¹ Awonso yamwi yafumile ukufuma ku Yudeya ukuya ku Anthiyoki nga yasambilizizge ayawuze, ukuti, '' Nanthi mutaputulwa ukuyana nuwikazi wakwe Mozesi, mutange mupusuke.'' ² Vii vyalesile Pauli na Banabasi ukukanzinkhana nukususyana nawo. Nomba Pawuli na Banabasi , nayawuze yamwi ukufuma muli woliwo , yizile yasolwa ukuya ku Jelusalemu ukuyakomenkhana naya Positoli nayakalamba piwuzgo lii. ³ Apano , yatumwanga ni ngánda yamapepo, yapisile monsi mwili mu Fonisiya na Samaliya nukupunda ukusantha kwa yamitundu. Yalesile ulusechelo ulukalamba sana kuyawuze wonsi. ⁴ Lino yiza mu Yelusalemu , yapochelilwe ni ng'ánda ya mapepo naya Positole nayakalamba , nukuvwanga vwonsi vino Leza wawonvile nawo. ⁵ Kweni awonsi yamwi yano yasuwile , yano yalinji ayiwumba lya ma Falisayi, yimilile nukuti,'' Chikulondwa ukuti yapiutulwe nukuwawuzga ukuti yasunge isunde lyakwe Moses .'' ⁶ Apano aya Positoli nayakalamba yawungine ponga ukuti yachivwange chakwe chi . ⁷ Lino yakanzinkhana sana, Peteli wanyamwike nukuti kuli woliwo, '' Yanji , mumanyile ukuti ichizima likwene Leza wasozile yamwi muli mwemwe , ukuti numulomo ayamitundu yuvwe izwi lisuma lyakwe Leza , nukusuwila . ⁸ Leza , wino wamanya imyenzo , wasimichizga kuli woliwo pakuwapa umupasi umutiswe, ngati vino wawonvile kuli sweswe. ⁹ Atalekinyepo pali sweswe nawoliwo, lino yaswefya imyenzo yawo nulusuwilo . ¹⁰ Nomba ichani chino mukumwezga Leza, ukuti muyike ijoko munsingo iyamulondezi wino tata witu nangu sweswe tutange tuzwale ? ¹¹ Kweni tukusuwila ukuti tulupususwa nuluse lwakwe Mwene Yesu, ngati chalinji kuli woliwo.'' ¹² Iwumba lyonsi lyamyalile pano yuvwichisyanga kuli Banabasi na Pawuli akuvwanga ivyavizungusyo vino Leza awonvile kuya Mitundu ukupitila muli woliwo. ¹³ Lino yaleka ukuvwanga , Yakobe waswike , nukuti , '' yanji wuvwini kuli nene. ¹⁴ Simon wambuzga vino Leza umwalukundo wawavwizge ayamitundu ukuti yasende kuliwoliwo umunthu umwizina lyakwe. ¹⁵ Amazwi ya nchimi yakulemelelana na chikwene, ngati muno yawalikwe, ¹⁶ Pano vino vinthu, nimaviwelezya, nu kuzenga nupya insaka yakwe Dadid,yino yaponyile pansi; nimanozya nu kunyosezya ivipompa nupya. ¹⁷ Mwakuti yano yikalanga mukasi muyanthu yamulonde Leza, palipamwi na wonsi a mitundu yano yaliwama mwizina lyane. ¹⁸ Vii avino Mwene akutaka, wino wawomba ivinthu vino kuti vimanyikwe kutalichitakali. ¹⁹ Achino, napingula ukuti tutati twawa chuzya yawa ya mitutundu yano yanyochela kuli leza. ²⁰ Kweni tumawalembela ukuti yikale ukutali kuvino vingawawombezya ku vikozyo, kufuma kuwuchende, nufuma kunyama ya vitekwa yavinyonga nu kuwazi . ²¹ Pakuti Moses yamulandanga mu musumba wuli wonsi kufuma ku inkulo inkhali. ²² Apano chalolike ichisuma ku aya positoli na ayakalamba, ni chalichi chonsi, pa kumusola Yudas wino yamwamile Barabasi, na Sailas, zimo zyalinji inthunguluzi zya yakamu, nu kuwatuma ku Antioch na Paul na Banabas, ²³ Kulemba kapitila mumakasa yawo, ''''kufuma kuyapositoli na yakalamba, ayakamu yinu, kuyamitundu ayakamu ku Antioch, Syna, na Cilicia: Twawalamuka:'' ²⁴ Pa mulandu tuvwa ukuti yamwi awonsi yafuma kunzi muli sweswe kwawula kupelwa insambo kufuma kuli sweswe, nupya yawavulunganya mwemwe na mazwi yamo yasosizye imyenzo yinu, ²⁵ Chalolike ichisuma kuli sweswe, yano twalinji nu kwelenganya ponga, pa kusola awonsi nuku watuma kuli mwemwe nayakundwe yitu Balinaba na Paul, ²⁶ Ayanthu yawo yajinvile imyenzo yawo kwizina lya Mwene Yesu Krisitu. ²⁷ Nomba twamutuma Yuda na Silas yano yalilanda kuli mwemwe ivinthu vilivimwi mu muvwango yawo. ²⁸ Pakuti chalolike ichisuma ku mupasi umutiswe na kuli sweswe, ukuti tuleke kuyika pali mwemwe katundu umunyome, pambali pavinthu vyakulondiwa,''' ²⁹ Ukuti funtuka kuvinthu vino yakatwala kuli ya leza ngoza, uwazi, uvunthu vino yakuvinyonga, na ku uzelele. Ndi mukuyisunga mweyenecho ku vinthu vino chimaya ningo na mwemwe kulayana. ³⁰ Apano, lino yawafumya, yayile pansi ku Anthioch; iyo yawunganika iwuvi palipamwi, yatwazile kalata. ³¹ Lino yamuwelenga, yasechelile sana pa mulandu uwa kuwajinvya. ³² Yudasi na silas, panga ninchimi, yawajinvyizye yano ayakamu na mazwi ayinji nu kuwapela amaka. ³³ Lyo yikala nawo amanda yinji kulya, yawatumile mumutende kufuma ku yakamu nukuya kuli yawo yawatumile woliwo. ³⁴ Kweni chalolike ichisuma ukuti Silasi asyale kulyanye. ³⁵ Kweni Pawuli na Barnabasi yikazile mu Anthiyoki, ukusambilizga nukulumbilila (nayamwi ayinji) izwi lyakwe Leza . ³⁶ Lyopapita amanda yamwi Pawuli wavwanzile kuli Banabasi ,'' zanji tuwelele nomba nukuyalola ayanji yamwi mumusumba wonsi muno twalumbilile izwi lyakwe Leza , nukuyalola ukuti yali wuli .'' ³⁷ Banabasi walondanga ukuti yamusende na Joni wino wamwanga Maliko ³⁸ .Kweni Pawuli welenginye ukuti chitalinji ichisuma ukuti yamusende Maliko, wino wawasile ku Pamfeliya nga ayayile apatali nawo muntchito. ³⁹ Apano pizile paya ukunthawuvwana ukukulu sana , nukuti yizile yapawunkhana , nga Banabasi wamusenzile Maliko nukupita nawe mumanzi ukuya ku Sayipulasi. ⁴⁰ Kweni Pawuli wamusozile nukupita, lino wasuwilwa yanawuze yakwe kuluse lyakwe Mwene. ⁴¹ Ngayayile nukupita nukupita ku Siliya naku Silisiya, ukukomya ing'anda yakwe Leza.