¹ Nomba mungánda yamapepo mu Antiyoki, mwalinji ayantchimi yamwi naya sambilizi. Yalinji a Banabasi, Simiyoni (wino akayamwa Nayija), Lusiyasi uwa ku Sayilini, Maniyani( umuto wakwiza sile wakwe Herodi) na Sawuli. ² Lino yakumupepa Mwene nukufunga , umupasi mutiswe watile ,'' Lekanyini vyakwe Banabasi na Sawuli, ukuti yawombe intchito yino mbamile .'' ³ Lino yafunga , nukupepa, nukuyika amakasa pa wonsi ya , yizile yawafumya penepo. ⁴ Nga Banabasi na Sawuli yamuzumilizizge mupasi mutiswe nukuya kwisika ku Silusiya ; ukufuma palya yapisile pa manzi ukuya pa island yakwe Sayipulasi. ⁵ Lino yali mumusumba wakwe Salamisi, yizile yalumbilila izwi lyakwe Leza mumangánda yamapepo aya wa Yuda . Nupya yalinji na Yohani Maliko uwakuyavwa. ⁶ Lino yapita pa Ayilandi mpaka ku Pafosi, yizile yamuzana wumwi uwamayele, intchimi yimwi iyawufi iyiyuda , yino izina lyakwe lyali Ba Yesu. ⁷ Uwamayele wino wino wali nulusuwilo sana wali ponga na Sergius Paulus, wino wali uwamano sana. Umunthun wino wizile wamunyepa Barnabas na Saul, umulandu walondanga awuvwe amazwi yakwe Leza. ⁸ Kweni Elymas'' Uwamayele''( amuno izina lyakwe likasandululwa) wizile wawasusya; wizile wezga ukumufumya umusuwalilwa wilya kuwumolimo. ⁹ Kweni Saul, wino akayamwa kapya ukuti Paul, umuzule numupasi, wizile wamulolechesya sana ¹⁰ nukuvwanga ukuti,'' Mweyana yakwe satana, mwazula nuwuyipe . Mwe yalwani yawanthu wonsi ayalungamane . Mutalitela mulekepo ukunyonganya inzila iyololoke yakwe Mwende, mulileka? ¹¹ Nomba lolini, ikasa lyakwe mwene lili pali mwemwe , nga muyaya mwe yanthonkho . Mutalilola ilanzi pakansita kanono.'' Papokwene ifwinzi yaponyile ; watalike ukupitana ukuwuzga ayanthu ukuti yamule ikasa nga yamulanga ukwakuti apite. ¹² Lino ayaman yalola vino vyachitike , wasuwile , muno wazungwike umulanda wa visambilizgo vyakwe Mwene . ¹³ Nomba Paul nayawuze yizile yapita pali yemba ukufuma ku Paphos nga yizile ku Perga mu Pamphylia. Kweni Yohani wizile wafumapo nukupyanila ku Yelusalem. ¹⁴ Paul nayawuze yapisile ukufuma ku Perga nga yizile ku Antioch wa Pisidia. Kuku yayile umunyanda iyikalamba iyamapepo wanda wa Sabata nukwikalamumukwene. ¹⁵ Lino yawazga amasunde nga ayanchimi, ayakoleleli yang'anda yamapepo yizile yawatumila amazwi, ukuti,'' Yanji , nanthi muli namazwi yamwi ayakukomya ayanthu pano, vwangini.'' ¹⁶ Apano Paul wimilile nukuvwanjila amakasa yakwe; watili, '' Mweyanthu yaku Israel namwemwe mweyanthu mukalumbula Leza, Wuvwini. ¹⁷ Leza wayanthu yano yasoze tata nga yapanjisye ukuti ayanthu yavule sana pano yikalanga umunsi ya Iguputo, nga nikasa lyakwe lilimupela wizile wawafumya mwenemo. ¹⁸ Pamyaka yisano wikazile nawo mumphanga. ¹⁹ Lino wonona insi zisano nazili umunsi ya Canaan, wawapile ayanthu yitu insi yawo ukuti yapyane. ²⁰ Vyonsi vino vyachitike pamyaka 450. Lino vyonsi vino vyachitwa, Leza wawapile uwulonzi mphaka pali Samuel inchimi. ²¹ Apano ayanthu yizile yawuzichisya vyakwe mwene , nga Leza wawapile Saul uwa ku Kishi, umunsi uwakuluko lyakwe Benjamin, ukuti aye amwene pamyaka amakumi yasano. ²² Lino Leza wamufumya pawumwene, wizile wanyamusya David ukuti aye amwene wawo . Pali apali David pano Leza watile , Namuza David umwana wakwe Jesse ukuti aye umonsi pamwenzo wane , wino akachita chonsi chino nalonda ukuti awombe .' ²³ Ukufuma kuli yakuku yamonsi wino Leza wawaletile aya Israel umupususyi, Yesu , ngati muno walayizizge . ²⁴ Lino Yesu atani afike , Yohani wavwanzile ivyaluwatizgo lyakulapa kuyanthu wonsi aya mu Israel. ²⁵ Lino Yohani akumalizga inchito yakwe, watile ,' Mukwelenganya ukuti neweni? Sanene. Kweni wuvwini, wumwi akwiza nanthi napita , wino insapato zgakwe nange musapule.' ²⁶ Yanji, ayana yamuluko lyakwe Abraham, nayano muli nawo yano yakatina Leza , vili kuli sweswe ukuti izwi lya kupusuka ku lyapita . ²⁷ Muno yano yakayikala mu Yelusalemu, nayakoleli yawo, yatamumanyile, ngayakwanilisizge nukuti ivya nchimi zino zikawelengwa pali Sabata wensi ukumukana weliwe. ²⁸ Nanthi wuli yatazanyile ichifukwa nachimwi ukuti akomwe , yamukolowozizge Pilate ukuti amukome . ²⁹ Lino yamala vyonsi vino vyawatikwe vyakwe weliwe, yamwisizge pansi ukufuma mumuti nukumuyika umwilalo. ³⁰ Kweni Leza wamuzyusizye ukufuma kuyafwe. ³¹ Walolike kumanda ayinji nayano yizile nawe ukufuma ku Glileya ukuya ku Yelusalemu. Ayanthu yano ayakaboni yakwe ukuyanthu. ³² Achino tukuwawuzya ilandwe lisuma ukuti chino Leza walayizizge kuli ya tata yitu ³³ wakwanilisya kuli sweswe , kuyanawo, ukukatusya Yesu. Muno chawalikwa muli Masalimo wakwe chili : 'Wemwanane, ilelo naya ne Tata wako .' ³⁴ Umulandu wakuti wamukatusizye kuyafwe ukuti umwili wakwe wutalitela wuwole , Leza avyanzile umunzila yino : ' Ndiwapa umutiswe nga nuwupolelelwe uwachendi wuno walayizwe kuli David.' ³⁵ Achino akuvwanga nupya muma Salimo yawuze,' Mutalimuzumilizya umutiswe winu ukuti alole ukuwola . ' ³⁶ Muno nanthi David wasunga ivyakulonda vyakwe Leza munkhulo yakwe , wizile wakasula ; wizile wakolelelwa na tata wakwe nga numwili wakwe wamanyile ukuwola . ³⁷ Kweni wino Leza wamukatusizye atamanyilepo ukuwola . ³⁸ Achino lekini chimanyikwe kuli mwemwe , yanji , ukuti mumunthu wino chavyangwa ichalutetelo lwawononyi. ³⁹ Muli weliwe wensi wino akusuwila akumanyikwa nivinthu vyonsi vino isunde lyakwe Moses litande liwamanye. ⁴⁰ Apano chenjelini ukuti ivinthu vino inchimi zgavwanga vitakuchita kuli mwemwe : ' ⁴¹ Lolini , mweyakasula , nupya muye ninsonyi nupa muchule ; Muno nkhuwomba inchito mumanda yinu , inchito yino mutalitela musuwile , napano wumwi angawanena .''' ⁴² Lino Paul na Banarnabas wafuma penepo , ayanthu yawalenzile ukuti yangize yavwange amanzi yakwene umulungu wuno wukwiza. ⁴³ Kweni lino ulukomano lwamung'anda iyikalamba iyamapepo lwasila , ayayuda ayinji , nayanji yano yasuwile yamukonsile Paul na Barnabasi, yano yavwanganga , nukuti yawalenzile ukuti yapitilizge mulukundo lwakwe Leza . ⁴⁴ Pa wakukonkha uwasabata , umusumba wonsi wakongine ponga ukuti yuvwe izwi lyakwe Mwene. ⁴⁵ Lino ayayuda yalola iwumba , yizile yaya nijelasi nukuvwanga uwuyi palivino vyavwanzilwe na Paul nukumutuka. ⁴⁶ Kweni Paul na Barnabas yavwanzile namaka sana nga yatile ,'' Chalinji ningo ukuti izwi lyakwe Leza livwangwe kuli mwemwe tasi. Ukuwalola mwemwe lifumyini ukufuma kuli mwemwe nukuyilola mwenga ngati mutenile uwumi wamuyayaya, lolini, tumaya kapya kuyamitundu. ⁴⁷ Muno achino Mwene atuwuzizge , ukuti, nawayika ngati ulukozgo lwayamitundu, ukuti mulete umutende kunsi iyapansi.''' ⁴⁸ Pano ayakunzi yuvya chino, yakunzile nupya yakwezizge izwi lyakwe Mwene. Pano ayinji yano yasolwanga ukuya kuwumi wamuyayaya yasuwile. ⁴⁹ Izwi lyakwe Mwene lyizile lyuvwika ponsiponsi. ⁵⁰ Kweni a Yuda yizile yawavulunganya ayanachi yano yakayipa nawonsi yamumusumba . Yizile yavulunganya ulupampho lyakwe Paul na Barnabas nukuwafumya munsi yawo . ⁵¹ Kweni Paul na Barnabas yizile yakuntha ulutukumbu ukufuma kuli woliwo. Apano yayile mumusumba wakwe Iconium. ⁵² Ayalondezi yazuzile nulukundo numupasi uwutiswe.