¹ Yizile yaya insita pano Apolosi wali ku Kolinte , Paulo wapisile mukasi munsi ya kupela nu kwiza mu musumba wa Efeso, nu kuzanamo ayalondezi yamwi kuku. ² Paulo watili kuli woliwo , '' mwapochelile umupasi uwutiswe pano mwasuwile?'' Yatili kuli weliwe, '' foo, '' tusitela tuvwe nu kuvwa ivyakuyana nu mupasi uwutiswe.'' ³ Paulo watili, '' Umuchani muno mwawatizwa?'' Yatili, muluwatizgo lwakwe Yohani. '' ⁴ Nga apano Pauli waswike ,'' Yohani wawatizyanga ulu watizyo lya kulapila . Wanenyile ayanthu ukuti ya suwile muli wenga wino angiza pali weliwe , wino, muli Yesu.'' ⁵ Lino ayanthu yuvwa chakwe chii , yawatizwe mwizina lyakwe mwene Yesu. ⁶ Apano lino Pawuli wayika amakasa pali woliwo, umupasi uwutiswe wizile pali woliwo nukuti yatalike ukuvwanga mu mivwango yuze nukuti yansensime. ⁷ Wonsi ponga yali ikumi lyonga nayayili. ⁸ Pawuli wizile waya ku Sinagogi nukuvwanga nichikanga ukuyana ni myezi yitatu, ukwelenganya nukuwalambilizga ukuyana nu wene wakwe Leza . ⁹ Kwene yamwi ayayuda yakomile nu kukana ukuvwila , yatalike ukuvwanga uwuyipe wanzila nukusenda ayalondezi ponga nawe, ukwelenganya nawo chilawanda mu ngánda ya kusambilizizga iyaku Talanasi. ¹⁰ Chino chapitilile ku myaka yili, ukuti wonsi yano yikalanga mu Esiya yuvwile izwi lyakwe mwene Leza , ponga na Yuda na Yagiliki. ¹¹ Leza wawombanga ivizungusyo vyuze na makasa yakwe Pawulo, ¹² ukuti nututambala kwene nama Epuloni yano yamukumizge vyasenzilwe ukuya navyo kuyalwale nga nindwala zgawo zgafumanga nimipasi iyiyipe yafumanga muli woliwo. ¹³ Kweni kwalinji aya Yuda yano yalungananga mukasi mu malo. Yamile pizina lyakwe Yesu ukuti yakwate amaka pa mipasi iyiype apno Paulo akakoswelamo, nkhukupingula ukuti ufumemo,'' ¹⁴ Umuyuda simapepo mukalamba , wino izina lyakwe wali Sikeva , wali na yana yasabo na yayili (7 ) yano ya wombanga vino. ¹⁵ Umupasi uwuyipe wawaswike ,'' Yesu mumanyile, na Paulo mumanyile ; kweni mwaweni?'' ¹⁶ Umupasi uwuyipe mumunthu wavwinthuchile pali woliwo nukuwachinvya nukuwuma . Apano yutwike ukufuma mu ngánda tupu nukuchisika . ¹⁷ Chino chamanyikwe kuli wonsi, konsi kuwa Yuda na Yagiliki, yano yikalanga mu Efeso . Yizile yaya ninthete sana, nukuti izina lyakwe mwene Yesu lya chindikwe . ¹⁸ Nupya , ayavule yano yasuwilanga yizile nu kulapa nukuyika uwuyipe wawo wuno yawombanga . ¹⁹ Ayinji yano yano ya chitanga amayele yizile na makope yawo wonsi ponga nu kuwocha pa minso yakwe wensi. Lino yawazga umutengo wa makope , aya kuyana nutumakopala ama zimbi amakumi ysano(50,000). ²⁰ Apano izwi lyakwe Leza lyasasile apakulu sana mu nzila zya maka. ²¹ Nomba lino Paulo wamala umulimo wakwe mu Efesasi, welenginye mu mupasi ukupita mukasi mu Makediniya na Achayiya mu nzila ukuya ku Yelusalemu; ''Lino nali kuku, ifwile nupya indole Roma.'' ²² Paulo watumile ku Makedoniya yayili yano yamwavwanga , Timoti na Erasitasi. Kweni weni wikazile mu Ezya pakasita kanono. ²³ Ukuyana ninsita yilya kutali ivwakuvulunganya mu Efesasi ukuyana ni nzila . ²⁴ Umunthu kapamantha wavidebevyakwe siliva wino yatinji Demetilasi wino wapanganga twa leza ngoza twakwe Atemisi, wizile nu mulimo kuli ya kawazga . ²⁵ Apano wawakonganike ponga ayawonvi wonsi yano yawombanga umulimo wonga nukuvwanga ukuti,'' wonsi, mumanyile kuno mumulimo wuno tukapanga imphiya izivule. ²⁶ Mukulola nukuvwa ukuti, asi uku Efesi kutupu, kweni munsi yonsi ya Eziya , Paulo wino walambilizye nu kusenula ayanthu ayinji. Akulonda kuno twa leza tuno yapangwa na makasa asi atwa leza. ²⁷ Ukuti pa tamaya ukutinya pa milimo witu wutupu kweni ukuti yangapochelela umu chinzi, nupya ni tempeli lya kukalamba Leza ngoza wa ku Alimisi. Nalyo limaloleka ilyakupepuka nu wukulu wakwe wumaya uwasile. Ku Eziya ninsi yonsi ya pansi ²⁸ Lino yuvwa chino, yazuzile nu wukali nu kulila , ukuti, '' umukulu Atemisi wa Efeso. ²⁹ Umusumba wonsi wazuzile nichivulunganyi, nukuti ayanthu yachinchile nu mwenzo wonga ukuya kumasho. Yawalesizge yano Pawulo wapitanga nawo , Gayasi na Alisitakasi , yano yafumanga Makidoniya. ³⁰ Pawulo walondanga ukwinjila mwiwumba lyawanthu , kweni ayalondezi yizile yamulesya . ³¹ Nupya , yamwi ayakalamba ya mbali yimwi yansi ya Eziya yano yali aya chuza yakwe yatumile izwi ukumuchenjezga ukuti atinjila mu malo yakukomenkhanila . ³² Ayanthu yamwi yapunzile ichinthu chonga , na yawuze chuze, pakuti iwumba lyali muchivulunganyi. Ayavule muli woliwo yatamanyile nukumanya chino yizile ponga . ³³ Yamwi mwiwumba yamusambilizizge Alekizanda, wino aya Yuda yamusunchilizganga inkholelo. Apano Alekizanda wawamyalike ni kasa , ukuti awanene ilyasi ayanthu. ³⁴ Kweni lino yiluka ukuti umu Yuda , wonsi yalizile ukuyana nama Ola yayili nizwi lyonga , ukuti, '' umukulu Atemisi wa Efeso.'' ³⁵ Lino yakawalika ya musumba ya myalalika iwumba , watili, '' mwe wonsi ya mu Efeso, umonsichi wino atamanya ukuti umusumba wakwe ya Efeso awuno wukasunga umukulu Atemisi ni chifwani chino chaponyile pansi ukufuma ku kwiyulu? ³⁶ Pa kulola ukiti ivinthu vino asivyakukanywa, mufwile muye myaa nukuti muwombe ivinthu mwalwe. ³⁷ Pakuti mwaleta ayanthu yano mwikoloti lino yano asi ayapondo pamwi ukupepula Leza umwachi. ³⁸ Achino, ndichakuti Demetiliyasi na kawazga yano yali nawe yali nu mulandu na wumwi, ama koloti yayulika nukuti muli ya kalonga ya milandu. Lekini ya pelane umulandu wonga . ³⁹ Kweni ndichakuti mukulonga chimwi ukuyana na vyuze, vilisila pa chilonga nilo chakwe. ⁴⁰ Pakuti tuli mu wulwani wa kutupela umulandu ukuyana nu wanda wilelo uwavyongo. Pasi chino chawombwa ukuyana ni vyongo vino , tutanga tulandepo pali chino.'' ⁴¹ Lino wavewanga chi, wizile wasalanganya ukuwungana .