¹ Lino ivinthu vi vwawombwa Pawulo wafumile ku Afenzi nukuya ku Kolinfi. ² Kulya wakomenkhine numuyuda wumwi wino wali a Akwila , umunthu waku Ponthasi, wino wizile likwene ukufuma ku Itale numuchi wakwe Pulisilla , pamulandu wakuti Kulodiyasi wawapingwile wonsi ayayuda ukuti yafume mu Roma . Pawulo wayile kuli woliwo , ³ nga numulandu wakuti wawombanga nawo ivwakukazga , wikazile nawo nukuwmba , muno yapanganga amatenthi yakukazga. ⁴ Apano Pawuli wavwanzyanyanga nawo mu Sinagogi uwanda wonsi uwamulungu , ukwezga ukuti ............ wonsi aya Yuda naya Giliki. ⁵ Nomba lino Silasi na Timoti yiza ukufuma ku Masedoniya , Pawulo wayipile kwizwi, ukuwasimichizga aya Yuda ukuti Yesu a Khilisitu. ⁶ Kweni lino a Yuda yamukanya nukumutuka , Pawulo wawasumbile ichizwalo chakwe pali woliwo nukuvwanga ukuti , '' Lekini uwazi winu wuye pamitwe yinu ; ne mutele. Ukufuma nomba lino nimaya kuya Mitundu. ⁷ Apano wafumile kulya nukuya kung'anda Tayitasi Jasitasi, umonsi wino wapepanga Leza . Ing'anda yakwe yali kupipi na Sinagogi . ⁸ Khilisipasi, umukoleleli uwa Sinagogi, wasuwile muli Mwene , ponga nayano yikala mung'anda yakwe ; nayinji aya Kolinthi yano yuvwile chakwe chi yasuwile nga yawatizwe. ⁹ Mwene wavwanzile kuli Pawulo mukasi muwusiku mu chilolwa, '' Utatina , kweni vwanga nupya utamyalala . ¹⁰ Muno indi nawewe, nga patali nawumwi wino angakonona , muno indi nayanthu ayinji mumusumba wuno.'' ¹¹ Pawulo wikazile kulyakwene umwaka wonga nimyezi yisano nawonga , ukusambilizga izwi lyakwe Leza kuli woliwo . ¹² Kweni lino Gliyo waya inkhombe ya Achayi , aya Yuda yamunyamuchile Pawulo numwenzo wonga nukumuleta pawuteko wawulonzi, ¹³ ngayatili, '' Umunthu wino akulambilizga ayanthu ukuti yapepa Leza vino vitakulemelelana nuwuteko witu. '' ¹⁴ Mbali pano Pawulo walinji papipi ukuti avwange, Galiyo wvwanzile ku ya Yuda , '' Mwe ya Yuda , nanthi umolimo walinji umulandu wakonona nanthi uwakunyepwa, ichaya ichisuma ukuti tumalane na mwemwe . ¹⁵ Kweni pano chi ichamawuzgo ya mazwi namazina nuwuteko winu, lolingini amwemwe. Nakulonda inje ne kalonga wamilandu yi'' ¹⁶ Galiyo wawazumilizizge ukuti yafume pachilimba cha wulonzi. ¹⁷ Apano yizile yamufumya Sosthenes, umukalamba wa ng'anda yamapepo, nukumuma pawuteko wa wulonzi. Kweni Galiyo atasayile vino yawonvile. ¹⁸ Pawulo , lino wikala kulya amanda ayinji, wawasile ayawuze nukuya ku Siliya ukupita pali yemba na Pulisila na Akwila . Lino yatani yanyamuke pano yakayinjilila pali yemba , Sentchiliya , inyele zgakwe zgapezilwe umulandu nukulapa kuno walafile. ¹⁹ Lino yiza ku Efesasi, Pawulo wamusile Pulisila na Akwila papakwene, kweni weni weliwe wayile mu Sinagogi nukuvwanzyanya na Yuda . ²⁰ Lino yamuwuzichisya Pawuli ukuti ayikale kulyakwene insita iyitali , wakanyile. ²¹ Kweni wafumapo pali woliwo, watili , '' Ndiza kapya kuli mwemwe nanthi Leza akulonda .'' Wapisile nupya pali yemba ukufuma ku Efesasi. ²² Lino wafika pa Sizaliya , twayile nukulamuka ing'anda yamapepo iyakuyelusalemu pana twisile nukuya ku Anthiyoki. ²³ Lino yasumba insita palya , Pawuli wafumilepo nukuya kuchigawo chakwe Galatiya na Falijiya kunuwakomya ayalondezi wonsi. ²⁴ Nomba lino umuyuda wumwi wino yamwamanga Apolosi, wino wapafwile ku Alekizandiliyta , wizile ku Efesasi . Walinji umutumphe mumuvwango numulungamane mumalemba . ²⁵ Apolosi wasambilizwe mukusambilizga vwakwe Mwene. Ukuya uwamaka mumupasi, wavwanzile nukusambilizga ningo ivyakukwanfwana na Yesu , kweni wamanyile ivwaluwatizgo lwakwe Yohani. ²⁶ Apolosi watalike ukuvwanga namaka mu Sinagogi. Kweni lino Pulisila na Akwila yamuvwa yamusendile pambali nukumulongoswela inzila yakwe Leza ningo sana . ²⁷ Pano walonzile ukuti apite ukuya ku Achayiya , ayawuze yamukomyizge nukuwawalichila ayalondezi mu Achiya ukuti yamupochelele. Lino wafika , wawatuzile sana yano yasuwile ninkhumbo. ²⁸ Apolosi namaka wawakanyile aya Yuda [iwumba pano yakanzinkhananga , ukulanjizga mumalemba ukuti Yesu a Khilisitu.