¹ Lino ichongo chasila, Paulo watumile ayalondezi lino wawakomya , watile musyale ningo nukupita nukuwasya nukupita muMasedoniya . ² Pano wapitilile mumbali zgonsi ukuti wavwanzile amazwi ayakuwakomya woliwo , wizile ku Gilisi. ³ Lino wamala imwezi yitatu kulyakwene, yapanzile ukuti yamukome aya Yuda lino walipapipi ukuya ku Siliya , nomba walenginye ukuti apitilile Masedoniya . ⁴ Yamusuchilile mphaka ku Eziya wali a mwana Sopata uwa ku Payilasi wino wafumile ku Biliya ; Arisitakasi na Sekandasi, wonsi ukfuma kuyasuwile aya ku Tesaloniya ; Gayiyasi uwa ku Debe; Timoti; na Tayikukasi na Tilofimasi ukufuma ku Eziya . ⁵ Kweni ayanthu yayile lino tutani tuye nga yatulindililanga pa Tiloyasi. ⁶ Twizile twapita paliyemba ukufuma ku Filipi lino twala pasaka , nga pamanda twizile kuliwoliwo in Tiloyasi. Papa twikazile amanda yasano nayayili. ⁷ Uwanda uwakutalika uwamulungu, lino twawungine ponga ukuti tumonyole umukata, Pawulo wavwanzile kuli ya kasuwila . Welenganyanga ukufuma uwanda wakukonkha , alino wapitilizizge ukulondolola mphaka pakasi pa usiku. ⁸ Pali amalukozgo mupela muchipitu muno twakongine. ⁹ Pamulomphwelo pikazile wumwi umulumendo umunono izina lyakwe Yutekasi, wino wakaswile utulo hee. Napano Pawuli walanzile umwakupitilila , umulumendo umunono wii,wachilinji akaswile , waponyile pansi ukufuma mung'anda yapapela inambala yakwe chitatu yamunyamwile lino afwile . ¹⁰ Kweni Pawuli wayile kwisika , wayolwile paliweliwe, nukumusozya insonyi. Apano watile ,'' utavulungana , muno achili umupuma . '' ¹¹ Apano wayile mung'anda mupela kupya nukumonyola ichibama nukulya . Lino yavwanga nawe akasita akatali mphaka kumacho , wafumilepo. ¹² Yamulesile kapya umulumendo umupuma nga yakunzile sana . ¹³ Sweswe swenga twayile pankholelo pali Pawulo pi sitima nukupita ukutali ku Asosi, kuno twasenginye ukuti tukamusende Pawuli pachimbayambaya . Chi achino weliwe walondanga awombe , umulandu walondanga apite pa musili. ¹⁴ Lino wakomenkhana naswe pa Assosi, twamusenzile pisitima nukuya ku Mitelini. ¹⁵ Apano twapisile ukufuma kulya apano twafisile kuwacha kumbali yuze iyakamusili ka mumanzi akaku Chiwosi. Kumutondo twafisile pakamusili kakwe Samos, uwanda wuze twizile twafika pamusumba wakwe Miletasi. ¹⁶ Pawuli welenginye ukuya ku Efesasi, ukuti atasunvile insita mu Eziya ; muno wapitisyanga ukuya ku Jelusalemu pawanda wa Penthekositi, nanthi chalinji ichakuchitwa kuli weliwe ukuwomba vikwene. ¹⁷ Ukufuma Miletasi watumile awonsi ku Efesasi nu kuwama kuli weliwe nayakalamba yamapepo . ¹⁸ Lino yizile kuli weliwe , watile kuliwoliwo, '' Mwemwe mwenga mumanyile, ukutalika uwanda wuno walyasile itamba mu Ezya, wuli muno nasumbilanga insita yane namwe . ¹⁹ Nasunjilile ukupepa mwene namelenganyo yane wonsi ni minsizi, namachuzi yano yizile kuli nene umulandu wakwe chi a Yuda yapekinye. ²⁰ Mumanyile muno nthafisile nachimwi ukuvwanga kuli mwemwe chino chalondangwa sana, navino nawasambilizizge piwumba kufuma pangánda ni ngánda , ²¹ ukusimichizga kuya Yuda naya Giliki ukuyana nukulapa kuli Leza nulusuwilo muli Leza Yesu . ²² Nomba lolini, Nkhuya ku Yelusalemu , nyefilwe numupasi , uwambula ukumanya chino chikuyawombwa kuli nene kuku, ²³ ukupawula ukuti umupasi umutiswe wukusimichizga kuli nene mumusumba wonsi ukuti iminyololo nuwuchuzi wuno wukundindilila . ²⁴ Kweni nthakuwelenjela uwumi wane ukuti uwakulondwa kuli nene, pano nanthi ningamalizga ukupotana nukumalizga intchiti yane yino napochelile kuli Leza Yesu, ukusimichizga izwi lisuma lyakwe Leza. ²⁵ Nomba lolini, manyile ukuti mwensi mwemwe, mweyanthu nayile nukulumbilila ivyawumwene wakwe Leza , mutalitela mulole paminso pane. ²⁶ Nomba nkhuwasimichizga ilelo lino, ukuti ne mutele muwazi wakwe aliwensi. ²⁷ Muno nthafisile nachimwi kuli mwemwe ukulonda konsi kwakwe Leza . ²⁸ Nomba chenjelini sana , napa ng'ónzi zino umupasi umutiswe wawapanga mwenwe ukuzilolelela . Muchenjele ukuchema ing''anda yakwe Leza , yino wakazile nuwazi wakwe . ²⁹ Manyile kuno nanthi nafuma , ayalwani yaliza pali mwemwe ngayalonona ing''anzi zyonsi. ³⁰ Manyile ukuti namuli mwemwe awonsi yamwi yaliza nukuzawonona uwumolimo ukuti yawapunganye ayalondezi. ³¹ Nomba mwayilolelela . Yizukini ukuti pamayaka yitatu nthalesilepo ukuwachenjezya mwemwe maminsozi uwusiku numusanya . ³² Nomba nawasuwila mwemwe kuli Leza nakwizwi lyakwe ilisuma , lino lingawazenga nukuwapa impyani kuli wonsi yano yakuyipa . ³³ Nthalonzile Siliva , Golide, nangu ichizwalo . ³⁴ Mwemwe mwenga mumanyile ukuti amakasa yane ya yawonvile ivwakulonda vwane nivwakulonda vyakwe yano nali nawo . ³⁵ Muli vyonsi nawapile ichilanjizyo muno mungawavwizga yano yaposilwe pakuwomba , nganamuno mungizuchila izwi lyakwe Leza Yesu, amazwi yano weliwe wavwanzile : ' ichisuma sana ukupa ukulusya ukupochelela .'''' ³⁶ Lino wavyanga munzila yii, wafukime nukupepa nawo wonsi. ³⁷ Palinji ukulosya nukumuwanzya Pawuli kukumufyofyontha . ³⁸ Wonsi yalinji nichitima umulandu wakwe vino wavwanzile, ukuti yatalitela yalole nupya paminso pakwe . Apano yamusuchilile kwisitima.