¹ Nomba lino yapita mumisumba yakwe Amfipolisi na Apoloniya , yizile pamusumba wakweTesalonika , pano palinji sinagigi iya Yuda . ² Pawulo , muno wayelile , wayile kuli woliwo, kumilungu yitatu akuvwanzyanya nawo ukufuma mumalemba yakwe Leza . ^{3 4} Wayulanga amazwi yakwe Leza nukuvwanga ukuti ichakulondewa ukuti umukhilisitu achule nukuzguka kapya ukufuma kuyafwe . Watili , '' Yesu wi wino nkhukosola kulimwemwe a Khilisitu.'' Ayayuda yamwi yawalambilizizge nukuya ponga na Pawuli na Silasi , nukusanzyapo naya Giliki yano yayipile sana , ngapatalinji nanthi ayanachi yanono yano yakolelelanga. ⁵ Kweni aya Yuda yano yatasuwile, yano yapiswanga ninkhwini, yasenzile ayanthu yamwi ayononyi ukufuma kumusonkhano, yawunganike iwumba , nukuyika numusumba mumuvwalanga . Ukutuka ing'anda yakwe Jasoni, yalondanga Pawuli na Silasi ukuti yafume payanthu. ⁶ Kweni yatawazanyile, wamukwemile Jason nayawuze yamwi ukuya nawo kuyakalamba yamwi ayamumusumba , yakulosya ,'' Ayanthu ya yano yasenula insi yonsi yiza nupya kukwene. ⁷ Ayanthu ya yano Jasoni wawapochelile yakuwomba vino vitakulemelelana na Siza ; yakuvwanga ukuti kuli mwene muze - Yesu. ^{8 9} Iwumba nayakalamba yamusumba yavulungine lino yuvwa chino. Kweni lino ayakalamba yamupanga Jasoni nga nawonsi yayisile imphiya ngati ichikole, ngayawasile ukuti yapita. ¹⁰ Uwusiku wulya ayayuze yamutumile Pawuli na Silasi ku Biliya . Lino yafika kuku , yayile mu Sinagigi yaya Yuda . ¹¹ Nomba ayanthu ya yali ningo sana ukupambana aya ku Tesalonica , muno yapochelile izwi namano yawo wonsi ayamelengwi, ukulolechesya amawaliko uwanda wonsi ukuti yalole nanthi ivinthu avino vyali. ¹² Achino ayinji nawo yasuwile, ponga nayanachi ayagiliki ayamanyikwe nawonsi ayinji. ¹³ Kweni lino aya Yuda yaku Tesalonika yamanyile ukuti Pawuli nawe wakosolanga izwi lyakwe Leza pa Biliya , yayile kulya kwene nukuvulunganya nukuchuzga iwumba . ¹⁴ Apano papokwene, ayawuze yatumile Pawuli ukuya kuli yemba , kweni Silasi na Timoteyo yasyazile kulyakwene. ¹⁵ Yano yamukolelelanga Pawulo yamusenzile mpaka ku musumba wakwe Afenzi. Lino yamusya Pawulo palyakwene, yapochelile ukufuma kuli weliwe amasunde yakuti yakamunene Silasi na Timoti ukuti ayize kuli weliwe zuwazuwa. ¹⁶ Nomba lino Pawuli akuwalindilila ku Afenzi, umupasi wakwe wasosile muliweliwe lino walola umusumba wuli natwaleza utwinji. ¹⁷ Nomba yavwanzinye mu sinagogi na Yuda nayawuze yano yapepanga Leza , namumasankhano kwene nayano yalinji kukukwene. ¹⁸ Kweni ama Epiculi na ma Stoic ayasambilire yakomenkhine nawe. Yamwi yatili,'' Nga umufweka wino akuti chani?'' Yamwi yakuti ,''Akuloleka ngati awino akwama ayanthu ukuti yakonkha utumilungu twakuzungusya ,'' umulandu wavwanganga izwi lyakwe Yesu nukugzuka nupya. ¹⁹ Yamusenzile Pawuli nukumuleta kuli ya Areo pagus nukuti, '''tungamanya ukusambilizga ukupya kuno wavwanganga? ²⁰ Muno ukuleta ivyakuzungusya vimwi mumakutwi yitu. Achino, tukulonda tumanye vino ivinthu vi vikusula .'' ²¹ (Nomba wonsi aya ku afeni nayalendo yano yikalanga kulya yasunvile insita yawo ukuvwanga nukuvwichisya ivinthu ivipya .) ²² Apano Pawuli wimilile pakasi pali ya Areopagusnukuti,'' Mweyanthu ya ku Afenzi,nkhulola ukuti mweyisunde sana munzila yonsi. ²³ Muno lino nkhupita naweni ivinthu vyamapepo yinu, nazanyile insaka namawatizyo ya ,'' Kuli Leza wino atamanyikwa .'' Nga apano mukapepa chani uwambula ukumanya , chi nkhuchivwanga kuli mwemwe . ²⁴ Leza wino wapanga insi navyonsi vino vili mwenemo, pakuti a Mwene wakwiyulu ninsi, asiyikala umwitempeli lino lyazengwa namakasa . ²⁵ Nupya amakasa ya wanthu yasimwavwa , nanthi akulonda chimwi, pano weliwe akapa ayanthu uwumi nu kufuta nga nachilichonsi. ²⁶ Ukufuma kumunthu wenga wapanzile insi yonsi ukuya na yanthu ukuti yikale papela pansi , lino yamanya kali ninsita ni mphaka zyamuno yakayikala , ²⁷ ukuti yalonda Leza nga nukuti yanguvwa inzila yakuli weliwe nukuti yangamuzana . Mbali asi apatali pali wenga wakwe sweswe. ²⁸ Muli weliwe swe yawumi nukupita nga tuli nuwunthu witu, ngati muno wumwi kawalika wakwe mwemwe wavwanga , 'muno naswe sweswe mbezu yakwe .' '' ²⁹ Achino , muno swe mbezu yakwe Leza, manyi twayelenganya ukuti akayele kavisuma kali ngati akakwe Golide, nanthi a Siliva nanthi amawe- ivinzungwani vino vwapangwa namakasa namelengwi ya munthu. ³⁰ Achino Leza wasuzile insita yakunthamanya , kweni nomba akuwanena ayanthu wonsi kulikonsi ukuti yamumanye Leza . ³¹ Chi umulandu wayika uwanda wuno alilonga insi muwulungamane ukupitila mumunthu wino wasola . Leza alanjizye kali ivyamunthu wino kuli wensi pakumuzusya kuyafwe.'' ³² Nomba lino ayanthu yaku Afenzi yuvwa ivwakuzguka ivwamufwe, yamwi yamusowekanga Pawuli; kweni yamwi yatili ,''Tulikuvwila nupya vyakwe chi.'' ³³ Lino chi chapita , Pawulo wawasile . ³⁴ Kweni ayanthu yamwi yapisile nawe nukumusuwila , ukusanzyapo na Diyonisiyasi wino walinji Aliyopagayiti, umwanachi wumwi wino wali Damalisi, nayawuze yani yali nawo .