¹ Chizile chaya ukuti mu Iconium ukuti Paul na Barnabas yinjile ponga mu ng'anda ikalamba iyamapepo iya Yuda nukuvwanga ukuti iwumba lyonsi ilya wa Yuda naya Giliki yasuwile . ² Kweni aya Yuda yano yatuvwilanga yizile yavulunganya amelengwi ya yakunzi nukuti yizile yaya ayakali sana kuyawuze yalya . ³ Apano yikazile kukukwene insita iyitali , ukuvwanga namaka yakwe Leza , lino akulanjizga uwukaboni uwa nkhumbu zgakwe. Wachitanga vino nivilanjizgo nivwakuzungusya vino vimachita na Paul na Barnabas. ⁴ Kweni ayanthu ya mumusumba wulya yapawunkhine; yali yalinji na Yuda , namwi naya Positoli. ⁵ Ponga ayakunzi naya Yuda (nayakoleleli yawo) yizile yezga ukuti yawayinve nukuti yawume namawe, ⁶ kweni lino yamanya chino, yizile yaya ku Lycaonian imisumba ya Lyatra na Derbe nga nuwuyo wakuliwilizga, ⁷ kuno yizile yapitilizga ukutanda izwi ilisumba . ⁸ Mu Lystra umunthu wumwi wikazile , uwambula amaka mumakulu yakwe, ukulemala ukwakufuma munda yakwe nyina , wino atatela apitepo. ⁹ Umunthu wino wuvwile Paul akuvwanga. Paul wamulolechesizge sana nukulola ukuti wali nulusuwilo ukuti angaya ningo. ¹⁰ Apano wavwanzile kuli weliwe nukupunda '' Nyamuka namakulu yako.'' Apano umunthu wilya wavwinthwike umupela nga nukupitanapitana. ¹¹ Lino iwumba lyalola vino Paul wawomvile , yizile yapunda , nukuvwanga umuvyili vya mu Lycaonia, '' Twaleza twika kuli sweswe mumilolechela ya munthu.'' ¹² Yizile yamwama Barnabas'' Zeus,'' nga na Paul ''Hermes,'' umulandu awino wavwanganga sana . ¹³ Umukalamba wamapepo ku Zeus, wino inyanda yakwe iyamapepo yalinji kunsi kwa musumba , walesile ing'ombe zgangolo nukuzinyepelela pa mupongweni; weliwe niwumba yalondanga ukuti yatwale imphutile. ¹⁴ Kweni lino ayapositoli, Barnabas na Paul, yachuvwa, yizile yalepula ivizwalo vyawo nga zuwazuwa nukufuma umwiwumba , ukulosya sana , '' ¹⁵ Mweyanthu ichani chino mukuchita vino ? Naswe sweyanthu, chilichonga namwemwe. Tukuvwanga ivya lizwi lisuma kuli mwemwe, ukuwanena ukuti mufume kuvyawula ntchiti vino ukuti muye kuli Leza wawumi, wino wapanzile kupela , insi, yemba , navwonsi vino vili mwenemo. ¹⁶ Munkhulo yakali , wazumilizganga insi zgonsi ukuti yapita umunzila zgawo . ¹⁷ Kweni naponye, atayisile uwawula kaboni, muli chino wachitanga ningo nga wawapanga nimvukla ukufuma kupela ninsita iyisuma, ukuzuzga imenzo yinu nivyakulya nulukundo.'' ¹⁸ Namazwi yakwene, Paul na Barnabas yizile yalilesya iwumba ukuti lyatwala imphutile kuli woliwo . ¹⁹ Kweni aya Yuda ukufuma ku Antioch naku Iconium yizile nukunyengelela iwumba . Yizile yamuvwintha Paul namawe nukumifumya mwenemo mumusumba , Yelengenyanga ukuti afwile . ²⁰ Pano ayalondezi yimilile ukumuliwilizga , wakatwike nukwinjila mumusumba . Kumutondo, wayile ku Derbe na Barnabas. ²¹ Lino yakosola izwi lisuma mumusumba wulya nukupanga ayalondezi ayinji, yapyanile ku Lystra, nukuya ku Iconium, nga nuku Antioch. ²² Yapitilizge ukukomya imyenzo yawalondezi nukuwakomya ukuti yapilizge mulusuwilo , nukuti yatile, Tifwile tukinjile kuwumwene wakwe Leza muwuchuzi uvule.'' ²³ Lino yasola ayakalmba yawo mung'anda yonsi iyamapepo, nukupepa uwambula ukulya , yizile yawayika mumakasa yakwe Mwene, muli wino yasuwile . ²⁴ Apano yizile yapita mu Pisidia nukwiza mu Pamphylia. ²⁵ Lino yavwanga izwi mu Perga , yizile yika ukuya Attalia. ²⁶ Kuno yizile yapita pali yemba ukuya ku Antioch, kuno yayisile ulusuwilo umunkhhumbu yakwe Leza uku ntchito yino nomba yamala. ²⁷ Lino yafika mu Antioch nga yakonganike yakapepa, yavwanzile vyonsi vino Leza wachita nawoliwo, nga namuno wayulila umulya walusuwilo kuyakunzi. ²⁸ Yizile yikala insita inthali nayalondezi.