chendi, vakamuveta mikiki jajingi. Vunoni uje kathivukile, keho ualingile vije viakumusepuisa, vakamuveta namikiki jajindende. uoshe ujeiva nahana viavingi kuli ikejelalo vakathetela viavingi, nakuli uje jova kundikile viavingi, nakuli ujejova kundikile viavingi, kuli ikeje vakavundila viakama. ⁴⁹ Njethile muku mbila tuhiahathi, keho ndji katonda vika, ngavana shuamala ja. ⁵⁰ Vunoni ndjilinaku mbuitika chimo chakuli mbuitika nacho, keho ndjilinaku monaka jando noho kumanetha. ⁵¹ Enimueku thinganjeka nguendjine njamu kuneha chijulo hathi, ndi ndjiku mileka nguange, kuahi, vunoni kulitepa navua. ⁵² Muomu kutundahano vatanu vamundjivo imolika vakalihana ngunuka, vatatu, ku vavali, kehovavali kuvatatu. ⁵³ Vakaliha ngunuka, ishenamu nendi ualiala, mona ualiala, naishe, vaina namunendi uamukentu, mona uamukentu navaina, vainamueno navainamueno. ⁵⁴ Keho uahandekele lalo na mbunga nguendi, omo muekumona lishelua lilonda muaya tangua, haye vene ngueni, mema akunoka, keho enja. ⁵⁵ Keho muekumona mpundhi itunda kusulu kupupa, ngueni, kukakala ntuima yakama, keho ikuinja. ⁵⁶ Eni vava kachivembulu, muathivuka kulangulula chihanga chamavu nalivu. Vunoni, vati kamuthivuka kulangulula via thimbu ino. ⁵⁷ Keho vika kamue kuli yonguela viachili eni vavena. ⁵⁸ Muomu thimbu muka yamumona namuka nkole yove kumesho amukuluntu. Liuvu eni momuya mungila nendi ngangoco akutuala kulingathi. Keho ngathi aka kukundika kuli muka kuyandetha. Keho mukaku yandetha aka kuhaka mundolongo. ⁵⁹ Ndjikumileka, nguange nahamo hahi houka tundilamo, kuvanga una fueta vimbongo viaku manetha mulonga.